2Samiɛl 3:8 - BII BILA

⁸ Mɛɛ Abnɛr tuei sɔɔn Is-Bosɛt dimi mún-ndon, mó tambu kɔl taw, mó mulul ndu aa: «Vɛ̀ɛ̀ bolle tunnde sim le vannda Yuda len ya co ni? I cɔm hau mɛɛ ya holnun yungu Saul fuɲa nɔm-ndo yɛ, mɛɛ ya holnun puapilɛa ndɔa yɛ a mɛɛ ya holnun caaŋaa ndɔa yɛ. Mí kei o nɛi oo nɛi coo, i mel nɔm David o ba le. A kon kpow nɔm hin ya hau ɲunaa le dɛnɛ naa n tɛɛmbuu naa cua kon-ndo ni?

2Samiɛl 3:8 Iomraidhean Croise

2Samiɛl 16:9

O kon mí Abisai, po Seruya-o ɲuna masaa aa: «Le yɛɛ mì tun vílɛ́iyo ho va nɔm masaa, nɔm vana bɛndoo yeowlan nuaa? Mɛi-yɔ mì kɔ kiolu ndu bollen!»

2Samiɛl 2:8

Mí Abnɛr, po Nɛr-o, ó va vanaa cɔvaa Saul-la bollen-ndo cua Is-Bosɛt po Saul-lo, mó kɔa a ndu Mahanaim,

2Samiɛl 3:18

Lelan, la suili ndu niko masaa, kani nuaa Mɛlɛka soo a ndu o kɔɔ ni aa: ‹O vana nuu David nin ya keinin ni mì ciindiaa vanaa nia, Israɛlla pɛɛn, mì baŋa nda Filistia a yaamɔaa ndaa kpow o ba.›»

2Samiɛl 3:9

Te i tosal David dɛnɛ kɛndɛ Mɛlɛka ndóò mɛnalan ndu le ndu tosallo-o le, màá Hala tuisí sanga hiow sangalan kpow-vo ya coo!

2Samiɛl 5:2

Lɔ́ɔ́ Saul va paandu masaa naa coo-o, nɔm va Israɛlla simndan laci o cɔwvo ni. Nduyɛ, Mɛlɛka cii nin nɔm dimul maa nɔm vanin masa Israɛlla ni, vanaa ndɔa pɛɛn. Nɔm vanin simlacinɔ ndaa ni.»

2Samiɛl 9:8

Mí Mefibosɛt baŋ vulan, mó dimi aa: «Masaa, le yɛɛ n co yɛ buulan bɛndoo ho le ya, ya tun vílɛ́iyo ho?»

2Masaa 8:13

Mí Hasaɛl dimi aa: «Yɛɛ ya co yɛ, ya buɛi nɔmndo, le sɔɔn bɛndun vaa lende tosaa? Ya tunndo ho!» Mí Elise mulul ndu aa: «Mɛlɛka cii ya cɔm maa a siŋnunnin masaa o lɛŋnde Aram-nden coo.»

Condii lisai 76:10

Ken tosan tuma kon kpeekpei, tuma nɔm Hala cɛn le dɛnɛ sandaa simio-o, telen n cɛn kon le vanaa co sangaa o lɛŋnden coo-a kpow baŋaa-o.

Esai 37:23

Nɛ̀ɛ́-nɛ̀ n yeow yɛ, nɛ̀ɛ́ n dimul-lɛ sɔɔn tanaan? A Nɛ̀ɛ́-nɛ̀ n tosal-lɛ paa-kala má soaa a ndu coocoo? A Nɛ̀ɛ́-nɛ̀ n heelu yɛ hɔlla coo? Ya Hala Diandaa Israɛlla n hol sondoo nuaa ni dɛ!

Tɔŋ miingua 23:18

«Suunda leyulaa bɛnda mò va cuavaa laandua Israɛlla tɛɛn te, o bɛnda vɛlɛ mo va poaa Israɛlla tɛɛn te.

1Samiɛl 15:28

O kon, mí Samiɛl dimul Saul aa: «Nuaa Mɛlɛka sɛɛsiaa nɔm hau masalen o ba Israɛlla coo ni, mó yɔngu vana celen, vana co fisa a nɔm-ndo pɛɛn.

1Samiɛl 17:43

Mí Koliat deŋul ndu aa: «Mò va maa tunndo ya co le ya hinullo a siondei ni?» Mó dɔaw David danga o halaa Filistia lo,