2Samiɛl 23:3 - BII BILA

³ Hala Israɛlla soo, pow kpova Israɛlla dimul-la aa: ‹Masa co masalen tosaa vanndacieea coo a sandei-yo, masa co masalen tosaa nda coo a siòòŋii Hala-e-o,

2Samiɛl 23:3 Iomraidhean Croise

O Kandɔɔ 33:20

Mó cɔaw fonda-loamaa-lasálàá lon, mó ke ndu diolan aa Ɛl-Elohe-Israɛl (kon co dimio ni aa «Hala co Hala Israɛl-lo ni»).

2Samiɛl 22:32

Nɛ̀ɛ́-nɛ̀ co yɛ Hala, te o co Mɛlɛka le? Nɛ̀ɛ́-nɛ̀ co yɛ pow kpovaa, te o co Hala naa le?

2Samiɛl 8:15

Mí David tosa masalen Israɛlla kpow coo. Mó va yaman kiolɔɔ a sandei, o ve vannda hiyan te.

1Masaa 10:9

Màá Mɛlɛka Hala nɔmndo sɔla biiloo le hɛli o hɛli nɔm, mó suili nɔm masaa Israɛlla coo-o! Kani le tùú Mɛlɛka kaola Israɛlla taw-vo o suili nɔm masaa le dɛnɛ sandaa tosaa a le yamɛi caa kiolɔɔ nda coo le fɛɛn a fɛɛn ni.»

Nehemi 5:14

Kandɔɔ o vɔsi bidiinndɔɔ kɔlan háá o vɔsi beleyaa a o diinndɔɔ, mí masaa Artasɛrsɛs suili ya masa ibungaa o tàndá Yuda-o coo. O vosila tɔ́ a latiɔnnda lan bɛngu, puapilɛa nia a ya pila, n di ɲɛm lemasa le.

SƐBƐ YƆB-O 34:17

Vɛ̀ɛ̀ vana nɔ nɛyɔn dɛnɛ sandaa-o nɔla pá masalen tosaa? Bàà ma tɔɔndan le Vana Sandaa, O co Vana-Kpaayaa-o yaalaa?

Condii lisai 110:2

Mɛlɛka tondunin masale nɔmnden cɔnɔnndo Siɔn, a tosanin masalen yaamɔaa nɔmaa balu nɔm-nda coo.

Condii lisai 42:9

Màá Mɛlɛka cɔm ya vanakɛndɛyɛi ndɔɛi ipala deŋ! O kon, i lɔlnin ndu sangalaa pii o condei nin. Piɛilen le co len le Hala nɔ yoomu nuu o ba-o ni.

Condii lisai 72:1

Condii Salomɔm-nde. Éé Hala, tosa mì masaa caa yaman kiolɔɔ maa num pila. Tosa mì poaa masaa sina dɛnɛ sandaa.

Condii lisai 72:2

O kon, o kialunin vanaa nɔmnda iyama o sandei nin, mò kelu yaman vanaa dɛnɛ palaa co coo-a a sakpoyɛi.

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

Talelan 31:9

Soo le nda, tosa nda masalen coo a sandei. Soo le vanaa bala fondoa a le vanaa ikɔɔa.»

Esai 32:1

Masaa pum tosanin masalen mɛɛ dɛnɛ sandaa co yɛ, simlacia vanin ndu o ba bɛngu-a tosanin simlacilen o sakpoyɛi nin.

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Hebreea 1:8

Kɛ le po ndɔɔ mó dimi aa: «Àá Hala! Masale nɔmnden le co le lɔ́ɔ́-lɔ́ɔ̀. O sandei nin n co vanaa nɔmnda masalen tosaa coo ni.