2Samiɛl 7:8 - BII BILA

⁸ Lelan sisa, dimul David vana ni baala aa: ‹Mɛlɛka-Nɔ-Kpaayaa-Kpow-vo dimi aa: Ya cua nɔm nɛɛ n va cɔlua mandaa yondoo nin-nda ni, mí siinguu nɔm simlacinɔ Israɛlla, vanaa nia pɛɛn.

2Samiɛl 7:8 Iomraidhean Croise

2Samiɛl 12:7

Mí Natan dimul David aa: «Nɔm kpeekpei co vana tosa dɛnɛ kon-ndo ni. Mɛlɛka Hala Israɛlla dimi aa: ‹Ya pɔla nɔm ni mí siinguu nɔm masaa Israɛlla coo. Ya baŋa nɔm Saul o ba ni.

2Samiɛl 14:13

Mí cuaa ɲuna ndu aa: «Kɛ le yɛɛ nɛ n co yɛ niko dɛnɛ súú vaa lende tosaa a vanaa Hala-a? Mɛɛ nɔm pila langa soo nuaa yɛ, vɛ̀ɛ̀ o co yaalanndo le nɔm pila yaalan nuaa le? Kani a kɛɛ le po nɔm co o lekáá-o mingio nanu.

2Samiɛl 23:1

Sɔɔn mɛɛlan David soo-on yɔŋnun mun ni: «Diomnda mɛɛlaala David, po Yisai-yo dimi lan la co lan ni, sɔɔn vana bɛndoo soo-on yɔŋnun mun ni, vana Hala Yakɔb-o pɔla mó siinguu ndu masaa-o, ò Israɛlla lisa taw o condon nin-ndo:

2Samiɛl 24:17

Mɛɛ David ce mɛlɛkanɔɔ vannda diwvo, mó dimul Mɛlɛka aa: «Ya cua hakio ni. Ya tɛɛmbuu tɛɛmbuuo ho ni. Vannda ha tosa dɛnɛ vɔɔn kɛ́-kɛ̀ le. Lelan yandi, tuisi ya pila a yungu nuu sangaa ho coo.»

2Samiɛl 5:2

Lɔ́ɔ́ Saul va paandu masaa naa coo-o, nɔm va Israɛlla simndan laci o cɔwvo ni. Nduyɛ, Mɛlɛka cii nin nɔm dimul maa nɔm vanin masa Israɛlla ni, vanaa ndɔa pɛɛn. Nɔm vanin simlacinɔ ndaa ni.»

2Samiɛl 6:21

Mí David mulul ndu aa: «Mɛlɛka o hɔl ya tosa lende ni. Kani ndu Mɛlɛka mal fuɲa nɔm a yungu ndɔɔ kpede ni, mó hɛli ya, mí siŋnun simlacinɔ vanaa ndɔa, Israɛlla pɛɛn. Lelan le ndu Mɛlɛka ya viaw kponyoo ni.

1Masaa 3:6

Mí Salomɔn muli aa: «A yɔŋnun vana lo o lediom coo-o a vana nɔm baalaa, o co David fuɲa ni-o. A tosa kon le tùú o kela nɔm o hɔl o sakpoyɛi nin, o dɛnɛ sandaa nin a o toɲaa nin-ndo. Má lo o lediom coo a ndu, má ke ndu hɔ́ɔ̀, mí hɔ́ɔ́ kon va hau icali o kpɛŋɛ ndɔ lemasaa coo.

1Masaa 8:16

‹Kabi paale ya soli vanaa nia, a co Israɛlla-a o lɛŋnde Esipte len nin-nden, i hɛli kobi kɛ́-kɛ̀ o polama Israɛlla tɛɛn le ya cɛi tengul nɛɛ diola nilan la vanin biilɔnndo-a le. Kɛ David ya hɛli ni, mí siinguu ndu simlacinɔ vanaa nia, Israɛlla pɛɛn.›

1Dɛnnda lemasalan 17:7

Lelan, kɔ dimul David vana ni baala aa Mɛlɛka-Nɔ-Kpaayaa-Kpow-vo dimi aa: «Ya kɔ cua nɔm telen n va cɔlua mandaa yondoo nin-ndo ni, mí siinguu nɔm simlacinɔɔ le yungu nuu, Israɛlla pɛɛn.

1Dɛnnda lemasalan 21:17

Mí David dimul Hala aa: «Vɛ̀ɛ̀ o co ya le vem vannda le vanaa cɔwva cɔmndo le? I pɔw mí tosa hakio. Vannda ha yɛ, a tɛɛmbuu ɲɛ-ɲɛ le. Éé Mɛlɛka! Hala nuu, màá kɔl nɔm tambɛiyo tol-la coo a yungu nuu! O bɛnda ma tuisi sanga kon vanaa nɔmnda coo le.»

Amɔs 7:15

Kɛ o cɔlua kan mandaa nin Mɛlɛka cua ya ni, mó dimul-la aa: «Kɔ ma tɛɛngul vanaa nia, a co Israɛlla-a sɔɔn nun.»

Dɛnnda kiilaa 7:46

Mí Hala tosal David dɛnɛ kɛndɔɔ, mó ɲuna ndu Hala haliko mi ndóò tengul Hala Yakɔb-o fonda calaa.

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

1Samiɛl 2:8

Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»