2Samiɛl 4:11 - BII BILA

¹¹ Lende koni ya tosanin a niaa vanaa kɔlvesɛyaa dii haa vana tɛɛmbuu hoo isɔɔ loo o ndu lo cɛinin, o kpele ndɔ hinia coo-a ni. Niaa bɛɛ, mɛɛ mì mingi sɔɛi piɔ́m ndɔɔ niaa pila o lebol, mì diw niaa, mì faŋa niaa o lɛŋnden coo few!»

2Samiɛl 4:11 Iomraidhean Croise

O Kandɔɔ 4:11

Lelan, kandɔɔ hau, dangaa co nɔm coo o lɛŋnde kooma pɔmbɔ nɔmma n soli-an ma luɛi nin-nden coo.

O Kandɔɔ 6:13

O kon, mó dimul Noe aa: «I cii kiolɔɔ o kɔl nuu nin le vanndacieea ciiyo o ceendo coo. Kani a cii ceendo tɛɛmbuu a kɔlvesɛiyo. I co nda cii mì faŋa nda o ceendo coo.

O Kandɔɔ 7:23

Nuaa Hala cii ɲaa yoomaa va o lɛŋnden coo-a ni, kandɔɔ a vanndacieea, visia, visia pɔmbɔa kela lɛŋ-nda, kɔ bii a yowva, mí ɲɛ-ɲɛ basun o ceendo coo selemenden. Fɔ Noe a ɲɛ-ɲɛ va ndu ikɛi o dɛ̀ndɔ̀ɔ́ nin a lo yoomu ni.

2Samiɛl 16:8

Màá Mɛlɛka tuisi nɔm sangaa coo le vanaa n diw o yungu Saul-lo nin-nda! Kani nɔm poonda Saul masalen o ba ni. Lelan Mɛlɛka siinguu Absalɔm po nɔm masa nuaa ni. A ce nihau mɛɛ dɛnɛ palaa tol nɔm coo yɛ? Nɔm, vana diyaa n'vanndo n co ni.»

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

2Samiɛl 3:39

Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

1Masaa 2:32

Abnɛr po Nɛr va simlacinɔ vanaa cɔwva Israɛl-lo a Amasa po Yetɛr va simlacinɔ vanaa cɔwva Yuda-o pɛɛn. Vanaa ŋiɔŋaa kan ndáà hiow ndu sandei, ndáà va vɛlɛ fisa a ndu ni. Kɛ mó diw nda, fuɲa nuu sina le. Lelan Mɛlɛka co ndu pila màá kon mingi coo.

Condii lisai 109:15

Màá Mɛlɛka va hakila ndalan cɔu lɔ́ɔ́-lɔ́ɔ̀, mò faŋa nda o lɛŋnden coo, mì vana pɔɛɛnun a nda o kɔɔ!

Condii lisai 9:12

La soli condon le Mɛlɛka, Mɛlɛka co icali Siɔn-ndo pɛɛn. La yonda dɛnnda ndɔla bɛndulan vanaa súúla celennda tɛɛn.

Fulaa 21:12

«Te vanndo lɔɔ pɛ vanacieo mì vanaciee kon vi, vana lɔɔ ndu kon-ndo bɛnda mò sɔla piɔ́mndo kangalan.

Fulaa 9:15

Te ndóò siɛndi pɛ baa mì ndóò tuisi nɔm nàà halimaa coo, la va cuu niaa lɛŋnde nɔmnden mí niáà faŋan o ceendo coo.

Talelan 2:22

Kɛ vanaa kɔlvesɛiya nda kialunnin má faŋan lenin, vanaa lo o lediom coo le-a bɛɛ a sungunnin lenin.»

Talelan 25:26

Vana sandaa vana kɔlvesɛiyo hiŋ hɔlla-o co ko maa soon mandaa mamɛn, te kon te soon kólaa linda mɛmma ndɔan ma co malindɛiyan-ndo.

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Habakuk 1:12

Kɛ nɔm yɛ, vɛ̀ɛ̀ o co nɔm te co Mɛlɛka nuu le fɛɛn a fɛɛn te? Hala nuu, O-Diandaa nuu pɛɛn. N vinin o laan te few! Nɔm Mɛlɛka, nɔm hɛli Babilɔnnda ha le naa yamɛi kiolɔɔ ni. Nɔm Hala co tiindan nuu ni, nɔm vem nda le naa dɛnɛ palaa tuisio coo nuaa ni.

Habakuk 1:4

Lelan, vannda co lɛ tɔŋndo biyɔɔ le, sandei cuu few. Vana kɔlvesɛiyo co vana sandu-o kafalan tosallo, mì yaman lacòòvan va kiolɔnndo.

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.