2Samiɛl 8:1 - BII BILA

¹ O kon kɔɔli, mí David nɔla Filistia, mó tuisi nda siɛmbulan, mó soli masale ndalen yoomuan o tàndà kon nin.

2Samiɛl 8:1 Iomraidhean Croise

2Samiɛl 19:9

O kon mí masaa can, mó kɔ cal o dio luɛyaa kobio. Má dimul vannda kpow aa: «La tofa vɔ masaa icali o dio kobio se!» Mí vannda kpow hun o ndu lo. Israɛlla ndáà sɔɔndian nin, mí vana-vana kɔannun o ndu lo.

2Samiɛl 2:24

Kɛ mí Yoab nda Abisai toal Abnɛr kiltan kɔɔli. Mɛɛ nda tiiya o pembei Amma, Kiya ikɛi o nɛi kɔɛ o lɛŋnde veselɛilen Kabaɔn-ndo, mí paalen le del.

2Samiɛl 22:44

Nɔm Mɛlɛka, a co ya baŋaa o sɔngɔla vanaa nia bɛngu, a co ya mandaa vanaa-mangalaa-isɔɔa laci. Vanaa ya sina le-a co o ba nuu bɛngu.

2Samiɛl 5:17

Mɛɛ Filistia tuei maa a cii David pɔla má suili ndu masaa Israɛlla coo, mí nda kpow a can ndu nuwviaa le ndu biyɔɔ. David tueyɔɔ sɔɛi ken, mó kɔ viannun o fonda mayoomoo pum nin.

2Samiɛl 5:25

Mí David tosa mɛɛ Mɛlɛka dimul ndu yɛ. O kon, mó nɔla Filistia, mó toaw nda kandɔɔ Keba kɔlan tiiyaa háá Kesɛr ciee-lekɔɔ.

2Samiɛl 7:9

Nɛɛ-nɛɛ nɔm óò kɔɛ pɛ, i va nɔm ikɛi. Mí diw yaamɔaa nɔmnda kpow nɔm laci. Mí siinguu nɔm vana tɔ́ɔ́ bɛndoo, maa vanaa tɔ́ɔ́ bɛndua co o lɛŋnden coo-a.

Condii lisai 18:43

I co nda ciimiaa mɛɛ cundu hoeiye kɔandu-o co nuaa yɛ, i co nda nɛwvo mɛɛ vana nɛw loolio o nɛi nuaa yɛ.

Condii lisai 60:2

Telen o del Aramiaa va Mesopotami-a a vanaa va Soba-a coo a cɔwvo, mí Yoab nɔla Edɔmnda vaalan tɔ́ a latiɔn o Ból Ihɛllo nin-ndo o soli condei he ni:

Condii lisai 60:8

Hala soo o Cɛi ndɔ diandaa nin, mó dimi aa: «I tiwnin ba, i co hunɔɔ Sikɛm piɔw, mì tuu bóllo Sukɔt a pɛltan.

Hebreea 11:33

Laalanndo yɔŋ ni mí vanaa kan a nɔla masɛi, má tosa dɛnɛ sandaa, má sɔla ɲɛm Hala ndóò dimul nda-on, má kinda yàlàá sondolan.

Hebreea 11:34

Má ɲumi kpaaya leyinndo, má hialun mɔɛi cɔwve, má deli a nààlan, má siangu. Telen lacɔwvo, má yɔŋnun vanaa dialun kalaa, má toaw vanaa cɔvaa va nda hinullo-a.

1Samiɛl 7:13

Mí siɛmbulan la bii Filistia. Kɔl del-lɛ nda le muungoo o lɛŋnde Israɛl-ten nin te. O palɛi Samiɛl va yoomu-e kpow nin, Mɛlɛka tosa lamamɔɔ a Filistia le.