2Samiɛl 5:10 - BII BILA

¹⁰ Mí David hiaw laci a yoomuan sɔlaa taw, kani Mɛlɛka, Hala-Nɔ-Kpaayaa-Kpow-vo va ndu ikɛi.

2Samiɛl 5:10 Iomraidhean Croise

O Kandɔɔ 21:22

O telen pilɛ kon bɛngu, mí Abimelɛk cua Pikɔl, bolle vanaa ndɔa cɔwva, má kɔa o Abraham ndo, mó dimul ndu aa: «Hala co nɔm ikɛi o dɛnnda n co tosaa lan kpow nin.

2Samiɛl 3:1

Mí cɔwvo viaw yungu Saul-lo nda yungu David-o tɛɛn taw. Kɛ a kon kpede, yungu David-o va hiovɔɔ laci a yoomuan sɔlaa taw-taw. Mí yungu Saul-lo nda va yoomuan fulaa tuŋ-tuŋ.

2Samiɛl 7:9

Nɛɛ-nɛɛ nɔm óò kɔɛ pɛ, i va nɔm ikɛi. Mí diw yaamɔaa nɔmnda kpow nɔm laci. Mí siinguu nɔm vana tɔ́ɔ́ bɛndoo, maa vanaa tɔ́ɔ́ bɛndua co o lɛŋnden coo-a.

2Samiɛl 8:14

Mó suili masaa n'bungaa o lɛŋnde Edɔm-nden kpow nin. Mí Edɔmnnda siŋnun cɛa ndɔa. Nduyɛ, nɛɛ-nɛɛ David ndóò kɔɛ pɛ le cɔwvo tosaa, Mɛlɛka ndóò sim ndu laci ndóò nɔla yaamɔɔa o cɔwvo.

2Samiɛl 8:6

Mí David kɛsi masaa n'bungaa Aram o lɛŋnde Damas len nin, o kon mí Aramiia cal sumialii ndɔ, má va muloo malɔɔ ndu o ba. Nduyɛ, nɛɛ-nɛɛ ndóò kɔɛ pɛ le cɔwvo tosaa, Mɛlɛka ndóò sim ndu kɔɔli, ndóò nɔla yaamɔɔa o cɔwvo.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

Condii lisai 24:10

Nɛ̀ɛ́ co yɛ Masa tɔ́ɔ́ bɛndu kon? Mɛlɛka-Nɔ-Kpaayaa-Kpow-vo, ndu co Masa tɔ́ɔ́ bɛndu kon ni!

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Aasee 2:4

Lelan, nɔm Sorobabɛl, luei yoomuan. Ya Mɛlɛka soaa nuaa ni. Nɔm Yosue bolle vanaa-solia-lasálàá, po Yehosadak-o bɛɛ, luei yoomuan. Niaa vanaa tɔ̀a lɛŋnden nin kpow, la lueinun yoomuan. Ya Mɛlɛka soaa nuaa ni. La tosa baalaa, Kani i co niaa ikɛi. Ya Mɛlɛka-Nɔ-Kpaayaa-Kpow-vo o soaa nuaa ni.

Luke 2:52

Yeesu va hiovɔɔ laci a hindɔɔ a á kɔlkaloo sɔlaa, dɛnnda ndɔlan la va Hala hɛnanndo, la va vɛlɛ vannda hɛnanndo.

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

1Samiɛl 18:12

O kon mí siòònde bii Saul a David, kani Mɛlɛka va David ikɛi, kɛ Mɛlɛka ve lɛ ndu Saul ikɛi le.

1Samiɛl 18:14

Mí ɲɛ-ɲɛ va David bɛndaa o ba, kani Mɛlɛka va ndu ikɛi.

1Samiɛl 18:5

Nɛɛ-nɛɛ Saul ndóò vem pɛ David o cɔwvo, fɔ mi ndóò kɔ fula tɔ́ɔ́. Le hee, mí Saul handu ndu kunda vanaa cɔwva pum bollen. Mí vannda kpow a naŋ kɔl a David, hali vanaa baalaa Saul-la.