2Samiɛl 21:16 - BII BILA

¹⁶ Mí langbanɔɔ pum tuu le David diyɔɔ. Langbanɔ kon diolan aa Yisbi-Benɔb, fulaa o polale Rafa len nin. Bál idaɲaa va ndu o ba, o va lusullo le kilolan tan yáá, mɔɛi cɔvii sɛnɛiye va ndu ilandannde o yáwlen.

2Samiɛl 21:16 Iomraidhean Croise

O Kandɔɔ 14:5

O vɔsi tɔ́ a hiɔɔlundɔɔ nin, mí Kedɔrlaomɛr cua masaa ndaa cɛlan diom-nda, má kɔ del Refaimnda coo a cɔwvo Asterɔt-Karnaim. Má nɔla nda. Má kɔ toal vɛlɛ Susimnda coo Ham, má tiw nda ba. Má hiaw laci, má kɔ nɔla Emimnda Save-Kiriataim ciee.

O Kandɔɔ 6:4

Boondii ken vanaa vilɛi-vilɛiya va o lɛŋnden coo ni. Mí ndáà va vɔ vɛlɛ o kon kɔɔli. Nda yɔŋnun kuubaa cɔvaa masindɛa ni, tɔ́ɔ́ pila ndáà nɔ ni. Tuma poaa Hala-a hun cua cuavaa laandua vanndacieea o nɔ̀lan-ndo nda velu vanaa vilɛyaa kan ni.

2Samiɛl 21:18

Telen pum o kon kɔɔli, má del vɛlɛ Filistia coo a cɔwvo o soon kólaa Kɔb ikɛi. O cɔw kon nin Sibekai fula Husa-o dii Saf po Rafa-o ni.

2Samiɛl 21:20

Mí cɔw celen tosan vɛlɛ Kat. Vana cɔwvo pum va lon bandei pila ndóò bandu ni, suon ŋɔmpum-ŋɔmpum ndóò nɔ o balan a o pelon ni. Faw-faw suon bidiin a n'hiɔɔlu ndóò nɔ ni. O polale Rafa len nin ndu bɛɛ ndóò fula ni.

2Samiɛl 21:22

Filistia hiɔɔlua David nda vanaa ndɔa cɔwva diw kan-nda kpow, o polale Rafa fula kon Kat len nin ndáà fula ni.

2Samiɛl 5:18

Filistia tiiyaa lon, má kɔ tiw o ból Refaimnda nin.

Kundalan 13:22

Má hel a ba Nekɛv-vo, má tiiya háá Hebrɔn, nɛɛ yungula Ahiman, Sesai a Talmai lan la va icali-a, cuavaa-imamaa Anak-a pɛɛn. Hebrɔn kiolɔnndo, vɔsilan tan ŋɔmmɛw o kon kɔɔli, má kialu Soan o lɛŋnde Esipte len nin.

Kundalan 13:28

Kɛ nduyɛ, vanaa co lenin-nda nɔ bɔɔ kpaayaa, kobila bɛndulan pila nda nɔ ni, la co vɛlɛ o kpakilan nin. Mí n ca vɛlɛ bɛɛ cuavaa-imamaa Anak-a.

Tɔŋ miingua 1:28

Te o co yɛ pɛ lende, le yɛɛ naa n co yɛ heelu? Puapilɛa naa soli naa yoomuan má dimi aa vanaa kan a hiow naa vaa sɛ́lɛ́, a hiow naa vɛlɛ kpaayaa, aa kobila ndalan la co bɔɔ kobila bɛndu, la co lakungaalan a kpakilan háá o halataala. Mí n ca bɛɛ polale Anak len ndon.›

Tɔŋ miingua 2:10

Sindɛ, Emimnda va icali lon ni, vanaa kan ndáà nɔ kpaayaa, a va sɛ́lɛ́, ndáà bandu vɛlɛ taw maa cuavaa-imamaa Anak-a.

Tɔŋ miingua 2:11

Emimmaa kan bɛɛ, maa Refaimnda vannda ce nda ni mɛɛ nda ce cuavaa-imamaa Anak-a yɛ, kɛ vannda Moab va nda veeloo ni aa Emimnda.

Tɔŋ miingua 2:21

Vanaa kpaayaa, sɛ́lɛ́ bɛndoo a vanaa bandu taw-va vanaa kan va ni maa cuavaa-imamaa Anak-a. Kɛ mí Mɛlɛka ke poaa Amɔn-nda yoomuan, má diw vanaa kan, má hialu lɛŋnde ndalen, má cal o fonda ndaa.

Tɔŋ miingua 3:11

Ɔk va kon masaa Basan-ndo ndu pilɛ kpé lo yoomu o Refaimnda nin ni. Kpele n'cilinndo kpele ndɔ hinia va ni. O co vɔ háá paalen nden o kobio Raba nin, kobi poaa Amɔnnda pum pɛɛn. Kpele kon bandii ndɔɛi va dunndo leŋɔmahiɔɔlu, buo dunndo lehiɔɔlu, dun vanacieo pɛɛn.»

Tɔŋ miingua 9:2

Vanaa kan a nɔ kpaayaa taw, a bandu vɛlɛ taw. O polale Anak len nin nda fula ni, a niaa sina kan-nda pɛɛn. La tuei nin vɛlɛ sɔɛi he aa: ‹Nɛ̀ɛ́ nɔla yɛnin mò simul cuavaa-imamaa Anak-a?›

Yosue 11:22

O vanaa fula o polale Anak len nin-nda tɛɛn, o kɛ́-kɛ̀ lo lɛ icali o lɛŋnde Israɛlla nin te, fɔ Kaasa, Kat a Asdɔd daama nda va nin ni.

Yosue 15:14

Mí Kalɛb toaw yungula poaa yáá-aa Anak-a: yungu Sesai-yo, yungu Ahiman-ndo a yungu Talmai-yo.

1Samiɛl 17:7

Piaw bál ndɔɔ va celullo maa pikii nda simbulu kola lɔaa-e. Yɛŋnde bál ndɔ kon le va lusullo le kilolan tan ŋɔmmɛw. Vana ndɔ cuaa kɔ̀ɔ̀ cɔwvo va ndu kɔlan laci.