2Samiɛl 5:9 - BII BILA

⁹ Mí David cal o fonda mayoomu kon nin, mó ke ndu diolan aa Kobi David-o. O kon kɔɔli, mó tangul vɛlɛ fondala mayoomula celen kobi kon balɔɔ sɔ́, kandɔɔ Millo lekɔɔli tiiyaa háá lenin di.

2Samiɛl 5:9 Iomraidhean Croise

2Samiɛl 5:7

Kɛ mí David bii fonda mayoomoo Siɔn, lelan nda ke fonda kon diolan ni aa Kobi David-o.

2Samiɛl 5:8

Paale len David dimi ni aa: «Vana-vana yeema pɛ le Yebusiia nɔlaa, vana kon kei o soon co o lɛŋnden bɛngu-o, mò kɔ fula nɛɛ vanaa sumɛiya a namtaa ya David nɛinun haa taw-va co-a.» Lelan nda dimi ni aa: «Vanaa sumɛiya a namtaa lueinin o Cɛi-Mɛlɛka-o nin te.»

2Samiɛl 6:10

O cɛl le kesu kpema Mɛlɛka-o mandaa o ndu lo cɛinin te, o Kobi David-o nin pɛɛn. Kɛ mó kɔ kɛsi ndu o Obɛd-Edɔm fula Kat-o lo cɛinin.

1Masaa 11:27

Tofa vɔ mɛɛ o looku Salomɔn simul-lɛ: lɔ́ɔ́ Salomɔn va fonda ndáà veelu aa Millo-o cɔvɔɔ a tɛɛngun va o kpaki Kobi David fuɲa ndɔ-o-on baŋullo-o,

1Masaa 2:10

Mí David diam fuɲaa ndɔa ciee-piɔ́m, má kumbu ndu o Kobi David-o nin.

1Masaa 9:15

Mí masaa Salomɔn tundu vannda le baalala lepɔtɔltan tosaa le Cɛi-Mɛlɛka-o, cɛi ndɔ lemasaa, sɛmtɛ ndáà veelu aa Millo-o a kpakio Yerusalɛm tangullo. Mó tundu vɛlɛ nda pɔtɔlten le kobilan ndan tangullo: Hatsɔr, Mekido a Kesɛr.

1Masaa 9:24

Tuma cua Faraɔnnɔɔ faŋan o Kobi David-o nin, mó kɔa o cɛi Salomɔn ndóò tengul ndu-o nin-ndo, telen kon Salomɔn tangul Millo ni.

2Masaa 12:20

Sɔɔn tɔ̀un Yoas-on kpow n co n'sɛvaa o sɛbɛ Dɛnnda lemasalan Yuda nin.

2Masaa 12:21

Mí simlacia va ndu o ba bɛngu-a yii ndu dúmbú, má dii ndu Bɛt-Millo o tolɔɔ le kɔlan Silla.

1Dɛnnda lemasalan 11:8

Mó balu dangala kobio a tangulta sɛnɛilan, kandɔɔ a Millo háá balɔɔ sɔ́, mí Yoab ndu mingi ciee kɔllo tangul.

2Dɛnnda lemasalan 32:5

Mí Esekia fula diallon, mó mingi tɛɛngun va o kpaki kobio-on baŋul. Mó tangul cɛila coocoola cumulaalan lecoo, mó tangul kpaki celen a makɔɔ. Mó mingi fonda nɔ diolan aa Millo-o toosiaa o Kobi David-o nin, mó cɔaw ɲɛm cɔwvon a kɔ̀ɔ̀la cɔwlan taw.

Nehemi 3:15

Mí Salum po Kɔl-Hɔse-o, ó va masaa o tàndá Mispa-o coo-o ndu bɛɛndiaa Dio-pee-lebollo. Mó cɔaw ndu, mó handu koŋndan, sɔkɔan a ciliŋun vana kinda dioo-on. Mó mingi vɛlɛ cìì cɛi va o dalaa Siloe ikɛi-ye cɔvɔɔ, cìì cɛi va o nakɔɔ masaa nin-nde, tolɔɔ háá o kobi David-o nin.

Condii lisai 122:3

Nɔm kobi co hoo o cɔavaa ɲɛkɛndɛi-yo, nɔm co hoo o kungaa a kpakilan-ndo.

Esai 29:1

Dɛnɛ palaa co le Ariɛl! A toɲa, dɛnɛ palaa co Ariɛl cum, kobi David ndóò kila dɔ́ɔ́ngɔ́ɔ̀ o hɔl-ndɔ le ndu biyɔɔ-o pɛɛn. La yeema pɛ la cɔɔlu vɔsio handɔɔ o vɔsio coo, kafolan tuŋ niaa tosa ni, la kandu pɛ, la balu lan tosaa pindo.

Masaa kialaa n'yamaa 9:20

Te o co yɛ dɔ́ɔ́ dɛnɛ kɛndɛ le niaa tosa le, màá yinnden le fula Abimelɛk o ba, mì le lom vannda Sikɛm a haa Bɛt-Millo! Màá yinnden le fula vana bɛndua Sikɛm a haa Bɛt-Millo o ba le Abimelɛk lomɔɔ!»

Masaa kialaa n'yamaa 9:6

Mí vanaa bɛndua Sikɛm a vannda Bɛt-Millo kpow a cuungian nɛɛ pilɛ. Má kɔa o yálán va Sikɛm o pow sálà ndáà baŋ-ndo ikɛi-yo. Lon nda siinguu Abimelɛk simlacinɔɔ ni.