2Samiɛl 7:11 - BII BILA

¹¹ o venin vɛlɛ maa o telen yáà kɛsi Masaa kialaa n'yamaa le vanaa nia, Israɛlla masalen tosaa coo-o le. I baŋa nɔm David yaamɔaa nɔmnda kpow o ba, mí ke nɔm pɛngio. Ya Mɛlɛka, i co nɔm hau dimul maa ya tengulnin nɔm cɛiyo ni.

2Samiɛl 7:11 Iomraidhean Croise

2Samiɛl 7:1

Mɛɛ Mɛlɛka mala masaa David mó nɔla yaamɔaa ndɔa ndáà balu ndu-a kpede, mó cal o cɛi ndɔ lemasaa nin a kɔlɲuloo.

2Samiɛl 7:19

Hiovɔɔ o kon coo, má ca vɛlɛ maa ɲɛ n tosa kon-ndo dɔɔnan nɔm o hɔl Maalii, Mɛlɛka. Má mulin má soaa vɛlɛ le dɛnɛ kɛndɛ yungu vana nɔm baalaa siɔdii laci. Lende tɔŋ vanacieo co ni, Maalii, Mɛlɛka.

2Samiɛl 7:27

Kani nɔm Mɛlɛka-Nɔ-Kpaayaa-Kpow-vo, nɔm Hala Israɛlla pila dimul-la vana nɔm baalaa ni maa nɔm tengulnin ya cɛiyo ni. Lelan ya sɔla yoomuan le nɔm piɛilen nden tiiyallo ni.

1Masaa 11:38

Taa yaŋ pɛ nilan o sɔɔn nun kpow, ma kela o nɛila nilan coo, te dɛnnda nɔmndan la sandu pɛ ya o hɔl, taa bii pɛ silala nilan a tɔŋnda nilan mɛɛ David vana ni baalaa tosa yɛ, i vanin nɔm ikɛi, i beŋnin nɔm cɛiyo mò sim yili mɛɛ ya simul David o ndɔɔ yɛ, mì ke nɔm Israɛl.

1Masaa 2:24

Te Mɛlɛka lueí ya yoomuan, mó kɛsi ya o kpɛŋɛ lemasa David fuɲa ni-o coo-o co yoomu, Mɛlɛka yiilúl-la hoo kpemaa le ya pila a le polale nilen masalen yɔngoo-o pɛɛn, paalen nden hau, fɔ mì Adoniya sɔla piɔ́mndo!»

1Dɛnnda lemasalan 17:10

maa telen yáà suili Masaa kialaa n'yamaa simlacia vanaa nia coo-o, Israɛlla pɛɛn. I toawnin yaamɔaa nɔmnda kpow, mì tengul nɔm cɛiyo, ya Mɛlɛka pɛɛn.

1Dɛnnda lemasalan 22:10

Ndu tangulnin cɛiyo le diola Mɛlɛka lan ni. O vanin poo le ndu Mɛlɛka, mì ndu Mɛlɛka va fuɲaa le ndu. O kenin masale ndɔlen kpaayaa o lɛŋnde Israɛl-ten nin le lɔ́ɔ́-lɔ́ɔ̀.

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

Condii lisai 106:42

Má saangiaa nda, má toal nda coo.

Condii lisai 127:1

Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

Condii lisai 46:9

La hun mì la tofa dɛnnda Mɛlɛka tosa lan, dɛnɛ tambɛi o tuisi o lɛŋnden coo-o pɛɛn.

Fulaa 1:21

Le tùú sokoa-vialaa kan ndáà vo Hala-o, mí Hala ke nda cuawva.

Talelan 14:1

Vanalanɔ kɔlkaloo tangulu cɛi ndɔɔ ni, kɛ vanalanɔ diɔmndo ndu, ndu pila puusiaa ndu a laba ni.

Hebreea 11:33

Laalanndo yɔŋ ni mí vanaa kan a nɔla masɛi, má tosa dɛnɛ sandaa, má sɔla ɲɛm Hala ndóò dimul nda-on, má kinda yàlàá sondolan.

1Samiɛl 2:35

O kon kɔɔli, i hɛlinin vana-solia-lasálà sandaa biinin diom nuu-o, ó tosanin hɛnan nuu-o pɛɛn. I yɔngunin ndu poaa, mí poaa kan siŋnun vanaa-solia-lasálàá masa ya hɛlinin-ndo ikɛi le fɛɛn a fɛɛn.

1Samiɛl 25:28

A yandi, mal ya buɛi nɔm laandoo haki le pɔwla nilan. I laalan maa Mɛlɛka luei masalen o nɔm ndo cɛinin le lɔ́ɔ́-lɔ́ɔ̀, kani a co cɔwlan tosaa le Mɛlɛka. Lelan, màá vana ca dɛnɛ vɔɔn o kela nɔmndo nin te!