2Samiɛl 21:10 - BII BILA

¹⁰ Mí Rispa, cua Aya-o cua bɔlɔɔ, mó yambu o pow bandíláà coo. Mó lo vanvílɛ́yaa kan mandaa, kandɔɔ a telen koavaa háá mí piɔɔ hun kandu siaa nda coo. O cɛl mì yowva tol nda coo ipala le, o cɛl vɛlɛ mì visia yondoa sɔɔnguu nda ikɛi icɔl te.

2Samiɛl 21:10 Iomraidhean Croise

O Kandɔɔ 40:19

Nanu a palɛi ndii yáá, Faraɔnnɔɔ co nɔm bollen faŋa o kɛsei coo, o co nɔm landɔɔ o yɔm bɛndoo mì yowva hun dio visin nɔmndon.»

2Samiɛl 21:11

Má kɔ dimul David ɲɛ Rispa tosa kon-ndo.

2Samiɛl 3:7

Saul va tiɔmɔɔ nda cuaa pum diolan Rispa, cua Aya-o o va ni. Paale pum, mí Is-Bosɛt ɲuna Abnɛr aa: «Le yɛɛ n tosa yɛ kpelemɔɔsaa niaa lanɔɔ fuɲa nuu?»

1Masaa 21:27

Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Esekiɛl 39:4

O kon, nɔm pila, vanaa nɔmaa cɔwva kpow a vanaa vanin a nɔm latulu-a, la delinin a vílɛ́iya o pembon Israɛl coo. I yɔngunin yovaa biyaa, yovaa súú-súù ka a visia yondoa dialun niaan mà dɔwnun balo a mun.

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Yɔɛl 1:18

La tuei-yɔ mɛɛ cɔlua co somisominndo yɛ. Nawva a visia velan a nawva-a a sina nɛɛ nda kɔ le. Kani a co lɛ bil puiyaa cɔ le. Saa a cuinnda bɛɛ a co o sanga pilɛ kon nin.

Yɔɛl 2:23

Niaa cuawva Siɔn yɛ, la yo a kɔlkɛndɔɔ. La dɔwnun ɲaale o Mɛlɛka Hala niaa nin. Kani o yɔngunin niaa piɔɔ o telen ndɔɔ. O tuisulnin niaa piɔɔ a vɔɔle pɔmbɔlen, mò tuisul niaa vɛlɛ piɔɔ telen vaala taselan maa mɛɛ ndóò tosa paandu yɛ.

Sakari 10:1

«La ɲuna Mɛlɛka mò tuisul niaa piɔɔ, mì piɔɔ a tuma sialte taselen. Mɛlɛka tuisi piɔɔ deŋiaa hoeyii fùkù-fùkoo ni. O tuisilnin niaa piɔɔ pɔ̀lɔ̀-pɔ̀lɔ̀ɔ́ taw, o tosanin mì billo vil o yondola vana-vana coo.

Tɔŋ miingua 11:14

i tuisinin piɔɔ o lɛŋnde niaalen coo a telen bɛnda-o, mì tuisil niaa piɔɔ telen vayiaalan a telen vɔɔle pɔmbɔlen, haliko mi la sɔla ɲɛdiaa taw: maalon, mɔima sɛnɛiyan a cuɛiyan.

Tɔŋ miingua 21:13

o soli volɔɔla cuɛinannda va ndu lekɔɔ telen nda bii ndu o cɔwvo-o lan, o cal o vanapɔnɔ kon ndo cɛinin. O paangei ipilɛ bɛngu, o caŋ fuɲa ndɔ a kala ndɔ. Paangii ken cuu pɛ, vanapɔnɔ kon sina ndu niko vanalanɔ, o cua ndu o nɔ̀u nin, o siŋnun laa ndɔ.

Tɔŋ miingua 21:22

«Te yamɛi vanndo pum i kelun pɛ, mò bɛnda le piɔ́mndo sɔlaa le yɔŋ vɔɔn ndɔɔ, mì la landu ndu o yɔmndo coo,

Tɔŋ miingua 21:23

vana vílɛ́i kon bɛnda mò lɔl o landaa o yɔmndo coo le. La bɛnda mì la kumbu ndu paale niaa landu ndu len. Kani vana nda landu o yɔmndo coo-o, danga fula Hala o ba-o o co ni. Nduyɛ, la bɛnda mì la nɔɔliaa lɛŋnde Mɛlɛka Hala niaa ke niaa kɛ́ɔ len te.»

1Samiɛl 17:44

mó dimul vɛlɛ ndu aa: «Tiiya vɔ nanu, i co yovaa co balɔɔ coocoo-a a visia yondoa dialun nɔmndon yɔngu, má dɔwnun balo a mun!»

1Samiɛl 17:46

Hau, Mɛlɛka co nɔm malɔɔ ya o ba, mì dii nɔm, mì kelu nɔm bollen. Paalen nden hau, mɛɛ mì yɔngu vɛlɛ yovaa co balɔɔ coocoo-a a visia yondoa vanaa cɔvaa Filistia a vílɛ́iya. O kon, mì vannda kpow a sina maa Hala co Israɛl.