2Samiɛl 21:7 - BII BILA

⁷ Kɛ David yɔngu Mefibosɛt, po Yonatan-ndo, po imama Saul-lo le, kani ndáà cii nin kpema icanyaa yii o diola Mɛlɛka lan nda Yonatan po Saul-lo.

2Samiɛl 21:7 Iomraidhean Croise

2Samiɛl 16:4

O kon mí masaa dimul Siba aa: «I yɔngu nɔm ɲɛm Mefibosɛt-on kpow.» Mí Siba dimul ndu aa: «Mɛɛ balika masaa le ya dɛnɛ kɛndɔɔ ho tosallo.»

2Samiɛl 19:25

Tuma vannda kɔɛ masaa David bɔŋaa-o, mí Mefibosɛt, po Saul-lo bɛɛ kɔa ndu bɔŋa. Kɛ nduyɛ kandɔɔ paale masaa faŋan-nden, háá paale o muungu len Yerusalɛm kɔlɲulu fɛɛ len, Mefibosɛt pulu n'pelu le, o sendi siaiye o milinndo bɛngu le, o too vɛlɛ volɔɔla ndɔlan te.

2Samiɛl 4:4

Yonatan po Saul-lo ndóò nɔ poo diolan Mefibosɛt, vana bɛvɛiyo o va ni, peelun ndɔn miunndon kpow mun óò tambu ndu ni. Ndóò nɔ vɔ vɔsilan tan ŋuɛɛnu kínɛí, mí yoongoo fula Yisreɛl maa Saul nda Yonatan a vi. Mí vanalanɔ va ndu biyɔɔ-o cua ndu a kiltan le ɲaanɔnndo. Kɛ o lo keleŋaa mí poombɔɔ hialun ndu, mó del, mó siŋnun vana bɛvɛiyo.

2Samiɛl 9:1

Paale pilɛ, mí David dimi aa: «Vɛ̀ɛ̀ vana pum lo vɔ yoomu o polale Saul-ten nin? I yeema mi peelu diomnde nilen a ndu le Yonatan.»

2Samiɛl 9:10

Nɔm pila, poaa nɔmnda a buɛyaa nɔmnda, niaa bɛnda le vallo tosaa o yondala lan coo ni, mì la yoo ndu ɲɛm niaa vanin kovɔɔ-on le po vana nɔm bɛndoo baloo dɔvɔɔ. Kɛ naa Mefibosɛt vanin lɔ́ɔ́-lɔ́ɔ̀ dioo latulu ni.» Siba ndóò nɔ poaa tɔ́ a à ŋuɛɛnu a buɛiya bibiin.

2Samiɛl 9:6

Mefibosɛt, po Yonatan-ndo, po imama Saul-lo tiiyaa o David lo, mó del lɛŋ o kuumbuan o kɔl coo masaa o hɔl. Mí David ɲuna ndu aa: «Nɔm co Mefibosɛt ni?» Mó muli aa: «Ya co vana nɔm baala kon ni.»

2Samiɛl 9:7

Mí David dimul ndu aa: «Siòòŋii bii nɔm te. I yeema mi peelu diomnde nilen a nɔm le Yonatan fuɲa nɔm. I co nɔm lɛŋii Saul fuɲa nɔm mama-e mingul kpow. A vanin vɛlɛ lɔ́ɔ́-lɔ́ɔ̀ ɲɛdiaa dioo naa ŋiɔn latulu.»

Vana Kɔlkaloo 8:2

Te masaa soo pɛ, mò dimi isɔɔ le tosa, vana bɛnda mi vana bii sɔɛi ndɔɛi. Naa n cua ciɛ́ɔn Hala o hɔl le ndu diomndo biyɔɔ ni.

1Samiɛl 18:3

O kon, mí Yonatan yii kpema icanyaa nda David, kani mó kaola ndu maa ndu pila.

1Samiɛl 20:12

Mí Yonatan dimul David aa: «Le Mɛlɛka Hala Israɛlla, telen vaa nuaa siɔdii te kon te diɛŋ, i co fuɲa nuu ɲuna, mì sina yiyan o nɔ a nɔm-ndo. Te o nɔ pɛ yiyan kɛndɔɔ a nɔm, mɛɛ i vimnin nɔm vana le nɔm isɔɔ dimul te.

1Samiɛl 20:15

Hali lɔ́ɔ́ Mɛlɛka ciinin yaamɔaa nɔmnda diw a pilɛn-pilɛnnda o lɛŋnden kpow coo-o, hiow laci a lou o diomnde nɔmnden coo a yungu nuu.»

1Samiɛl 20:17

Mí Yonatan viam vɛlɛ David mɛnanndo le kaola bɛndu va nda tɛɛn-ndo, kani David ndóò kaola Yonatan mɛɛ ndu pila ndóò kaolan yɛ.

1Samiɛl 20:42

O kon kɔɔli, mí Yonatan dimul David aa: «Kɔnnun a kɔlɲulu fɛɛ. Loonun a kpemaa icanya naa yii naa ŋiɔn-ndo, mí n dimi aa ‹Màá Mɛlɛka mala naa mi n lo o diomnden coo naa ŋiɔn, mì kpema kalaa koma lo vɛlɛ poaa naa imamaa tɛɛn le lɔ́ɔ́-lɔ́ɔ̀!›»

1Samiɛl 20:8

Lelan, lo niko o lediom coo niaa buɛi nɔmndo tɛɛn, kani nɔm luei ya o kpemaa nin naa nɔm pila Mɛlɛka o hɔl ni. Te i tɛɛmbuu yɛ pɛ isɔɔ, mɛɛ o co fisa mì nɔm pila dii ya, kɛ kɔa a ya o fuɲa nɔm ndo le.»

1Samiɛl 23:18

Má yii kpema icanyaa Mɛlɛka o hɔl nda ŋiɔn. O kon kɔɔli, mí David lo Hɔrsa, mí Yonatan ndu muungun o ndu lo.

1Samiɛl 24:22

Lelan cuel-la ciɛ́ɔn o diola Mɛlɛka lan maa te i vi pɛ, a koma diwnin poaa nia ma ɲumi diola nilan o yungu nuu nin te.»