2Samiɛl 22:3 - BII BILA

³ Pow kpovaa Hala nuu co le ya ni, nɛɛ ya viannun-nda pɛɛn. Ndu co kɔ̀ɔ̀ cɔw kanda ya-o ni, ndu co vana ni ciindiaa ni, ndu baŋa ya vanaa kɔlvesɛiya o ba ni.

2Samiɛl 22:3 Iomraidhean Croise

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

2Samiɛl 22:31

Hala ndu, nɛi ndɔɔ tiwnun, sɔɛi Mɛlɛka-e co idiandaa válán. Ndu co vana kanda vanaa viannun ndu o ba bɛngu-a kpow-vo ni.

2Samiɛl 22:47

Mɛlɛka co yoomu! Sangalaa co le Pow kpova nuu! Màá Hala nɔ cinda nuu o ba-o sɔla lisaa!

2Samiɛl 22:49

Mɛlɛka, nɔm hɛlu ya yaamɔaa nia o ba ni, nɔm yɔŋ mí nɔla vanaa nɔ nɛyɔn nuu-a, nɔm puu ya vanaa kɔlvesɛiya o ba ni.

2Samiɛl 22:51

Mɛlɛka tosa dɛnnda bɛndulan le masa o hɛli-o baŋaa, o lo o diomnde ndɔlen coo a masaa o pɔla-o, David pɛɛn, a polale ndɔlen ndu kɔɔli le fɛɛn a fɛɛn.»

2Samiɛl 23:3

Hala Israɛlla soo, pow kpova Israɛlla dimul-la aa: ‹Masa co masalen tosaa vanndacieea coo a sandei-yo, masa co masalen tosaa nda coo a siòòŋii Hala-e-o,

Condii lisai 14:6

La co tuula vanaa co o sangaa nin-nda tɛɛmbuuo, kɛ siɛmbulan la biinin niaa, kani Mɛlɛka co nɛɛ viannannda le nda ni.

Condii lisai 140:1

Condii David-e, í fula o condun simlacinɔ vanaa n'condua nin-nde.

Condii lisai 140:11

Màá dɛngulta sɔngɔɲɔnndan la deli nda coo! Màá a kɔ o yinnden nin, o soon yingilaa nin, nɛɛ nda cen ndɛnin lɔ́ɔ́-lɔ́ɔ̀ le-a!

Condii lisai 140:4

Diɛɛmui ndɛi i co siembulu-siembulu maa diɛɛmui n'kɛw, lólòla hɔ̀ɔ̀lɔ́a la co nda o lasondo ni.

Condii lisai 142:4

Te sangaa komal-la pɛ, nɔm Mɛlɛka sina nɛila ya kela coo lan. Vannda cii ya yaŋɔɔ o nɛila ya co kelaa lan coo.

Condii lisai 144:2

Ndu co ya kandaa ni, kpaki nuu, nɛɛ nia viannannda, vana baŋaa nuu, kɔ̀ɔ̀ cɔw co ya kandaa-o, o ndu nin ya viannun ni. Ndu kɛ́si vannda kpow ya o labɛngunin ni.

Condii lisai 18:2

I kaola nɔm Mɛlɛka, nɔm co kpaayaa nuu ni.

Condii lisai 27:5

Kani o palɛi dɛnɛ palɛi nin, o mandanin ya o ndu lo cɛinin, mò ven ya o cɛi-kola-toandaa ndɔɔ nin. O heelunin ya o pow kpovaa coo, ɲɛ-ɲɛ komalnin ya lon te.

Condii lisai 28:7

Mɛlɛka co ya kandaa, ndu co kɔ̀ɔ̀ cɔw nuu ni. I laalan ndu a kɔl nuu kpede, ndu co ya malaa ni. Kɔl nuu co a ɲaaloo, i co ndu balikaa mello o condei nin.

Condii lisai 3:3

Vanaa bɔɔ-bɔɔ co dimio a ya o kɔɔ aa: «Daama ni! O sɔla lɛnin cindaa Hala ndɔɔ o ba le.»

Condii lisai 32:7

Nɔm co nɛɛ nia viannannda ni, nɔm co ya kandaa a buulannda nilan ni. I solinin condon le baŋa n baŋa ya-o.

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Condii lisai 46:2

Hala co nɛɛ viannaŋaa naa a kpaki naa ni, vana co naa malaa lɔ́ɔ́-lɔ́ɔ̀ o buulanndan nin-ndo.

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

Condii lisai 5:12

O kon, mì vanaa co vionnɔnndo nɔm o ibuŋ-nda a dɔwnun ɲaale. Mà va yondaa a kɔlkɛndɔɔ le lɔ́ɔ́-lɔ́ɔ̀. Mì vanaa kaola nɔm-nda kpow a soli condon a ɲaaloo. Nɔm co nda kandaa ni.

Condii lisai 55:9

I va keleŋa poondan mì yáà nuwviaa nɛɛ viannannda. I va hoeyii fùkù-fùkùei a felenfelenndo hiovɔɔ keleŋaa.

Condii lisai 59:16

A co kelaa ilaasi-laasiei ɲɛdiaa nuwviaa, taa seelun ɲɛ-ɲɛ le, a lɔl ŋɔɔcianndo pii.

Condii lisai 61:3

I co o lɛŋnden mɛɛlulan mì co nɔm veeloo, kani sanga kɔllo co ya coo. Yɔɔ ya o pow kpova ya nɔla tiiya coo loo coo.

Condii lisai 71:7

I siŋnun dɛnɛ kɔndɔfillo le vanaa bɔɔ-bɔɔ, kɛ nɔm co nɛɛ nia viannaŋaa kpeekpeiya ni.

Condii lisai 72:14

O baŋanin nda le delɔɔ coo a le kɔlvesɛiyo nda co nda tosallo-o, kani yoomu ndaa co ɲɛ sɔvɛ ndu hɔl.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Condii lisai 84:9

Tuei piɛile nilen Mɛlɛka, Hala-Nɔ-Kpaayaa-Kpow-vo! Éé Hala Yakɔb-o, yaŋ ya nilan!

Condii lisai 86:14

Éé Hala, vanaa yongaa co ya cɔlɔbaa, vanaa yɔŋ vɔɔnda co vininndo le ya diyɔɔ. A co bɛɛ yiyan a nɔm o kɔɔ le.

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

Condii lisai 9:9

Ndu kialunin yaman a sandei o ceendo coo ni, ndu kialunin yaman sandan le vanaa-mangalaa-isɔɔ kpow ni.

Fulaa 15:2

Mɛlɛka co yoomuma nian a vana ya lisà-o ni. Ndu yɔŋnun vana ciindiaa nuu ni. Ndu co Hala nuu ni, i lisanin ndu. Ndu co Hala fuɲa nuu ni, i sangalanin ndu.

Talelan 18:10

Kpakio diola Mɛlɛka lan la co ni, lenin vana sandaa viannun ni mò sɔla kandaa.

Talelan 30:5

Sɔɔn Hala-on kpow n co n'diandaa valan. Ndu co kɔ̀ɔ̀ cɔwvo le vanaa viannun ndu o ba bɛngu-a kpow ni.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Esai 32:2

O nda tɛɛn, vana-vana vanin maa nɛɛ yifannda le hoeyii hɔŋɛi a nɛɛ viannannda le hoeyii fùkù-fùkùei, a vanin maa pee mɛmma volo-voloo o fonda vesɛiyo coo, maa vunduma pow kpovaa bɛndoo o lɛŋnde veselɛilen nin.

Esai 45:21

La cɔm le sabu niaa co ken tosaa-o, la kɔɔsa mì la cɔm le kɔlɔ kon. La kɔ tundu mì la yɔngan kɔlkalulan vella-velle! Nɛ̀ɛ́-nɛ̀ dimi yɛ kabi o kandɔɔ maa sɔɔn mun co hunɔɔ tosan? Nɛ̀ɛ́-nɛ̀ yonda yɛ a mun o kɔɔ kabi lɔ́ɔ́ levil? O co ya Mɛlɛka le? Hala celen co le, mɛɛ ya, ya pilɛ kpé co Hala sandaa a Hala ciindiaa vana-o ni.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 16:9

Kani o ya Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: ‹I co vɔkɔ-vɔkɔ lakafo ndaa ɲumi, mì ɲumi yoondiaala ɲaalela ndalan a condun felengia co nɔlan kila sɛnɛiyo-a. La va vɔnin icali mì la ce ken ciŋ.›»

Luke 1:47

i dɔwnun ɲaale le Hala, Vana Ciindiaa nuu,

Luke 1:69

O yɔngu naa vana ciindiaa bɛndoo fulaa o polale David len nin, David vana baala ndɔɔ pɛɛn.

Luke 1:71

o baŋanin naa yaamɔaa naa o ba, mò baŋa vɛlɛ naa vanaa nɔ nɛyɔnndo a naa-a o ba.

Tɔŋ miingua 32:37

O kon, o ɲunanin aa: ‹Kuɛɛ nɛ halaa niaa fondoa co yɛ? Kuɛɛ nɛ pow bandílá niaa tiindan-ndo co yɛ?

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»

Tite 3:4

Kɛ lɔ́ɔ́ Hala Vana naa Ciindiaa cɔm kɛndɛi ndɔɛi a kaola ndɔɔ le vanndacieea-o,

Tite 3:6

Kani Hala sɛŋi naa Kɔl-Diandaa kon coo o diola Yeesu Krista Vana Ciindiaa naa,

Hebreea 2:13

Mó dimi vɛlɛ aa: «Ya i dɔawnin tiindan nuu o Hala nin.» Mó dimi vɛlɛ aa: «Má cè ya naa cuavaa Hala yɔngu ya-a!»

1Samiɛl 2:1

O kon mí Anɛɛ tosa piɛilen mó dimi aa: «Kɔl nuu co o piaa a ɲaaloo le kɛndɛi Mɛlɛka-e. Le kɛndɛi Mɛlɛka-e, siɛmbula co ya le. I nɔla nin mì mam yaamɔaa nia. I co a kɔlkɛndɔɔ, kani Mɛlɛka cii ya mala.

1Samiɛl 2:2

Vana co o diandaa maa Mɛlɛka le, Hala naa ndu pilɛ kpé co pow kpovaa ni. Hala celen co o ndu kɔɔli le.