2Samiɛl 24:2 - BII BILA

² Mí masaa dimul Yoab, ó va simlacinɔ vanaa cɔwva mó va ndu ikɛi-yo aa: «Balu o lɛŋnde Israɛl-ten kpow nin, kandɔɔ Dan kɔlan tiiya háá Bɛɛr-Seba, mì la cɔm vannda, mì la sɛva nda diolan kpow. Kani i yeema mì sina mɛɛ vannda co sɛ́lɛ́ yɛ.»

2Samiɛl 24:2 Iomraidhean Croise

O Kandɔɔ 21:14

Diimandɔɔ idiiyo púŋ, mí Abraham pena buloo cua, mó vow mɛnndan o bɔlɔ yáw cuinndo nin. Mó handu Akar ɲɛm mun o congú, mó yɔngu ndu vɛlɛ Ismaɛl po ndɔ, mó soli ndu cɛinin. Mí Akar kɔannun, mó kɔ luusian o lɛŋnde veselɛilen Bɛɛr-Seba nin.

2Samiɛl 17:11

Lelan, tuu nuu co hoo ni: cuungiaa vanaa cɔvaa Israɛlla kpow nɛɛ pilɛ mɛɛ sióónndon va o mɛmma ihɛllan kɔngɔ nuaa yɛ, kandɔɔ o tàndá Dan-ndo nin, kɔlan tiiyaa háá Bɛɛr-Seba. Mì nɔm pila bɛɛ kɔɛ le cɔwvo.

2Samiɛl 2:13

Mí Yoab, po Seruya-o, nda buɛyaa David-a bɛɛ a bii nɛiyo le kɔlan. Mí kundala tiɔnnda lan la kɔ bɔŋan o lumii mamɛnnde Kabaɔn. Mí kundaa pilɛ sim o kɔngɔɔ leeloo, mí kundaa pilɔɔ sim o kɔngɔɔ pilɔɔ leeloo.

2Samiɛl 20:23

Yoab va simlacinɔ vanaa cɔwva Israɛl kpow ni, Benaya po Yehoyada-o va Keretiia nda Peletiia bollen ni,

2Samiɛl 23:37

Selɛk Amɔnnɔ, Narai Beerotiinɔ ndu va vana cuaa ɲɛm cɔvun Yoab po Seruya-o-on ni,

2Samiɛl 24:15

Fɔ́ɔ́fɔ̀, mí Mɛlɛka tuisi nàà halimaa Israɛlla coo kandɔɔ ɲinkon idiiyo háá mí telen Mɛlɛka ndóò kelu kon-ndo cuu. Kandɔɔ Dan kɔlan tiiyaa háá Bɛɛr-Seba, mí vannda vu vaalan belaŋɔmmɛw o Israɛlla tɛɛn.

2Samiɛl 3:10

Kani mí ndu Mɛlɛka mɛnan le yungu Saul-lo masalen poondaa o ba, le David siinguuo masaa Israɛlla a Yudaa coo, kandɔɔ Dan kɔlan tiiyaa háá Bɛɛr-Seba.»

2Samiɛl 8:16

Yoab, po Seruya-o va simlacinɔ vanaa cɔwva ni, Yosafat, po Ahilud-o va vana yondaa masaa ni.

1Dɛnnda lemasalan 21:2

Mí David dimul Yoab a simlacia vanaa cɔwva aa: «La kɔ mì la cɔm Israɛlla tɛ́kpɛ́-tɛ́kpɛ́, kandɔɔ Bɛɛr-Seba kɔlan háá Dan, o kon mì la hun downun ya kona. Kani i yeema mì sina mɛɛ nda co kpow yɛ.»

2Dɛnnda lemasalan 32:31

Kɛ nduyɛ, telen simlacia Babilɔn a vem kiilaa le ndu ɲunaa a dɛnɛ kɔndɔfili óò tosan o lɛŋnde len nin-ndo o kɔɔ-o, mí Hala mal ndu le ndu tɔɔndanndo, haliko mo sina yiyan va Esekia o kɔl-lo kpow.

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Yeremi 17:5

Diom Mɛlɛka dimi-o co hoo ni aa: «Dangaa co le vana kalifan vanacieo, mò kɛsi kɔllo vanaciee yoomaa coo, mò faŋa kɔl ndɔɔ Mɛlɛka coo-o.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

Masaa kialaa n'yamaa 20:1

Mí Israɛlla kpow a cɛlan, mí sɛ́lɔ́ɔ́ fula nɛɛ-nɛɛ ka, kandɔɔ Dan a ba luaŋ-ndo, kɔlan tiiyaa háá Bɛɛr-Seba a ba too, keiyo a tàndá Kalaad-o a ba paalen le can-ndo, má cuungian Mɛlɛka o hɔl Mispa maa vana pilɛ kpé.