2Samiɛl 7:12 - BII BILA

¹² Nduyɛ, lɔ́ɔ́ palɛi nɔmnde peelunnin fɛɛn, mà dem fuɲaa nɔmaa mamaa ciee-piɔ́m-ndo, i hɛlinin hɔ́ɔ́ fula nɔm ipulu-o pum, mì ndu koma tosa masalen o fonda nɔmndo. I siminin masale ndɔlen yili.

2Samiɛl 7:12 Iomraidhean Croise

O Kandɔɔ 15:4

Mí Mɛlɛka dimul ndu aa: «Ɛ-ɛ, langbanɔ kon cuenin kɛ́ nɔmndo le. Hɔ́ɔ́ nɔm pila solinnin o ipulu-o cuanin kɛ́ nɔmndo ni.»

2Samiɛl 22:51

Mɛlɛka tosa dɛnnda bɛndulan le masa o hɛli-o baŋaa, o lo o diomnde ndɔlen coo a masaa o pɔla-o, David pɛɛn, a polale ndɔlen ndu kɔɔli le fɛɛn a fɛɛn.»

1Masaa 1:21

I ce maa te nɔm masaa dem pɛ fuɲaa nɔmaa mamaa ciee-piɔ́m, a co naa koma biyɔɔ naa Salomɔm po ni maa vanaa tosaa lahaki.»

1Masaa 1:48

mó dimi aa: ‹Biiloo co le Mɛlɛka, Hala Israɛlla pɛɛn! Kani o hɛli hau vana koma calnin o kpɛŋɛ ni lemasaa coo-o. Nduyɛ, i ce vana kon a lehɔl.›»

1Masaa 2:1

Mɛɛ David sina maa piɔ́m ndɔɔ tiiya, mó sila Salomɔn po ndɔ, mó dimul ndu aa:

1Masaa 2:10

Mí David diam fuɲaa ndɔa ciee-piɔ́m, má kumbu ndu o Kobi David-o nin.

1Masaa 2:4

O kon Mɛlɛka peelunin sɔɛi o dimul-la-e aa: ‹Te cuavaa nɔmnda caa pɛ kelaa, taa kela pɛ ya o hɔl o sandei nin a kɔlta ndalan a á yiyannda ndalan kpow, le fɛɛn a fɛɛn, nɔm David, a folanin vana calnin o kpɛŋɛ lemasaa coo mò tosa masalen nɔm kɔɔli-o le.›

1Masaa 5:5

Tuma Salomɔn va masaa-o, Yudaa nda Israɛlla kpow a vannun a kɔlɲuloo. Cɔnɔnndo Dan tiiyaa Bɛɛr-Seba, vana-vana va calnɔnndo o rɛsɛŋun ndɔn bɛngu a o voosun ndɔn bɛngu.

1Masaa 8:15

Mó dimi aa: «I mel Mɛlɛka Hala Israɛlla balika le kpema o yiilu David fuɲa ni-o peeloo, kani mí ndóò dimi aa:

1Masaa 8:19

Kɛ nduyɛ, o co nɔm te tangulnin cɛi kalaa le, po nɔmndo co ndu hunɔɔ tangul ni, po nɔm pila vialunin-ndo pɛɛn, ndu tengulnin ya cɛiyo ni.›

1Masaa 8:20

Sɔɛi Mɛlɛka ndóò dimi ken-nde kpeekpei o peelu nuaa ni. Ya koma cal o kpɛŋɛ lemasa fuɲa nuu coo ni le masalen tosaa Israɛlla coo maa mɛɛ Mɛlɛka ndóò dimi yɛ. I tangul Cɛiyo ho le diola Mɛlɛka lan, Hala Israɛlla pɛɛn.

1Masaa 9:5

le fɛɛn a fɛɛn, i feŋanin kpɛŋɛ lemasa Israɛlla o nɔm ndo cɛinin te. Lende koni yáà dimul David fuɲa nɔm ni maa o cuavaa ndɔa tɛɛn, ò folanin vana muungunin masaa Israɛlla coo o fonda ndɔɔ-o le.

2Masaa 8:19

Kɛ Mɛlɛka cɛl le masalen Yuda tɛɛmbuuo le, kani mí ndóò dimul vana ndɔ baalaa David maa poaa ndɔa tosanin masalen Yerusalɛm le lɔ́ɔ́-lɔ́ɔ̀.

1Dɛnnda lemasalan 17:11

Telen piɔ́m nɔmndo tiiyanin-ndo, i hɛlinin vana pilɛ o poaa nɔmaa kpeekpeiya tɛɛn, mò siŋnun masaa o fonda nɔmndo. I siminin masale ndɔlen yili.

2Dɛnnda lemasalan 1:9

Lelan, peelu kpema nɔm óò yiilul ndu-o, kani a siinguu ya masaa vanaa sɛ́lɛ́ bɛndua ha coo, á co haa sɛ́lɔ́ɔ́ maa cundoo lɛŋ-nda.

2Dɛnnda lemasalan 13:5

Vɛ̀ɛ̀ la co sina maa David nda cuavaa ndɔa imamaa le Mɛlɛka Hala Israɛlla yɔngu masalen Israɛlla coo le fɛɛn a fɛɛn te? O cii ndu kpema vana nɔla hiiluu loo yiilul.

2Dɛnnda lemasalan 21:7

Kɛ le tùú Mɛlɛka ndóò yiilu David kpemaa-o, o cɛl le yungu ndɔɔ tɛɛmbuuo le, kani mí ndóò dimul ndu maa poaa ndɔa tosanin masalen le lɔ́ɔ́-lɔ́ɔ̀.

2Dɛnnda lemasalan 23:3

mí nda kpow a yii diomnden nda masaa-aa o Cɛi-Hala-o nin. O kon, mí Yehoyada dimul nda aa: «Má cè po masaa! Ó tosanin masalen mɛɛ Mɛlɛka dimi a poaa David-a o kɔɔ yɛ-o pɛɛn.

2Dɛnnda lemasalan 6:15

Lelan n peelu sɔɛi nɔm óò dimul vana nɔm baalaa, David fuɲa ni-e ni. Sɔɛi nɔm óò solin o sondo-e, ndi n peelu hau nuaa a kpaaya nɔm bɛndoo ni.

2Dɛnnda lemasalan 6:9

Kɛ nduyɛ, o co nɔm te tangulnin cɛi kon te, po nɔmndo, o n solin o ipulu-o co ndu tangul ni.›

Condii lisai 89:29

Kɛndɛi nii vanin ndu coo le fɛɛn a fɛɛn, kpema co naa tɛɛn-ndo tembunin te.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Yeremi 33:17

Diom Mɛlɛka dimi-o co hoo ni aa: «David folanin vana o polale ndɔlen nin lɔ́ɔ́-lɔ́ɔ̀ le calle o kpɛŋɛ lemasa nin le masalen tosaa Israɛlla coo le.

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Matie 1:1

Diola fuɲaa-mamaa Yeesu Krista, po David-o a po Abraham-ndo-a la co lan ni:

Luke 1:32

O vanin vana bɛndoo, a veelunin ndu aa Po Ó-Hiow-Ɲɔɔn-Kpow-vo. Mɛlɛka, o co Hala-o yɔngunin ndu kpɛŋɛ lemasa David fuɲa ndɔ mamaa-o.

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

Dɛnnda kiilaa 13:36

Nduyɛ, David ciiyo Hala baalaa tosallo mɛɛ ndu Hala ndóò tuu yɛ, mó vu, má kumbu ndu fuɲaa ndɔa mamaa ikɛi, mó sia.

Dɛnnda kiilaa 2:30

Kɛ vana-tɛɛngaa-diom Hala-o o yɔŋnun ni, ndóò sínà maa Hala óò cii nin ndu kpemaa yiilul maa vana pilɛ o polale ndɔlen nin va koma siŋnɔn masaa o fonda ndɔɔ.

1Korɛntea 15:51

I co niaa sɔɛi viannan-nde dimul. Naa kpow n vinin te, kɛ naa kpow n mangalanin,

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

1Tesalonikea 4:14

N laalan maa Yeesu vi mó tendul. Lende koni, n laalan vɛlɛ maa Hala minginin vanaa laalan má vu-a yoomu nda Yeesu-a latulu.