2Samiɛl 7:7 - BII BILA

⁷ Telen ya cii o kelaa nin a Israɛlla kpow-vo, o paalen ten pilɛ nin bɛɛ, i ɲuna vana pilɛ o simlacia Israɛlla tɛɛn aa la vɛ ya kɛɔ cɛiyo tengullo a yɔmii sɛɛdrei le.›

2Samiɛl 7:7 Iomraidhean Croise

2Samiɛl 5:2

Lɔ́ɔ́ Saul va paandu masaa naa coo-o, nɔm va Israɛlla simndan laci o cɔwvo ni. Nduyɛ, Mɛlɛka cii nin nɔm dimul maa nɔm vanin masa Israɛlla ni, vanaa ndɔa pɛɛn. Nɔm vanin simlacinɔ ndaa ni.»

1Dɛnnda lemasalan 11:2

Paandu pa, lɔ́ɔ́ Saul va masalen tosaa-o, nɔm va Israɛlla simndan laci le kɔlan o cɔwvo ni, kani Mɛlɛka Hala nɔmndo ndóò cii nin nɔm dimul maa nɔm vanin simlacinɔ vanaa ndɔa ni, Israɛlla pɛɛn.»

1Dɛnnda lemasalan 17:6

Ba-ba ya co keiyo a Israɛlla o kelaa nin, lepilɛ bɛɛ i dimul-lɔ Masaa kialaa n'yamaa ya kɛsi vanaa nia laci-a, o pilɛ le ya cɛi tengul a yɔmii sɛɛdrei le.»

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Esai 66:1

Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?

Yeremi 23:4

I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.

Yeremi 3:15

Mì yɔngu niaa vanaa mandaa n'cɔlua ya laalan-nda. A simnin niaa laci a kɔlkaloo a á sinapɛngoo.

Esekiɛl 34:15

Ya pila co nin va saa nia yɔɔ diólan ni, ya pila vanin vɛlɛ nda yambɔɔ le pɛngio ni. Ya Maalii, ya co Mɛlɛka-o soo nuaa ni.

Esekiɛl 34:2

«Po vanacieo sei, tɛɛngul simlacia Israɛlla diom Hala-o. Tɛɛngul nda ndu mà dimul nda, simlacia kan pɛɛn aa: Nuaa Maalii, o co Mɛlɛka-o dimi ni aa: ‹Dɛnɛ palaa co le simlacia Israɛlla co nda pila baloo dɔwnɔnndo-a. Vɛ̀ɛ̀ vanaa mandaa n'saa bɛnda mà yɛɛ saa ndaa billo dioo le?

Esekiɛl 34:23

O kon, i sɔɔ nda vana mandaa n'saa o ba, o vanin nda yɔɔ diólan-ndo. Vana ni baalaa David pɛɛn, ndu vanin nda yɔɔ diólan ni, ndu vanin vana mandaa ndaa ni.

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Matie 2:6

‹Nɔm Bɛtlɛhɛm yɛ, nɔm co hoo o tàndá Yuda-o nin-ndo, a toɲa, o co nɔm te hiow dɔɔnanndo o kobila co o tàndá Yuda-o nin-ndan tɛɛn te. Kani o nɔm ndo masaa tosanin vanaa nia masalen coo-o fulanin ni, Israɛlla pɛɛn›».

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Dɛnnda kiilaa 21:28

má yonda aa: «Israɛlla sei, la mala naa! Langbanɔɔ ho co keiyo vannda pɛɛkoo nɛɛ-nɛɛ ka le vanaa naa, tɔŋ naa, a le Cɛi-Hala naa hoo simullo ni. Sunsun, o cii vanaa co N'Yuifi le-a luei o Cɛi-Hala-o nin, mó nɔɔliaa fonda-diandaa hoo.»

Tɔŋ miingua 23:14

Vana cɔw oo vana cɔw bɛnda mò nɔ dɛndɛ pɔmbɔɔ o pilɛ o volɔɔla ndɔla cɔwlan nin. O kon, te solɔɔ bii ndu pɛ, o kɔ tow soondo o fondokpa kon a dɛndɛ kon, o sol lenin. O cii pɛ, o mingi poola lan kumbɔɔ.

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o: