2Samiɛl 5:7 - BII BILA

⁷ Kɛ mí David bii fonda mayoomoo Siɔn, lelan nda ke fonda kon diolan ni aa Kobi David-o.

2Samiɛl 5:7 Iomraidhean Croise

2Samiɛl 5:8

Paale len David dimi ni aa: «Vana-vana yeema pɛ le Yebusiia nɔlaa, vana kon kei o soon co o lɛŋnden bɛngu-o, mò kɔ fula nɛɛ vanaa sumɛiya a namtaa ya David nɛinun haa taw-va co-a.» Lelan nda dimi ni aa: «Vanaa sumɛiya a namtaa lueinin o Cɛi-Mɛlɛka-o nin te.»

2Samiɛl 5:9

Mí David cal o fonda mayoomu kon nin, mó ke ndu diolan aa Kobi David-o. O kon kɔɔli, mó tangul vɛlɛ fondala mayoomula celen kobi kon balɔɔ sɔ́, kandɔɔ Millo lekɔɔli tiiyaa háá lenin di.

2Samiɛl 6:10

O cɛl le kesu kpema Mɛlɛka-o mandaa o ndu lo cɛinin te, o Kobi David-o nin pɛɛn. Kɛ mó kɔ kɛsi ndu o Obɛd-Edɔm fula Kat-o lo cɛinin.

2Samiɛl 6:12

Mɛɛ vannda kɔ dimul masaa David maa Mɛlɛka dɔw Obɛd-Edɔm duaa a vanaa ndɔa kpow le tùú kesu kpema Mɛlɛka-o va o ndu lo-o, mí David kɔa o Obɛd-Edɔm ndo, mó kɔ cua kesu kpema kalaa, mó muungu a ndu o kobi ndɔɔ nin a ɲaale bɛndu-bɛndoo.

2Samiɛl 6:16

Tuma nda va kesu kpema Mɛlɛka-o lueiyo o Kobi David-o nin-ndo, mí Mikal, cua Saul-lo va tofaa o dio-pɔmbɔɔ. Ndóò cɔu masaa David huuloo a hiŋnɔnndo Mɛlɛka o hɔl, mó pɛɛsa ndu o kɔl ndɔɔ nin.

1Masaa 2:10

Mí David diam fuɲaa ndɔa ciee-piɔ́m, má kumbu ndu o Kobi David-o nin.

1Masaa 3:1

Mí Salomɔn yiinun a Faraɔnnɔɔ, ó va masaa Esipte-o, mó yil cua ndɔɔ o nɔ̀u nin, mó kɔa a ndu o Kobi David-o nin. Má kɔ lo lon háá mó cìì cɛi ndɔ ndu pila-o, Cɛi-Mɛlɛka-o a kpaki ndóò balu Yerusalɛm-ndo tangul.

1Masaa 8:1

O kon, mí masaa Salomɔn veelu kaasoŋaa kɔlkalua Israɛlla, vanaa va bolii lapangɛi-ya a simlacia layungua Israɛlla kpow, mó cuungiaa nda kpede Yerusalɛm le kesu kpema Mɛlɛka-o cuaa o Kobi David-o nin, o co Siɔn-ndo pɛɛn, le heeloo a ndu o Cɛi-Mɛlɛka-o nin.

1Masaa 9:24

Tuma cua Faraɔnnɔɔ faŋan o Kobi David-o nin, mó kɔa o cɛi Salomɔn ndóò tengul ndu-o nin-ndo, telen kon Salomɔn tangul Millo ni.

1Dɛnnda lemasalan 11:7

Mí David kɔ kila calta ndɔlan o calta vanaa cɔvaa kan nin. Lelan ndáà ke fonda kon diolan ni aa: «Kobi David-o».

2Dɛnnda lemasalan 24:16

Le tùú o tosa dɛnnda kɛndɛlan Israɛl a o Cɛi-Hala-o nin le Hala bɛɛlen keo-vo, má kumbu ndu o Kobi David-o nin nɛɛ ndáà kumbu masaa-a.

2Dɛnnda lemasalan 5:2

O kon, mí Salomɔn cuungiaa kaasoŋaa kɔlkalua Israɛlla, bolii lapangɛi a bolii layungui cuavaa Israɛlla kpow Yerusalɛm ciee le kesu kpema Mɛlɛka-o cuaa o Kobi David-o nin, o nda veelu vɛlɛ aa Siɔn-ndo, le ndu yɔɔ o Cɛi-Hala-o nin.

Nehemi 3:15

Mí Salum po Kɔl-Hɔse-o, ó va masaa o tàndá Mispa-o coo-o ndu bɛɛndiaa Dio-pee-lebollo. Mó cɔaw ndu, mó handu koŋndan, sɔkɔan a ciliŋun vana kinda dioo-on. Mó mingi vɛlɛ cìì cɛi va o dalaa Siloe ikɛi-ye cɔvɔɔ, cìì cɛi va o nakɔɔ masaa nin-nde, tolɔɔ háá o kobi David-o nin.

Condii lisai 132:13

Kani Siɔn Mɛlɛka hɛli ni, lon o yeema le caltan kilaa ni.

Condii lisai 2:6

O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

Condii lisai 48:12

Pembei Siɔn co a ɲaaloo, kobila co o tàndá Yuda-o nin-ndan la co a kɔlkɛndɔɔ le yaman n co kiolɔɔ-on.

Condii lisai 48:3

Yerusalɛm co o heelaa o naŋɔɔ nin, o co kɔlkɛndɔɔ yɔngoo o lɛŋnden kpow coo. O pembei Siɔn coo, i co a ba luaŋ-ndo-e, lon kobi Masa bɛndoo co ni.

Condii lisai 51:18

Kani o co sálàlan te la tosa ma hini kɔl te. Te ndóò va pɛ lende, i va nɔm sálàlan solul. O co sálàla loamaalan te la hɛnan nɔm te.

Condii lisai 87:2

Kobi kon o hiow yeema a kobila tɔ̀la co o lɛŋnde Yakɔb len nin-ndan kpow.

Condii lisai 9:11

Éé Mɛlɛka! Màá vanaa sina diola nɔmndan-nda tiindan nɔm! Kani nɔm, a múlùl vanaa co hunɔɔ o nɔm ndo-a kɔɔ le.

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Esai 59:20

Mɛlɛka dimi aa: «Vana baŋaa co hunɔɔ le Siɔn baŋaa, le cuavaa Yakɔb-aa malnin yɔŋ vɔɔn ndaa-a baŋaa.»

Yeremi 21:13

I bii niaa tɛɛ, niaa vanaa co o bóllo nin, a o pow bandílá co o dɛngbɔɔ nin-nda pɛɛn. Kani la co dimio maa vana hinnin mò del naa coo a cɔw le, vana lueilunin naa le.›»

Misee 4:2

Vanaa-mangalaa-isɔaa bɔɔ-bɔɔ a kɔanin ndon, mà dimi aa: ‹La hun mì n helnun o pembii Mɛlɛka-e coo, o Cɛi Hala Yakɔb-o nin, haliko mo kɔ pɛɛku naa sɔɔn ndɔn, mì n kela o nɛila ndɔlan coo.› Kani Siɔn tɔŋndo fulanin ni, Yerusalɛm diom Mɛlɛka-o fulanin ni.

Rɔmnda 9:33

maa mɛɛ i co i sɛvaa yɛ aa: «Má cè ya pow boŋaa kɛsio Siɔn! Pow kpova mal vana-o. Kɛ vana laalan pɛ ndu, o luusian te.»

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Dɛnnda cɔɔmuanndan 14:1

Yáà tofaa, mí ca saa téndóó isisi o pembei Siɔn coo, vanaa ndáà nɔ diola saa téndóó a diola Fuɲa ndɔlan o n'tendu-a va ndu isisi ikɛi, a va vannda vaalan kɛmɛ belehiɔɔlu a lahiɔɔlu (144 000).