2Samiɛl 8:11 - BII BILA

¹¹ Mí masaa David siinguu vɛlɛ ɲɛm mun teengen le Mɛlɛka. Lende koni ndóò siinguu volion a sianin ndóò poondiaa vanaa-mangalaa-isɔaa ndóò nɔla, mí ndáà va ndu o ba bɛngu-a o ba-on kpow teengen le Mɛlɛka ni.

2Samiɛl 8:11 Iomraidhean Croise

2Samiɛl 8:10

mó viam Yoram po ndɔ o David lo, mó yoo ndu ɲɛm cɔwnun a volion, a sianion a á daɲan-ndon le ndu yilɔɔ a le ndu nuvalio yilɔɔ le cɔlɔba o cɔlɔba Hadadesɛr mó nɔla ndu-o. Kani cɔwvo va Toi nda Hadadesɛr tɛɛn.

1Masaa 7:51

Lɔ́ɔ́ masaa Salomɔn cii baalala tangulaa Cɛi-Mɛlɛka-o lan kpow-vo, mó cua ɲɛm baalan mun kpede, n David fuɲa ndɔ ndóò siinguu teengen le Mɛlɛka-on, mó kɔ kɛsi mun o cɛi mandaa bolofaa Mɛlɛka-o nin.

1Dɛnnda lemasalan 18:11

Mí masaa David kɛsi ɲɛm mun teengen le Mɛlɛka, handɔɔ o volion a sianin ndóò poondiaa vanaa-mangalaa-isɔɔa o ba-on coo, vanaa-mangalaa-isɔɔa kan a yɔŋnun haa ni: Edɔmnda, Moabua, Amɔnnda, Filistia a Amalɛkea.

1Dɛnnda lemasalan 29:2

I kindikindin, mí bɛɛndian kpow le Cɛi-Hala-o tangullo. I cuungiaa sianion le ɲɛm bɛnda le cɔwnɔnndo a sianion-ndon, volion le ɲɛm bɛnda le cɔwnɔnndo a volion-ndon, daɲan le ɲɛm bɛnda le cɔwnɔnndo a daɲan-ndon, cilinndon le ɲɛm bɛnda le cɔwnɔnndo a cilinndon-ndon, yɔmnde le ɲɛm bɛnda le siɔlnɔnndo a yɔmnde-on. Mí cuungiaa powta onikselan a powta báà kàlàla vana bɛɛndiaa holiholi le ɲɔɔ naŋɔɔ lan, powta tiŋilan a powta súú-súù ka kunda bɛndoo taw.

2Dɛnnda lemasalan 5:1

Mɛɛ Salomɔn cii baalala tangulaa Cɛi-Mɛlɛka-o lan kpow, mó cua volion, sianion a ɲɛm súú-súù ka, n David fuɲa ndɔ ndóò siinguu teengen le Mɛlɛka-on, mó luei mun o cɛi mandaa bolofaa Cɛi-Hala-o nin.

Misee 4:13

La cɔn, niaa vanaa co Siɔn-nda! La cɔn mì la lɔɔ maalon. I siinguunin niaa maa leela icilin, mì kindi bɛngula niaalan maa buukula idaɲa. La vɔɔciaanin vanaa súúla bɔɔ-bɔɔ. O kon, la handu tanaa o ɲɛ-sɔlaa ndaa coo le Mɛlɛka, la ke Maalii, o co lɛŋnden kpow bollen-ndo bolofaa ndaa.