2Samiɛl 3:3 - BII BILA

³ Kileab va po ndɔ diinndɔɔ ni, nda Abikail lanɔɔ fɔ̀nɔ̀ Nabal Karmɛlnɔ velu kon ni. Po ndɔ yàándɔɔ va Absalɔm ni, nda Maaka, cua Talmai va masaa Kesur-o velu kon ni.

2Samiɛl 3:3 Iomraidhean Croise

2Samiɛl 13:1

Tofa vɔ ɲɛ tosan o kon kɔɔli-o: Absalɔm, po David-o ndóò nɔ yemaa, naŋɔɔ pila yema ndɔ kon ndóò naŋ ni, diolan aa Tamar. Kɛ mí Amnɔn, po celen David-o yeema cuaambɔ kon taw.

2Samiɛl 14:23

Mí Yoab can mó kɔa Kesur. Mó kɔ hun a Absalɔm Yerusalɛm.

2Samiɛl 14:24

Kɛ mí masaa dimi aa: «O kɔ sanaa o ndu lo bɛɛ, o fúlà ya o hɔl te!» O kon mí Absalɔm kɔa o ndu lo bɛɛ, o ci masaa a lehɔl te.

2Samiɛl 14:32

Mí Absalɔm mulul Yoab aa: «Le tùú yáà veelu nɔm le ya kuello o masaa lo ma kɛɛ-o. Yáà yeema mì nɔm óò kɔ ɲuna ndu kɔlɔ ya mal niko Kesur mí hun-ndo, ndóò ve fisa mì yáà lonnun ndon te? O laan ndu, mɛɛ mí tiiya o masaa lo! Te diyɔɔ o co ya ni, o dii ya.»

2Samiɛl 15:7

Vɔsilan tan hiɔɔlu o kon kɔɔli, mí Absalɔm dimul masaa aa: «Cɛl-la mì kɔɛ Hebrɔn le kpema ya yii o Mɛlɛka lo-o peeloo.

2Samiɛl 15:8

Kani telen ya va Kesur, o lɛŋnde Aram-nden nin-ndo, mí yii kpemaa o Mɛlɛka lo, maa te o mingi ya pɛ Yerusalɛm lekɛ́ndɛi, i solulnin ndu sálàlan Hebrɔn.»

2Samiɛl 2:2

Mí David kɔa nda laandaa ndɔa ŋiɔnda, Ahinoam Yisrɛeliinɔ nda Abikail, lanɔɔ fɔ̀nɔ̀ Nabal Karmɛlnɔ.

1Masaa 1:6

Adoniya ndóò naŋ hɔlla taw, Absalɔm malɔɔ mɛɛlen mí ndu cua. Lɔ́ɔ́ David fuɲa ndɔ va vɔ yoomu-o, lepilɛ bɛɛ o kpee ndu mò ɲuna ndu kɔlɔ o va tosaa lende-o le.

1Masaa 2:15

Mó dimul ndu aa: «A sina maa ya ndáà bɛnda le masalen yɔngoo ni, Israɛlla kpow a va nin cumndo mì yáà siŋnun masaa. Kɛ mí masale kalalen le hialun ya, mí le kɔa o Salomɔn pɔmbɔ ni lo. Nduyɛ, Mɛlɛka ke ndu masalen nden ni.

1Dɛnnda lemasalan 3:1

Poaa David velu Hebrɔn-nda yɔŋnun haa ni: Amnɔn va po ndɔ tasoo ni, nda Ahinoam Yisrɛeliinɔ velu ndu ni. Po ndɔ diinndɔɔ diolan Daniɛl, nda Abikail Karmɛlnɔ velu kon ni.

1Dɛnnda lemasalan 3:2

Po yàándɔɔ diolan Absalɔm, nda Maaka cua Talmai va masaa Kesur-o velu kon ni. Po hiɔɔlundɔɔ diolan Adoniya, po Hakit-o va kon ni.

Tɔŋ miingua 3:14

Mí Yair, po imama Manase-o hialu tàndàá Arkɔb kpow háá o pɛɛngulan a lɛŋnde Kesuriia a Maakatiia. Mó handu diola ndɔlan o sɔndɔkɔltan Basan coo. Háá paalen nden a co lan veeloo aa sɔndɔkɔlta Yair lan.

Yosue 13:13

Kɛ Israɛlla tuw Kesuriia a Maakatiia le. Lelan nda co icali Israɛlla tɛɛn háá paalen nden ni.

1Samiɛl 25:3

Nabal langbanɔ kon ndóò nɔ diolan ni, laa ndɔ diolan Abikail. Laa ndɔ kon ndóò nɔ kɔlkaloo taw, ndóò naŋ vɛlɛ hɔlla taw. Kɛ vana vɔɔndo a vana kɔlvesɛiyo Nabal pɔnɔ ndɔ ndu va ni. O polale Kalɛb len nin ndóò fula ni.

1Samiɛl 25:42

Mó caŋ dɔ́ɔ́ cɔ́-cɔ́, mó hel o sofɛlɛ ndɔɔ coo, mó malnun buɛyaa ndɔa laandua a ŋuɛɛnu kɔɔli, má kɔa nda kiilaa David vem-nda, mó siŋnun laa ndɔ.

1Samiɛl 27:8

Telen David nda langbaa ndɔa va kon Siklak-o, a va kɔlan Kesuriia, Kirsiia a Amalɛkea delɔɔ coo a cɔwvo. Kabi paandu yɛ, vanaa kan kpow vannun icali o tàndà kon nin ni, kandɔɔ Sur kɔlan tiiyaa háá o lɛŋnde Esipte len.