2Samiɛl 24:7 - BII BILA

⁷ Má hiaw laci, má tiiya Tir, kobi va kon o kpakio nin-ndo pɛɛn, má kɔa vɛlɛ o kobila Hiviia a o kobila Kanannda kpow nin, má kɔ tiiya háá Bɛɛr-Seba a ba too, o tàndá Yuda-o nin.

2Samiɛl 24:7 Iomraidhean Croise

2Samiɛl 24:2

Mí masaa dimul Yoab, ó va simlacinɔ vanaa cɔwva mó va ndu ikɛi-yo aa: «Balu o lɛŋnde Israɛl-ten kpow nin, kandɔɔ Dan kɔlan tiiya háá Bɛɛr-Seba, mì la cɔm vannda, mì la sɛva nda diolan kpow. Kani i yeema mì sina mɛɛ vannda co sɛ́lɛ́ yɛ.»

2Samiɛl 24:8

Paangon mún ŋɔmahiɔɔlu a palɛi bidiin nda tosa ni, má cii lɛŋnden balɔɔ, má kɔ tiiya Yerusalɛm.

Sakari 9:3

Vannda Tir a cownun fonda mayoomoo, a cuungiaa volion mɛɛ cundoo co lɛŋ nuaa yɛ, má dii sianion kundaa mɛɛ loolio co o nɛiyo co nuaa yɛ.

Yosue 11:3

Mó viam vɛlɛ kiilaa o Kanaŋaa va o kɔngɔla tiɔnnda peo Yurdɛn demullo lan-nda lo, o Amoriia lo, o Hitiia lo, o Perisiia lo, o Yebusiaa va o tàndá n'pemboo nin-nda lo a o Yebusiaa va o pembei Hɛrmɔn bɛngu o tàndá Mispa-o nin-nda lo.

Yosue 19:28

Mí la kei Ebron, Rehɔb, Hamɔn a Kana, mí la kɔa háá Sidɔn-Bɛndoo.

Yosue 19:29

O kon kɔɔli, mí la kɔa a kpengii Rama-e, mí la tiiya háá Tir, kobi va o kpakio nin-ndo pɛɛn. Mí la hiaw Hosa, mí la kei Aksib, mí la kɔ del o mɛmma ihɛllan coo,

Yosue 9:1

Lɔ́ɔ́ masaa va Yurdɛn leeloo-a kpow a tuei maa Israɛlla cii Ai tɛɛmbuu-o, á va o pembei coo-a, á va o dɛngbɔɔ nin-nda a á va o mɛmma ihɛllan Mediteranee kɔngɔ-a, háá o pembon Liban coo, nda yɔŋnun yɛ Hitiia, Amoriia, Kanannda, Perisiia, Heviia a Yebusiia ni,

Yosue 9:7

Kɛ mí Israɛlla mulul nda aa: «Bɔɔle naa macɛlu niaa co icali ni, vɛ̀ɛ̀ naa n yii yɛnin kpemaa naa niaa?»

Masaa kialaa n'yamaa 3:3

Vanaa-mangalaa-isɔaa kan va haa ni: simlacia ŋuɛɛnua Filistia, Kanannda kpow, Sidɔnnda a Heviaa va o tàndá n'pemboo Liban nin-nda, cɔnɔnndo o pembei Baal-Hɛrmɔn kɔlan tiiyaa háá le luɛyɔɔ Hamat.