2Samiɛl 8:12 - BII BILA

¹² Ɲɛm ndóò poondiaa Aramiia, Moabua, Amɔnnda, Filistia a Amalɛkea o ba-on a ɲɛm ndóò poondiaa Hadadesɛr, po Rehɔb va masaa Soba-o o ba-on pɛɛn.

2Samiɛl 8:12 Iomraidhean Croise

2Samiɛl 10:11

Mó dimul pɔmbɔ ndɔ aa: «Te Aramiia va pɛ le ya nɔlaa, a sɔɔnguu le ya malaa. Kɛ te o va pɛ maa nɔm Amɔnnda co le nɔlaa ni, mɛɛ ya kɔanin le nɔm malaa ni.

2Samiɛl 10:14

Mɛɛ Amɔnnda ce Aramiia ɲaanɔnndo, mí nda bɛɛ ɲaanun Abisai, má muungun o kobi ndaa nin. O kon, Yoab cɔlɔba lɛ Amɔnnda le, mó muungu Yerusalɛm.

2Samiɛl 8:2

Mó nɔla vɛlɛ Moabua, mó yɛɛmbuu nda lɛŋ, mó tuu nda a yoolen le nda diwvo. Mó tuu yoolen lediin le kan diwvo, mó tuu vɛlɛ yoolen lepilɛ le kan mɛiyo yoomu. O kon, mí Moabua siŋnun cɛa le David, má va muloo malɔɔ ndu o ba.

1Dɛnnda lemasalan 18:11

Mí masaa David kɛsi ɲɛm mun teengen le Mɛlɛka, handɔɔ o volion a sianin ndóò poondiaa vanaa-mangalaa-isɔɔa o ba-on coo, vanaa-mangalaa-isɔɔa kan a yɔŋnun haa ni: Edɔmnda, Moabua, Amɔnnda, Filistia a Amalɛkea.

1Samiɛl 15:8

Mó bii Akak, masa Amalɛkea o kiyɛiyo, mó dɔaw vanaa tɔ̀a kpow yɛɛvɛ, mó diw nda a mɔɔn cɔwvon.

1Samiɛl 27:8

Telen David nda langbaa ndɔa va kon Siklak-o, a va kɔlan Kesuriia, Kirsiia a Amalɛkea delɔɔ coo a cɔwvo. Kabi paandu yɛ, vanaa kan kpow vannun icali o tàndà kon nin ni, kandɔɔ Sur kɔlan tiiyaa háá o lɛŋnde Esipte len.

1Samiɛl 30:17

Mí David del nda coo a cɔwvo kandɔɔ telen paale siaalen háá diimandɔɔ a paale yɔngannden, mó nɔla nda. Vana-vana helun te, fɔ langbaa felengia kɛmɛ lehiɔɔlu, a hel o ɲɔɔmɛɛa coo má ɲaanun-nda.

1Samiɛl 30:20

Mó hialu vɛlɛ saa a nawva kunda bɛndoo Amalɛkea o ba, mí vanaa va nda simndan laci-a va dimio aa: «Má cè bolofaa cɔw David-o!»