2Samiɛl 22:7 - BII BILA

⁷ O sanga ni bɛndu kon nin, mí koŋul Mɛlɛka o lani, mí yonda o ndu Hala lo. Mó tuɛi ya koŋullo nɛɛ o co o cɛi ndɔ biilaa nin-nda, mí diom nuu del ndu o lani.

2Samiɛl 22:7 Iomraidhean Croise

Condii lisai 107:6

O kon, má koŋul Mɛlɛka o lani o sanga kon nin, mó soli nda lenin.

Condii lisai 116:4

O kon, mí piɛi o diola Mɛlɛka lan aa: «Éé Mɛlɛka! Ciindiaa ya!»

Condii lisai 120:1

Condii vannda keì solio nɛi-tɛɛn o kɔlan-nde. Telen ya va o mɔnɛi nin-ndo, mí koŋul Mɛlɛka o lani, mó mulul-la.

Condii lisai 18:6

Yoei piɔ́mnde ndíì cii ya nin yiwyiw, yala piɔ́mndo va ya o toandaa laci.

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

Condii lisai 34:6

Vanaa co tofaa o ndu lo co naŋɔɔ a ɲaaloo, siɛmbula mingi lɛnin nda hɔlla yifidii le.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Yonas 2:4

Nɔm óò viow ya o soon nɔ lamɛɛlu loo nin, o mɛmma ihɛllan bɛngu, mí tindima mamɛnndan máà balu ya sɔ́, mɛmndan ma va tolɔɔ a yoomuan ya coo.

Yonas 2:7

Mi toal o mɛmma ihɛllan bɛngu, nɛɛ pembon cɛn tum-nda dí. Ciee-piɔ́m ndóò va nin sɔkɔma ndɔan kindaa ya kɔɔli le lɔ́ɔ́-lɔ́ɔ̀. Kɛ nɔm Mɛlɛka Hala nuu, ma kɔ soli ya o soon bɛndu kon nin.

Habakuk 2:20

Mɛlɛka caando co lende le, o co o cɛi ndɔ diandaa nin, lɛŋnden kpow le bɛnda mì le mei ndu o hɔl.

Luke 22:44

Mí Yeesu buulan taw, mó piɛi a kpaayaa taw-taw, mí lalle muungu ndu maa makòó, mí i va delio lɛŋ maa matoŋtoŋ.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.