2Samiɛl 23:1 - BII BILA

¹ Sɔɔn mɛɛlan David soo-on yɔŋnun mun ni: «Diomnda mɛɛlaala David, po Yisai-yo dimi lan la co lan ni, sɔɔn vana bɛndoo soo-on yɔŋnun mun ni, vana Hala Yakɔb-o pɔla mó siinguu ndu masaa-o, ò Israɛlla lisa taw o condon nin-ndo:

2Samiɛl 23:1 Iomraidhean Croise

O Kandɔɔ 49:1

Mí Yakɔb veelu poaa ndɔa, mó dimul nda aa: «La cuungian nɛɛ pilɛ mì cɔm niaa ɲɛ yɔŋnunnin niaa siɔdii laci-o.

2Samiɛl 22:34

Ndu siinguu pelun nun ni maa pelun puvɛ, ndu simì ya o pembon coo ni.

2Samiɛl 22:51

Mɛlɛka tosa dɛnnda bɛndulan le masa o hɛli-o baŋaa, o lo o diomnde ndɔlen coo a masaa o pɔla-o, David pɛɛn, a polale ndɔlen ndu kɔɔli le fɛɛn a fɛɛn.»

1Dɛnnda lemasalan 16:7

Paale len le yɔŋnun paale tasele David ke Asaf nda puapilɛa ndɔa baalaa le Mɛlɛka sangalaa a condon-nden ni.

1Dɛnnda lemasalan 16:9

La solul ndu condon, la lisa ndu a ɲɛm-caan, la cɔm dɛnnda ndɔla kaamaalan.

Condii lisai 2:6

O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

Condii lisai 72:20

Nanu David, po Yisai-yo mɛɛlu piɛilen ni.

Condii lisai 89:20

Ɲin pum, má soaa o vundulen nin o vanaa lo o lediom coo a nɔm-nda lo, má dimi aa: ‹I yii kpemaa naa kuubanɔ cɔwvo, i heelu langbanɔ felengoo vannda tɛɛn.

Condii lisai 89:21

I komal David, vana baala nuu, mí pɔla ndu a cuɛima nima diandan.

Amɔs 6:5

Bangalan la co lɔɔnɔnndo mì niaa va condei solio o foofo. La co yiyanndo maa la co ɲɛm-caan caa lɔɔ maa David.

Luke 20:42

Kani o sɛbɛ Condun Lisaa nin, mí David pila dimi aa: ‹Mɛlɛka dimul Maalii nuu aa: Cal-la o ba kɛndɔɔ coo,

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Nsaki 5:13

Vɛ̀ɛ̀ o niaa tɛɛn, vana pum co pá o sangaa nin? O bɛnda mò piɛi. Vanndo pum co pá a kɔlkɛndɔɔ? O bɛnda mò soli condon.

1Samiɛl 17:12

Nduyɛ, David po Yisai Efratiinɔ-o o va ni, Bɛtlɛhɛm o tàndá Yuda-o nin Yisai kon ndóò fula ni. Poaa nda ŋɔmaa ndóò nɔ ni. O paale Saul-ten, ndóò yuuva nin taw.

1Samiɛl 18:7

Má va condon cuaa a cɛlɔɔ vellaa-velle aa: «Saul dii yaamɔɔa vaalan, Kɛ David ndu dii yaamɔɔa vaalan tɔ́-tɔ́ o vaalan tɔ́-tɔ́ nin.»

1Samiɛl 2:10

Mɛlɛka co a hiilɛi o halataala le yaamɔaa ndɔa tɛɛmbuuo, kani ndu co yamɛi lɛŋnden kpede kiolɔɔ ni. Ndu lueì masa vanaa ndɔa yoomuan ni, mò cɔɔlu vana o hɛli-o masalen.»