2Samiɛl 5:6 - BII BILA

⁶ Mí masaa David nda langbaa ndɔa kuel kobio Yerusalɛm le Yebusiia va o lɛŋnde len nin-nda, mí Yebusiia kan a dimul David aa: «La nɔlanin luɛyɔɔ nanu le, kani vanaa sumɛiya a namtaa a tiwba ma tow niaa!» Kon va dimio ni maa David ndóò nɔlanin kobi kon biyɔɔ le.

2Samiɛl 5:6 Iomraidhean Croise

O Kandɔɔ 14:18

Mí Mɛlkisedɛk, masaa Salɛm, ó va vana-solia-lasálà Hala-Hiow-Ɲɔɔn-Kpow-vo-o hun a buloo a á mɔiyan.

2Samiɛl 22:30

Te nɔm co pɛ ya ikɛi, i nɔla mì del vanaa co a ɲɛm cɔwvon o ba-a coo. Te nɔm Hala nuu co pɛ a ya latulu, i nɔla mì huulu o kpakio coo.

Talelan 21:22

Vana kɔlkaloo nɔlà mò kɔ del kobi kuubaa cɔvaa mayoomua co kandaa-o coo, mò koomba kpaki kobi kon ndóò tiindan-ndo.

Yeremi 21:13

I bii niaa tɛɛ, niaa vanaa co o bóllo nin, a o pow bandílá co o dɛngbɔɔ nin-nda pɛɛn. Kani la co dimio maa vana hinnin mò del naa coo a cɔw le, vana lueilunin naa le.›»

Yeremi 37:10

Hali o va bɛɛ maa la nɔla vanaa cɔvaa Babilɔŋaa co niaa haa kɔɔli a cɔwvo-a kpede, mò lo vanaa niaa yɔŋul-la daama, a pilɛn-pilɛŋaa kan cannin o cɛila-kolala-toandaala ndalan nin, mà hin kpow, mà mal kobio Yerusalɛm yin.»

Hebreea 7:1

Mɛlkisedɛk kon va masaa Salɛm ni, vana-solia-lasálà Hala-Hiow-Ɲɔɔn-Kpow-vo. Abraham va fulaa o cɔw o kɔ nɔla masaa-o, mí Mɛlkisedɛk kɔa ndu bɔŋa, mó dɔaw ndu duaa.

Yosue 10:3

O kon, mí Adoni-Sedɛk va masaa Yerusalɛm-ndo viam kiilaa o Hoham masaa Hebrɔn ndo, o Piream masaa Yarmut lo, o Yafia masaa Lakis lo a o Debir masaa Ɛklɔn ndo le nda dimullo aa:

Yosue 15:63

Kɛ polale Yuda len le nɔla Yebusiaa va icali Yerusalɛm-nda tovɔɔ le, lelan Yebusiia lo icali Yudaa tɛɛn o kobi kon nin háá paalen nden ni.

Yosue 18:28

Sela, Elɛf, Yebus (kon co Yerusalɛm ni), Kibea a Kiriat. Faw-faw, la va kobilan tɔ́ a lahiɔɔlu a cieon va lan o ba bɛngu-on. Kon yɔŋnun kɛ́ɔ le poaa Bɛnyamɛn-nda ni, mɛɛ yungula ndalan la va yɛ.

Masaa kialaa n'yamaa 1:21

Vanaa fula o polale Bensamɛn-nden nin-nda tiw ba Yebusiaa va Yerusalɛm-nda tovɔɔ le, má cal lon nda ndaa latulu háá paalen nden.

Masaa kialaa n'yamaa 1:8

Mí vanaa fula o polale Yuda len nin-nda kɔ del Yerusalɛmnda coo a cɔwvo, má nɔla nda, má diw vanaa va lon-nda, má mulin ma loam kobio.