2Samiɛl 5:3 - BII BILA

³ O kon mí kaasoŋaa kɔlkalua Israɛl kpow a kɔa Hebrɔn nɛɛ masaa David va-a, mí David yii kpemaa a nda Mɛlɛka o hɔl Hebrɔn ndon. O kon kɔɔli, má pɔla David, mó siŋnun masa Israɛlla.

2Samiɛl 5:3 Iomraidhean Croise

2Samiɛl 2:4

O kon mí vannda Yuda hun Hebrɔn le David pɔlaa le ndu siinguuo masaa Yuda. Dɛnnda lan cuvɔɔ, má dimul David maa vannda Yabɛs ndáà kumbu Saul ni, Yabɛs hoo o tàndá Kalaad-o nin pɛɛn.

2Samiɛl 2:7

Lelan sisa la sim yili, la luei yoomuan, kani Saul vana niaa bɛndoo vinnun. Kɛ ya yungu Yuda-o pɔla ni mì va masaa nda coo.»

2Samiɛl 3:21

Mí Abnɛr dimul David aa: «Masaa! Cɛl mì muungu, mì kɔ cuungiaa vɛlɛ Israɛlla kpow mà va nɔm o ba bɛngu, mì la yii kpemaa niaa ndaa, haliko ma tosa masalen nda coo mɛɛ ɲɔɔ hɛnannin nɔm yɛ.» O kon, mí David cɛl, mí Abnɛr muungun a kɔlɲuloo.

1Masaa 1:34

La tiiya pɛ, Sadɔk vana-solia-lasálàá nda Natan vana-tɛɛngaa-diom Hala-o a kɔ pɔla ndu lon, o siŋnun masa Israɛlla. O kon kɔɔli, la hɔŋ buloo, la yonnda aa: ‹Salomɔn co nin masaa ni, màá o viow yoomu naa coo!›

2Masaa 11:17

Mí Yehoyada yii kpemaa Mɛlɛka, masaa a vannda tɛɛn haliko mi vanaa kan ndáà lo Mɛlɛka o ibuŋ. Mó yii vɛlɛ kpemaa masaa a vannda tɛɛn.

1Dɛnnda lemasalan 11:1

Mí Israɛlla kpow a cuungian nɛɛ David va Hebrɔn-nda, má dimul ndu aa: «Nɔm pila sina maa ɲɛ pilɔɔ naa n co naa niaa ni.

1Dɛnnda lemasalan 11:3

Le hee, mí kaasoŋaa kɔlkalua Israɛlla kpow a kɔ komal David nɛɛ o va Hebrɔn-nda, má yii kpemaa Hebrɔn ndon nda ndaa le ndu siinguuo masaa, má pɔla ndu pɔla lemasaa mɛɛ Mɛlɛka ndóò dimi sɔɛi ken a sondo Samiɛl-lo yɛ.

1Dɛnnda lemasalan 28:4

Nduyɛ, o yungu fuɲa nuu nin kpow, ya Mɛlɛka, Hala Israɛlla hɛli ni mì va masaa Israɛl coo le lɔ́ɔ́-lɔ́ɔ̀. Kani mó hɛli polale Yuda len le simlacilen tosaa. O polale Yuda len nin, mó hɛli fuɲa nuu, o poaa fuɲa nuu tɛɛn, mó naŋ kɔl le ya siinguuo masa Israɛlla kpow.

2Dɛnnda lemasalan 23:16

Mí Yehoyada yii kpemaa Mɛlɛka, masaa a vannda tɛɛn, haliko mi vanaa kan ndáà lo Mɛlɛka o ibuŋ.

Fulaa 3:16

Lelan, kɔ ma kɔ cuungiaa kaasoŋaa kɔlkalua o Israɛlla tɛɛn, mà dimul nda aa Mɛlɛka, Hala fuɲaa niaa mamaa Abraham, Isaak a Yakɔb cɔmnun ya, mó dimul-la aa: ‹I mɛɛndan niaa, mí ca mɔnɛi nda co niaa lueiyo o lɛŋnde Esipte len nin-nde.›

Yosue 10:36

Ndáà cɔnɔnndo Ɛklɔn, mí Yosue nda Israɛlla kpow a hel Hebrɔn, má kɔ del kobi kon coo a cɔwvo.

Masaa kialaa n'yamaa 11:11

O kon mí Yɛfte muungu nda kaasoŋaa kɔlkalua Kalaad, mí vannda siinguu ndu simlacinɔɔ, mó va vanaa cɔwva bollen. Mí Yɛfte mingi sondo o sɔɔn mun kpow coo Mɛlɛka o hɔl Mispa.

1Samiɛl 11:15

Mí vannda kpow kɔa Kilkal, má suili Saul masaa Mɛlɛka o hɔl lon. Ndáà ciiyo, má solul Mɛlɛka sálàla kɔlɲululan. Mí Saul nda Israɛlla kpow a dɔawnun ɲaale taw.

1Samiɛl 16:13

Mí Samiɛl cua lee macuɛiyo, mó tala cuɛima va lenin-ndan David o lebol bɛndaa ndɔa o hɔl. Kandɔɔ paale len, mí kɔl Mɛlɛka-o toal David coo. Mɛɛ Samiɛl cii tosa lende, mó can, mó muungun Rama.

1Samiɛl 23:18

Má yii kpema icanyaa Mɛlɛka o hɔl nda ŋiɔn. O kon kɔɔli, mí David lo Hɔrsa, mí Yonatan ndu muungun o ndu lo.