2Samiɛl 7:10 - BII BILA

¹⁰ I co vanaa nia, Israɛlla caltan ke, i tɔalnin nda lon mà vannun icali o fonda nda kon. Kpokosi-kpokosi ve lɛnin nda kɔɔli lon te, vanaa yɔŋ vɔɔnda ve lɛnin nda tiŋɔɔ maa o tasendɔ le,

2Samiɛl 7:10 Iomraidhean Croise

2Masaa 21:8

Te Israɛlla bii pɛ silala nilan ma va kelaa o tɔŋnda Moise vana ni baalaa yɔngu nda lan kpow coo, mɛɛ i mel-lɛnin nda yaamɔaa ndaa o ba, mà soli nda o lɛŋnde ya ke fuɲaa ndaa mamaa len nin le heeloo a tuusoo a nda le.»

1Dɛnnda lemasalan 17:9

I kenin vanaa nia fondaa le calle, Israɛlla pɛɛn, a venin ndon a isiòòn te. Vanaa vɔɔŋaa kɛ́-kɛ̀ diw lɛnin nda maa paandu le,

2Dɛnnda lemasalan 33:8

Te Israɛlla bii pɛ sɔɔn ya dimul nda-on kpow, taa bii pɛ tɔŋnda nilan a silala nilan, mà va kelaa o nɛila Moise vana ni baalaa pɛɛku nda lan kpow coo, mɛɛ i soli lɛnin nda o lɛŋnde ya ke fuɲaa ndaa mamaa len nin te.»

Condii lisai 44:2

Òó Hala! Naa pila n tuei, fuɲaa naa dimul naa dɛnnda n tosa o palɛi ndɛi lan.

Condii lisai 44:4

O co a mɔɔn cɔvun ndan te nda sɔla lɛŋnden te, o co vɛlɛ kpaaya ndaa le ciindiaa nda le. Kɛ ba nɔm kɛndɔɔ, kpaaya nɔmndo, ɲɛ-tengaa fula nɔm o hɔl-lo a kaola n kaola nda-o tosa kon ni.

Condii lisai 80:8

Nɔm Hala-Nɔ-Kpaayaa-Kpow-vo, mingi naa nɔm o ibuŋ. Bíí naa biyɔɔ kɛndɔɔ, mì n sɔla cindaa.

Condii lisai 80:9

Nɔm óò sungɔɔ rɛsɛn tumndo Esipte, má toaw vanaa-mangalaa-isɔɔa le ndu tɔlɔɔ.

Fulaa 1:22

O kon mí Faraɔnnɔɔ yii tɔŋndo o lɛŋnde ndɔlen nin kpow aa: «Te vanalanɔ Hebreenɔɔ velu nin pɛ hɔ́ɔ̀, o va pɛ o piaandoo, la kɔ viow ndu o pee bɛndoo Nil, kɛ te o va pɛ cɛlɛkpɛ laandoo o velu ni, la mɛi ndu yoomu.»

Fulaa 15:17

A co lakɔ a nda, ma kɔ tɔl nda o pembii nɔmii kɛ́i coo, o fonda n bɛɛndiaa mò va calta nɔmndan-ndo pɛɛn. Òó Mɛlɛka! A co nda yɔɔ háá o cɛi-kola-toandaa diandaa n tangul-lo nin.

Esai 5:2

Mó vayia ɲɔɔ, mó faaŋiaa powtan, mó tɔal tɔlɔɔ kɛndɛ-kɛndɔɔ pum lon. Mó tangul bàndóó o nakɔ n'rɛsɛn kon tɛɛn, o kon kɔɔli, mó toaw doolaa. O va tiindanndo maa nakɔ kon koamnin rɛsɛŋun kɛndɔn, kɛ mó koam rɛsɛŋun vɔɔnndon.

Esai 5:7

Nduyɛ, nakɔɔ n'rɛsɛn Mɛlɛka-Nɔ-Kpaayaa-Kpow-vo, ndu co cuavaa Israɛlla ni. Vanpiaandua Yuda, nda co tɔlɔɔ kɛndɛ ndóò kaola taw-vo ni. Mɛlɛka va tiindanndo maa ndáà vanin sakpo, kɛ tofa vɔ, sandii lepɛŋnde i tiw ba-ba fee. O va yiyanndo maa a tosanin dɛnɛ sandaa, kɛ a cua kafalan ma bii o lebol!»

Esai 60:18

Vana tui lɛnin dɛnɛ kɔlvesɛiyo tɔ́ɔ́ o lɛŋnde nɔmnde nin te, vana tui lɛnin dɛnɛ tambɛiyo a ɲɛ puusiɛiyo tɔ́ɔ́ o pɛɛngula lɛŋnde nɔmnden te, a kenin kpakila nɔmndan diolan aa «Cindaa» mà ke diola luɛyaala nɔmndan diolan aa: «Lisaa.»

Esai 60:21

Vanaa sandaa kposon vanin o vanaa nɔmnda tɛɛn ni, lɛŋnden le vanin sumialii nda le lɔ́ɔ́-lɔ́ɔ̀. Tɛiyun yɔmun ya pila tɔl-lon nda co ni, vali ya tosa a bala nilan le salamayɛi nii cɔmndo-o nda co ni.

Yeremi 18:9

Lɔ́ɔ́ lepum, mì soo a lɛŋnden te kon te, a masalen lepum o kɔɔ, mì dimi le len mingio tangullo a le len mingio tɔlɔɔ.

Yeremi 24:6

I canin nda mì tuinun nda iɲíí, mì mingi nda o lɛŋnden nden nin. I siminin nda yili, i tɛɛmbuu lɛnin nda le. I tɔalnin nda, i sungu lɛnin nda le.

Esekiɛl 28:24

O kon, kobi kon ve lɛnin maa yɔɔn siɛɛmbiaa, te kon te maa yɔm n'yɔɔ nɛyaa le cuavaa Israɛlla o vanaa balu ndu mà va ndu pɛɛsaa-a kpow tɛɛn te. O kon, vannda sinanin maa ya co Maalii ni, Mɛlɛka pɛɛn.

Osee 2:18

Mɛlɛka dimi aa: «Paale len, o veelunin ya aa: ‹Pɔnɔ nuu›, o veelu lɛnin ya aa: ‹Vana ni bɛndoo› le.

Amɔs 9:15

I tɔalnin nda o lɛŋnde ndalen coo, à nɔla lɛnin sungɔnndo o lɛŋnde ya yɔngu nda len coo le fɛɛn a fɛɛn te. Lende Mɛlɛka, Hala niaa dimi ni.»

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Masaa kialaa n'yamaa 4:3

Mí cuavaa Israɛlla koŋul Mɛlɛka o lani, Yabin ndóò nɔ ɲɛla ɲaanannda icilinnda soa nan-ndan kɛmɛ leŋɔmahiɔɔlu. Mó bɛpɛla Israɛlla o vɔsilan bidiin bɛngu.

1Samiɛl 13:17

Paale pilɛ, mí kunda kuubaa cɔvaa tɛɛmbua fula o dɔ́ɔ́ngɔ́ Filistia nin, má piɔvan kundalan tan yáá. Mí kunda tasoo bii nɛiyo le kɔlan a kpengii Ofra-e, o lɛŋnde Sual-ten nin,