2Samiɛl 22:9 - BII BILA

⁹ Mí kumnde va ndu fulaa o tɛɛngun lamilinndon nin, mí yinnde kɔltuwlen le va fulaa ndu o sondo, mí dɛngulta sɔngɔɲɔnndan la va fulaa.

2Samiɛl 22:9 Iomraidhean Croise

2Samiɛl 22:13

Ɲɛ-tengaa bɛndoo va ndu laci, dɛngulta leyinndan la va fulaa lenin.

2Samiɛl 22:16

Mɛlɛka pɛɛliaa, mí mɛmma ihɛllan ma vela mí pee kɔllo fula ceen, mí hoeiye fula ndu o tɛɛngun lamilinndon, mí lɛŋnde tumnden le kalaŋan.

SƐBƐ YƆB-O 4:9

Vanaa vaa lende, hoeyii Hala-e dɔaw nda yɛɛvɛ ni, hoeyii fula Hala o milin-nde loam nda ni.

Condii lisai 18:15

Mó va kɔɔn ndɔn vuuo, mó va yaamɔɔa puusiaa, mí piɔɔ-volia va iŋuanndi-ŋuanndiei, má laasian kɔltan.

Condii lisai 18:8

Mɛɛ Mɛlɛka tuulu kɔllo, mí lɛŋnden le hiiluŋ, mí le ɲiiya, mí pembon ɲiiya háá o tumndan.

Fulaa 19:18

Mí kumnde mial pembei Sinai, kani Mɛlɛka ndóò tol lon o yinnde bɛndulen nin. Mí kumnde va helɔɔ mɛɛ i fula o tóndó bɛndu leyinndo nin nuaa yɛ. Mí pembei kpow i hiilun voku-voku.

Fulaa 24:17

Israɛlla va biilu Mɛlɛka-o cɔu o pembei tullo maa yinnde bɛndu-bɛndu.

Esai 30:27

La tofa vɔ, Mɛlɛka pila hunnin! O fulanin o tàndá levillo nin mo hin. O co a kɔltuwvo taw, maa yinnde sɔngɔɲɔn kɔltuw ndɔɔ co ni, cɔcɔn co ndu n'piaan ca a kɔltuwvo, diɛɛmule ndɔlen vana ca kaa yinnde co kuuliaa len ni.

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

Yeremi 15:14

I co niaa yɔɔ o biyɔɔ nin yaamɔaa niaa o ba o lɛŋnde niaa sina le len nin. Kani yinnde kɔl ni fulaa le saa, le niaa kpeekpei le bii lende ni.»

Yeremi 5:14

Lelan, diom Mɛlɛka dimi-o co hoo ni, Hala-Nɔ-Kpaayaa-Kpow-vo pɛɛn aa: «Le sɔɛi nda dimi ken-nde, i co sɔɛi nii mingi yinnden nɔm Yeremi o sondo, mì siinguu vanaa kan yɔmnde, yɔmii yinnde len le loamnin-nde.

Habakuk 3:5

Nàà n'kɔnyaa co kɔlan ndu laci, nàà dialun tuwvo co fulaa o foofola bɛngula ndɔlan.

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.

Hebreea 12:29

Kani yinnde tɛɛmbua len Hala naa co ni.