2Samiɛl 8:2 - BII BILA

² Mó nɔla vɛlɛ Moabua, mó yɛɛmbuu nda lɛŋ, mó tuu nda a yoolen le nda diwvo. Mó tuu yoolen lediin le kan diwvo, mó tuu vɛlɛ yoolen lepilɛ le kan mɛiyo yoomu. O kon, mí Moabua siŋnun cɛa le David, má va muloo malɔɔ ndu o ba.

2Samiɛl 8:2 Iomraidhean Croise

2Samiɛl 12:31

Mí David bii vanaa va lon-nda, mó kɔa a nda o cɛlen nin. Mó kɔ tundu nda baalala kálà-kálàlan tosaa: yɔmnde a powtan siɔlɔɔ, yɔmnde kombiaa a kpilikion lɔu. Mó tosa ɲɛ pilɛ kon o kobila Amɔnnda nin kpow. O kon kɔɔli, mó muungu Yerusalɛm nda vanaa ndɔa cɔwva kpow.

2Samiɛl 8:6

Mí David kɛsi masaa n'bungaa Aram o lɛŋnde Damas len nin, o kon mí Aramiia cal sumialii ndɔ, má va muloo malɔɔ ndu o ba. Nduyɛ, nɛɛ-nɛɛ ndóò kɔɛ pɛ le cɔwvo tosaa, Mɛlɛka ndóò sim ndu kɔɔli, ndóò nɔla yaamɔɔa o cɔwvo.

2Masaa 1:1

O piɔ́m Akab-o kɔɔli, mí Moabua piasa Israɛlla o ba.

2Masaa 17:3

Mí Salmanasar, masaa Asiri hun del ndu coo a cɔwvo, mí Osee luɛi ndu o ba bɛngu, mó va muloo malɔɔ ndu o ba.

1Dɛnnda lemasalan 18:2

Mó nɔla vɛlɛ Moabua, mí nda muungu ndu o ba bɛngu, ma va ndu muloo solullo.

2Dɛnnda lemasalan 26:8

Amɔnnda va muloo malɔɔ Osias o ba. Mí tɔ́ɔ́ ndɔɔ kɔa háá o pɛɛngulan a lɛŋnde Esipte len, kani o va hiovɔɔ laci a kpaaya sɔlaa tuŋ.

Condii lisai 108:9

Ya nɔ Kalaad a lɛŋnde Masasee len ni. Mɔsil nuu co tàndá Efraim-ndo ni, Yuda co tinda lemasa nuu ni.

Condii lisai 18:45

I soo dɔ́ɔ́ pɛ, a tosa ɲɛ ya dimi-o. Mialla co ya lisaa.

Condii lisai 60:10

Fɛngɛ ya pulun nin-ndo co Moab ni. Edɔm co nɛɛ ya viaw samta nuu-a ni. Lɛŋnde Filistii len ya yonda yonda cɔwvo kɔɔli ni.»

Condii lisai 60:8

Hala soo o Cɛi ndɔ diandaa nin, mó dimi aa: «I tiwnin ba, i co hunɔɔ Sikɛm piɔw, mì tuu bóllo Sukɔt a pɛltan.

Condii lisai 83:6

Nda kpow o co cɛlanndo, a co kpemaa yiiyo le nɔm cɔlɔbaa.

Esai 36:16

La yaŋ Esekia nilan te, kani nuaa masaa Asiri dimi ni aa: «La nuwviaa duaa a kɔlɲuloo ya o ba, la yɔngun ya, o kon o niaa tɛɛn, vana-vana dianin rɛsɛŋun ndɔn a voosun ndɔn tɔnɔ, vana-vana lonin mɛmma soon kólaa ndɔɔ kolɔɔ

Kundalan 24:17

I ce ɲɛ co hunɔɔ yɔŋnɔn-ndo, kɛ o co vɔ́ le hau le. I co ndu mɛɛndanndo, kɛ o co vɔ kpɛɛlun te. Loei tengɛi fula o cuavaa Yakɔb-a nin, Tinda lemasaa fula o cuavaa Israɛl-la tɛɛn. Tinda kon soŋ yungoo Moab kpaŋun miunndon. O lɔɔ cuavaa-imamaa Sɛt-a kpow kpokpolan.

1Samiɛl 10:27

Kɛ diɔmnda pum va Saul pɛɛsaa, má va dimio aa: «Bɔ! Vɛɛ nɛ hoo nɔla yɛnin naa baŋa?» A ke ndu ɲɛ-ɲɛ le. Kɛ Saul ve nda sondo vowlul te.

1Samiɛl 14:47

Saul sulɔɔ masa o lɛŋnde Israɛl-ten coo, mó cɔlɔba yaamɔaa va o tàndà kon nin-nda: Moabua, Amɔnnda, Edɔmnda, masaa yɛ́-yɛ́a Soba a Filistia. Nɛɛ-nɛɛ ndóò mulin pɛ a cɔwvo, ndóò nɔla vanaa va lon-nda.

1Samiɛl 22:3

Mí David faŋan Adulam, mó kɔa Mispe o lɛŋnde Moab len nin. Mó kɔ dimul masaa Moab aa: «Cɛl mì fuɲa nuu nda kala nuu hun cal o nɔm ndo háá mì sina ɲɛ Hala tosanin a ya-o.»

1Samiɛl 22:4

Mí David kɔa a nda o masaa Moab lo bɛɛ, má lo lon háá mí telen David va o vionnɔnndo nin-ndo cuu.