2Samiɛl 7:3 - BII BILA

³ Mí Natan dimul ndu aa: «Sɔɛi-sɔɛi co nɔm o kɔl, kɔ mà tosa ndi, kani Mɛlɛka co nɔm ikɛi.»

2Samiɛl 7:3 Iomraidhean Croise

2Samiɛl 7:4

Kɛ icɔl kon, mí Mɛlɛka soaa o Natan ndo, mó dimul ndu aa:

1Masaa 1:8

Kɛ nduyɛ, Sadɔk vana-solia-lasálàá, Benaya po Yehoyada-o, Natan vana-tɛɛngaa-diom Hala-o, Simei nda Rei a kuubaa cɔvaa David-a kpede, vana-vana sim Adoniya kɔɔli o tuu ndɔ kon coo le.

2Masaa 4:27

Ndóò tiiyaa dɔ́ɔ́ Elise ikɛi nɛɛ o va o pembei coo-a, mó bii ndu pelon, mó del ndu o labɛngunin. Mí Kehasi hun le cuaa ɲindɔɔ, kɛ mí Elise dimul ndu aa: «Mal ndu, kani kɔl ndɔɔ co o mɔnɛi nin ni, Mɛlɛka vin ya dɛnɛ kalaa, o cɔm ya ɲɛ-ɲɛ a dɛnɔɔ ho o kɔɔ le.»

1Dɛnnda lemasalan 22:7

Mí David dimul Salomɔn aa: «Po nuu, yáà yeema le Mɛlɛka Hala nuu cɛiyo tengullo,

1Dɛnnda lemasalan 28:2

Mí masaa David can, mó dimul nda aa: «Puapilɛa nia a vanaa nia, la yaŋ ya nilan! Yáà nɔ o kɔl le Cɛiyo tangullo le kesu kpema Mɛlɛka-o kɛsio lenin, mí ndóò va ɲɛ kɛsiaa n'pelu Hala naa. Yáà cii nin toosianndo kpow le ndu tangullo.

1Dɛnnda lemasalan 29:29

Dɛnnda masaa David tosa lan kpow, kandɔɔ a mɛɛlulan, la co lasɛvaalan o sɛbɛla nda veelu aa dɛnnda Samiɛl vana-tɛɛngaa-diom Hala-o, Natan vana-tɛɛngaa-diom Hala-o a Kad vana-tɛɛngaa-diom Hala-o lan nin,

2Dɛnnda lemasalan 29:25

Mí masaa simi leviia o bɛ́ɛ̀ Cɛi-Mɛlɛka-o nin a kɛ́ŋndon, bɔ̀linndan a bondomalan o laba maa mɛɛ masaa David, Kad ndóò tɛɛngul masaa sɔɔn Hala-on-ndo a Natan va vana-tɛɛngaa-diom Hala-o-o ndáà dimi yɛ. Kani sɔɛi Mɛlɛka ndóò dimi a sondola vanaa-tɛɛngaa-diom ndɔɔ-a-e va ken ni.

Condii lisai 20:4

Màá o yiyan a sálàla nɔmndan kpow o kɔɔ, mò cɛl le sálàla loamaalan nɔmndan!

Condii lisai 37:4

Siinguu Mɛlɛka vana n dɔawnun ɲaale nin-ndo, mò yɔngu nɔm ɲɛ kɔl nɔmndo yeema-o.

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

1Samiɛl 10:7

Lɔ́ɔ́ tɔɔmaselela lan kpow la peelunnin-ndo, nɔm pila sinanin maa Hala co nɔm ikɛi. Lelan, ɲɛ-ɲɛ bɛnda pɛ le tosaa, tosa kon.

1Samiɛl 14:7

Mí buɛi ndɔ kon mulul ndu aa: «Ɲɛ-ɲɛ n yiyan pɛ le tosaa, i cɛl a kɔl nuu kpow, kiisan te. I co nɔm kɔɔli mɛɛ kɔl nɔmndo tùú yɛ.»

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»