2Samiɛl 5:2 - BII BILA

² Lɔ́ɔ́ Saul va paandu masaa naa coo-o, nɔm va Israɛlla simndan laci o cɔwvo ni. Nduyɛ, Mɛlɛka cii nin nɔm dimul maa nɔm vanin masa Israɛlla ni, vanaa ndɔa pɛɛn. Nɔm vanin simlacinɔ ndaa ni.»

2Samiɛl 5:2 Iomraidhean Croise

O Kandɔɔ 49:24

Kɛ kɔɛi ndɔɛi biŋin te, congúla ndɔlan la nɔ vɔ yoomuan, la co vɔ leemu-leemu. Kɛɛmasɔla Hala-Kpaaya Yakɔb-o le. Ndu co vana mandaa n'cɔloo a pow kpova Israɛl tiindan-ndo ni.

2Samiɛl 6:21

Mí David mulul ndu aa: «Mɛlɛka o hɔl ya tosa lende ni. Kani ndu Mɛlɛka mal fuɲa nɔm a yungu ndɔɔ kpede ni, mó hɛli ya, mí siŋnun simlacinɔ vanaa ndɔa, Israɛlla pɛɛn. Lelan le ndu Mɛlɛka ya viaw kponyoo ni.

2Samiɛl 7:7

Telen ya cii o kelaa nin a Israɛlla kpow-vo, o paalen ten pilɛ nin bɛɛ, i ɲuna vana pilɛ o simlacia Israɛlla tɛɛn aa la vɛ ya kɛɔ cɛiyo tengullo a yɔmii sɛɛdrei le.›

2Samiɛl 7:8

Lelan sisa, dimul David vana ni baala aa: ‹Mɛlɛka-Nɔ-Kpaayaa-Kpow-vo dimi aa: Ya cua nɔm nɛɛ n va cɔlua mandaa yondoo nin-nda ni, mí siinguu nɔm simlacinɔ Israɛlla, vanaa nia pɛɛn.

2Masaa 20:5

«Muungu ma kɔ dimul Esekia, o co simlacinɔ vanaa nia-o aa: ‹Diom Mɛlɛka, Hala David fuɲa nɔm mama dimi-o co hoo ni aa: I tuei piɛile nɔmnden, i ce mɛmɛma nɔmndan. I co nɔm singi, o kon o paale yàándɔlen, a hel o Cɛi-Mɛlɛka-o nin.

1Dɛnnda lemasalan 11:2

Paandu pa, lɔ́ɔ́ Saul va masalen tosaa-o, nɔm va Israɛlla simndan laci le kɔlan o cɔwvo ni, kani Mɛlɛka Hala nɔmndo ndóò cii nin nɔm dimul maa nɔm vanin simlacinɔ vanaa ndɔa ni, Israɛlla pɛɛn.»

2Dɛnnda lemasalan 1:10

Ke ya niko kɔlkaloo a sinapɛngoo, haliko mi caa kelaa vannda ha o hɔl. Kani te o co kon te, vana-vana tiwba mò tosa masalen vanaa nɔmaa sɛ́lɛ́ bɛndua ha coo le.»

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.

Esekiɛl 34:23

O kon, i sɔɔ nda vana mandaa n'saa o ba, o vanin nda yɔɔ diólan-ndo. Vana ni baalaa David pɛɛn, ndu vanin nda yɔɔ diólan ni, ndu vanin vana mandaa ndaa ni.

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Kundalan 27:17

Vana nɔla mò sim nda laci o cɔwvo-o, o nɔla mò cɔm vanaa cɔwva taasila cɔwlan-ndo, yɔŋii kunda Mɛlɛka-o siŋnun maa cɔlua nɔ vana mandaa le-a.»

Matie 2:6

‹Nɔm Bɛtlɛhɛm yɛ, nɔm co hoo o tàndá Yuda-o nin-ndo, a toɲa, o co nɔm te hiow dɔɔnanndo o kobila co o tàndá Yuda-o nin-ndan tɛɛn te. Kani o nɔm ndo masaa tosanin vanaa nia masalen coo-o fulanin ni, Israɛlla pɛɛn›».

Nsaŋ 10:11

Ya, vana mandaa n'saa kɛndɔɔ ya co ni. Vana mandaa n'saa kɛndɔɔ ndu, yoomu ndɔɔ o yɔngu le saa ndɔa ni.

Hebreea 2:10

Hala cɔw ceendo ni, le ndu o co ni. Nduyɛ o yeema mi cuavaa ndɔa bɔɔ-bɔɔ a sɔla biilu ndɔɔ a ndu latulu. Kani Yeesu co vana nda ciindiaa ni, mɛɛ mì ndóò sanga haliko mi Hala ndóò peelu ndu o dɛnndan kpow nin.

1Samiɛl 13:14

Lelan, masalen le hɛlun nɔm. Mɛlɛka cii vana celen hɛli, vana o hini kɔl-lo pɛɛn. O cii ndu siinguu simlacinɔ vanaa ndɔa, kani nɔm, a bii sila o yɔngu nɔm-ndo le.»

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

1Samiɛl 18:13

Le hee, mí Saul faŋa David ndu ikɛi polon, mó kɛsi ndu kunda vanaa cɔvaa vaa pilɛ-a bollen. Mí David kandu vanaa cɔwva simndan laci le cɔwlan tosaa.

1Samiɛl 18:16

Kɛ Israɛlla nda Yudaa kpow ndáà yeema David, kani ndu va nda bollen o cɔwvo nin ni.

1Samiɛl 18:5

Nɛɛ-nɛɛ Saul ndóò vem pɛ David o cɔwvo, fɔ mi ndóò kɔ fula tɔ́ɔ́. Le hee, mí Saul handu ndu kunda vanaa cɔwva pum bollen. Mí vannda kpow a naŋ kɔl a David, hali vanaa baalaa Saul-la.

1Samiɛl 25:28

A yandi, mal ya buɛi nɔm laandoo haki le pɔwla nilan. I laalan maa Mɛlɛka luei masalen o nɔm ndo cɛinin le lɔ́ɔ́-lɔ́ɔ̀, kani a co cɔwlan tosaa le Mɛlɛka. Lelan, màá vana ca dɛnɛ vɔɔn o kela nɔmndo nin te!

1Samiɛl 25:30

Tuma Mɛlɛka tosalnin nɔm dɛnnda kɛndɛla o yiilu nɔm kpemaa lan kpow, mò siinguu nɔm simlacinɔ Israɛlla-o,

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»