2Samiɛl 24:10 - BII BILA

¹⁰ O kon kɔɔli, mí kɔllo kandu David fulaa, mí ndu pila yaalan le cɔm o cɔm kon Israɛlla mó sɛva nda-o, mó dimul Mɛlɛka aa: «I cua hakio taw. I tosa bɔɔ dɛnɔɔ maa diɔm. Lelan Mɛlɛka, mal-la haki yandi, ya vana nɔm baalaa.»

2Samiɛl 24:10 Iomraidhean Croise

2Samiɛl 12:13

O kon mí David dimul Natan aa: «I cua hakio a Mɛlɛka.» Mí Natan dimul David aa: «Mɛlɛka cii nɔm haki malɔɔ le haki kon, a vinin te.

2Samiɛl 24:17

Mɛɛ David ce mɛlɛkanɔɔ vannda diwvo, mó dimul Mɛlɛka aa: «Ya cua hakio ni. Ya tɛɛmbuu tɛɛmbuuo ho ni. Vannda ha tosa dɛnɛ vɔɔn kɛ́-kɛ̀ le. Lelan yandi, tuisi ya pila a yungu nuu sangaa ho coo.»

1Masaa 8:35

Tàà tosa pɛ hakio pum a nɔm, mì halataalaa kindan, mì piɔɔ ve lɛ sia le, tàà piɛi pɛ o fondaa ho, mà lisa diola nɔmndan, mà mangala kela nda vɔɔndo,

1Dɛnnda lemasalan 21:7

Mí dɛnɛ kon nɛinun Hala. O kon, mó saangiaa Israɛlla.

1Dɛnnda lemasalan 21:8

Mí David dimul Hala aa: «I cua hakio taw. I tosa bɔɔ dɛnɔɔ maa diɔm. Lelan Mɛlɛka, mal-la haki yandi, ya vana nɔm baalaa.»

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

2Dɛnnda lemasalan 32:26

Telen Esekia va yoomu-o, mí ndu Esekia nda Yerusalɛmnda tuisin tootoo le yonga ndɔ kon, o kon mí kɔltuw Mɛlɛka-o faŋan nda coo.

SƐBƐ YƆB-O 7:21

Vɛ̀ɛ̀ a nɔla mà biwnun tɛɛmbuula nilan te? Vɛ̀ɛ̀ a tiwba ma mal-la haki le pɔwla nilan te? Má cè ya nihau hinilan o cundoo nin! A nuwviaanin ya, kɛ i ve lɛnin te.»

Condii lisai 32:5

O kon kɔɔli, mí sɔlɔlan haki nuu, i vin tɛɛmbuu nuu le. Mí dimi aa: «I co hakila nilan sɔlalan Mɛlɛka o hɔl». Ɛ̀ɛ̀ nduyɛ, má mal-la haki le tɛɛmbuula nilan.

Fulaa 10:16

Mí Faraɔnnɔɔ viam kiilaa le Moise nda Aarɔn veeloo cɔ́-cɔ́. Mɛɛ nda hin, mó dimul nda aa: «I cua hakio a Mɛlɛka Hala niaa, i cua vɛlɛ hakio a niaa pila.

Talelan 28:13

Vana co tɛɛmbuula ndɔlan vionɔɔ-o, tìw dɛnɛ ba le, kɛ vana sɔlɔlan pɛ tɛɛmbuula ndɔlan mò mal tan, ndu sɔla ɲííye tuinɔnndo.

Osee 14:2

«Israɛlla, la muungu Mɛlɛka Hala niaa o ibuŋ, kani le haki niaa niaa del ni.

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»

Kundalan 12:11

Mó dimul Moise aa: «Vana ni bɛndoo, i sina maa n siŋnun vanaa vɔɔnda. Kɛ o va bɛɛ lende, tuísì naa sanga coo le haki naa n cua o diɔmii nɛi nin-ndo le, yandi.

Marke 7:22

suundaa, ɲɛm pilan yeemaa, vana vɔɔnyɛi, kɔlkalu vɔɔndo, ilaasi-laasiei, paŋalaa, sɔɔn pɔmbɔn, yongaa a diɔmndon.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Nsaŋ 8:9

Ndáà tueyɔɔ lende, má muungun a pilɛn-pilɛn, kandɔɔ a kaasonnda. Mí Yeesu lo nda vuɛɛn kon kpé, vuɛɛndo va isisi o lawvo tɛɛn.

Tɔŋ miingua 32:6

Vɛ̀ɛ̀ nuaa vana tosa a Mɛlɛka ni? Éé niaa, la co diɔmaa bɛndu! La kindu lakɔl te few! O co macoaa fuɲa niaa le o co le? Vɛ̀ɛ̀ o co ndu le cɔw niaa le? O co ndu le toosiaa niaa mó kɛsi niaa le?

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

1Samiɛl 24:5

Mí langbaa ndɔa dimul ndu David aa: «Má cè niko paale Mɛlɛka dimi le nɔm yaamɔɔ nɔmndo malɔɔ o ba len! Cɔn niko ma tosa ɲɛ n yeema a ndu-o.» Mí David can duɛɛn, mó kialu bɔ̀ɔ̀le doma bɛndu Saul-lo.

1Samiɛl 24:6

Kɛ mí kɔllo kandu ndu fulaa taw le bɔ̀ɔ̀le doma bɛndu Saul-te o kelu len-nden.

1Samiɛl 26:21

O kon kɔɔli, mí Saul dimi aa: «Àá David po ni! I cua hakio. Muungu nanu. I tosal-lɛnin nɔm dɛnɛ vɔɔn te few. Kani yoomu nuu siŋnun hau ɲɛ sɔvɛɔ nɔm o hɔl. I tosa bɔɔ dɛnndan maa diɔm, i tosa bɔɔ dɛnɛ vɔɔn bɛndu!»