2Samiɛl 4:8 - BII BILA

⁸ Má yoo masaa David bolle Is-Bosɛt len nɛɛ o va Hebrɔn-nda, má dimul ndu aa: «Má cè bolle Is-Bosɛt len! Po Saul yaamɔɔ nɔm-ndo pɛɛn. O va hoo nɔm kɔɔli le nɔm diyɔɔ-o. Mɛlɛka mingi hau màá le nɔm masaa Saul nda polale ndɔlen coo.»

2Samiɛl 4:8 Iomraidhean Croise

2Samiɛl 18:19

Mí Ahimaas, po Sadɔk-o dimul Yoab aa: «Cɛl mì ɲaanun, mì kɔ cɔm masaa mɛɛ Mɛlɛka baŋa ndu yaamɔaa ndɔa o ba yɛ.»

2Samiɛl 18:31

Tuma kon kpafii mí Kusiinɔɔ tiiya, mó dimul masaa aa: «Òó masaa, vana bɛndoo! Yaŋnun-ndɔ Yoongu kɛndɛ ya hin nɔm dimullo! Mɛlɛka ke nɔm hau dí vanaa cɛn le nɔm cɔlɔbaa-a coo.»

2Samiɛl 2:8

Mí Abnɛr, po Nɛr-o, ó va vanaa cɔvaa Saul-la bollen-ndo cua Is-Bosɛt po Saul-lo, mó kɔa a ndu Mahanaim,

2Samiɛl 22:48

Hala kon cɛl ni mì mingi màá, ndu tuisi vanaa súúla celennda ya o ba bɛngu ni.

Condii lisai 71:24

Diɛɛmule nilen le vanin dimio telen oo telen maa a sandu, kani siɛmbulan la tol vanaa yeema le dɛnɛ palaa tuisio coo-a, mà tambu labɛ̀ɛ̀ pisika!

Matie 2:20

mó dimul ndu aa: «Cɔn ma cua poombɔɔ nda kala ndɔ, mà muungu o lɛŋnde Israɛl-ten nin, kani vanaa va poombɔɔ kɔɔli le ndu diyɔɔ-a vi.»

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

1Samiɛl 18:11

mó heelu bál kon, mó dimi o kɔl nin aa: «Fɔ mì cuku poombɔɔ ho, mì buli ndu, mì bállo kɔ baŋ ndu o cɛiyo.» Mó vuu háá bɛmbɛ le diin, kɛ mí David kpakpala bállo.

1Samiɛl 19:1

Mí Saul cɔm Yonatan po ndɔ a vanaa bɛndua va ndu Saul o ba bɛngu-a kpow tuu ndóò nɔ le David diyɔɔ-o. Kɛ mɛɛ Yonatan ndóò kaola David taw yɛ,

1Samiɛl 19:15

Mí Saul mingi nda vɛlɛ pila, mó dimul nda aa: «La muungu mì la kɔ tofa David, mì la cua ndu a kpele ndɔɔ kpede, mì la cuu ya ndu, mì dii ndu.»

1Samiɛl 20:1

Mí David mal Nayɔt, o kobio Rama ikɛi, mó kɔ komal Yonatan po Saul-lo, mó ɲuna ndu aa: «Yɛɛ nɛ ya tosa yɛ? Dɛnɛ vɔɔn yɛɛ ya tosa yɛ o fuɲa nɔm? Haki yɛɛ kpeekpei ya cua yɛ a ndu mó va nɛilan nuwviaa le ya diyɔɔ?»

1Samiɛl 23:15

Mí David ca maa ndu Saul va kuello a cɔwvo le ndu diyɔɔ ni, mó calnun Hɔrsa o lɛŋnde veselɛilen Sif nin.

1Samiɛl 24:4

Lɔ́ɔ́ Saul va keiyo o hèéla saala va o nɛiyo dangalaa lan ikɛi-yo, mó ca buululan lapum, mó kɔ luɛi lenin le sɔndanndo. Nduyɛ, David nda langbaa ndɔa va a viannannda o buulula pilɛla lan nin.

1Samiɛl 25:29

Vana-vana tuu pɛ le nɔm diyɔɔ, o tiwnin ba le, kani Mɛlɛka Hala nɔmndo kandanin yoomu nɔmndo lɔ́ɔ́-lɔ́ɔ̀, mò manda nɔm ndu pila ikɛi. Kɛ nduyɛ, o viawnin yoomula yaamɔaa nɔmnda polon mɛɛ vana viaw ɲɔɔ a fáàndaa nuaa yɛ.