2Samiɛl 21:1 - BII BILA

¹ O masale David len bɛngu, mí yiaan ma luɛi o lɛŋnden nin le vɔsilan tan yáá. Mí David ɲuna Mɛlɛka le sinaa a sɔɛi ken o kɔɔ, mí Mɛlɛka mulul ndu aa: «Le tùú Saul nda yungu ndɔɔ a diw Kabaɔnnda-o yiaan man ma tol niaa coo ni.»

2Samiɛl 21:1 Iomraidhean Croise

O Kandɔɔ 12:10

Mí yima fofolan ma luɛi o lɛŋnde Kanaan-nden nin, o kon, mí Abram kɔa o lɛŋnde Esipte len nin le telen bingi tosaa lon. Kani fofola kon va bɔɔ o lɛŋnde Abram va icali nin-nden nin.

O Kandɔɔ 26:1

Tuma kon vɛlɛ, mí yima fofolan ma luɛi o lɛŋnde len nin, yima man maa hiow yima fofolama luɛi o paale Abraham-nden ndan. Le hee, mí Isaak kɔa Kerar o masaa Abimelɛk lo, masa Filistia pɛɛn.

O Kandɔɔ 41:57

Vannda va fulaa o lɛŋii balu tàndà kon-nde nin le kɔlan baloo piondɔɔ Yosɛf o ba Esipte lon, kani yima fofolan ma va ma bɔɔ o lɛŋnde kpow nin.

O Kandɔɔ 42:5

Mí poaa Israɛl-la tiiya Esipte vanaa celeŋaa va kɔlan lon-nda tɛɛn, kani yima fofolan ma va o lɛŋnde Kanaan-nden nin taw.

O Kandɔɔ 43:1

Yima fofolan ma va hiovɔɔ laci tuŋ o lɛŋnde Kanaan-nden nin.

2Samiɛl 16:8

Màá Mɛlɛka tuisi nɔm sangaa coo le vanaa n diw o yungu Saul-lo nin-nda! Kani nɔm poonda Saul masalen o ba ni. Lelan Mɛlɛka siinguu Absalɔm po nɔm masa nuaa ni. A ce nihau mɛɛ dɛnɛ palaa tol nɔm coo yɛ? Nɔm, vana diyaa n'vanndo n co ni.»

2Samiɛl 20:26

Ira fula o polale Yair len coo-o bɛɛ, vana-solia-lasálà David-o o va ni.

2Samiɛl 21:5

Mí Kabaɔnnda mulul ndu aa: «Saul ndóò yeema le naa ciiyo few, mì ndóò diw naa kpow, hali vana pilɛ ndóò mɛinin yoomu o naa tɛɛn o lɛŋnde Israɛl-ten nin te.

2Samiɛl 24:1

Tuma pum, mí Mɛlɛka tuulu vɛlɛ kɔl taw a Israɛlla, mó luei David yiyanndo nin le Israɛlla dɛnɛ bɛnda loo tosallo, mó dimul ndu aa: «Kɔ mà kɔ cɔm Israɛlla a Yudaa tɛ́kpɛ́-tɛ́kpɛ́, mà sɛva nda diolan.»

2Samiɛl 5:19

Mí David ɲuna Mɛlɛka aa: «Vɛ̀ɛ̀ o bɛnda mì kɔ del Filistia coo a cɔwvo? A malnin pá nda ya o ba?» Mí Mɛlɛka mulul David aa: «Kɔ! I co nda malɔɔ lekɛ́ndɛi nɔm o ba.»

2Samiɛl 5:23

Mí David ɲuna vɛlɛ Mɛlɛka. Mí Mɛlɛka dimul ndu aa: «Kɔa nda laci sanaa a cɔwvo le, kei nda a makɔɔ, mà kɔ fulal nda o bundɛ iyùúo dangalaa.

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

1Masaa 18:2

Mí Elii kɔa, mó kɔ cɔmnun Akab. Telen kon, yiaan ma va Samari taw-taw.

2Masaa 6:25

Mí yima fofolama bɛnduan ma luɛi o kobio Samari nin. Mí tiila nda tiila nda kon-ndo kiandu Samaria coo háá mí bolle sofɛlɔɔ le tiiya vɔngoo volin latámán belaŋɔmaa, mí poola kangboo ɲɛ-pɔmbɔ la tiiyaa báà volin latámán mún ŋuɛɛnu.

2Masaa 8:1

Mí Elise dimul cua ndóò mingi po ndɔɔ yoomu-o aa: «Cɔn mì la faŋan nanu niaa yungu nɔmndo, mì la kɔ cal nɛɛ niaa tiwnin ba-a. Kani Mɛlɛka co yima fofolan tuisi o lɛŋnden nden nin háá le vɔsilan tan ŋɔmmɛw.»

SƐBƐ YƆB-O 10:2

I co Hala dimul aa: ‹Yaala vɔ ya le. Cɔm-ndɔ ya dɛnɛ ya tɛɛmbuu-o.

Condii lisai 27:8

I nɔ kɔllo o sɔɔn n dimi-on coo aa: «La nuwviaa hɔlaa nia.» Hɔlaa nɔmda ya co nuwviaa ho nuaa ni, Mɛlɛka!

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Tɔŋ lasálàá 26:26

I tuŋnin niaa ɲɛdiaa. Vanlaandua tɔ́ a loamnin bulu niaa o fonda loamaa buloo ndu pilɛ nin, mà cuu niaa ndu ɲɛ-pɔmbɔ cuinii. La dianin ndu kɛ la pimnin ndu le.

Kundalan 27:21

O simnin Eleasar vana-solia-lasálàá o hɔl, mì Eleasar ɲuna ya Mɛlɛka a urim le dɛnɛ ndɔɔ. Mɛɛ o diminin yɛ Yosue a sɛ́lɛ́ Israɛlla kpow a tosanin o dɛnndan kpow nin ni.»

Yosue 7:1

Mí Israɛlla tosa dɛnɛ vɔɔn bɛndoo o ɲɛm siŋnun teengen le Mɛlɛka-on cuaa nin. Mí langbanɔ pilɛ, diolan Akan, po Karmi-o, Karmi kon po Sabdi-o o va ni, Sabdi kon po Sera-o o va ni, fulaa o polale Yuda len nin cua ɲɛm mun n'pum. Le hee, mí Mɛlɛka tuulu kɔl a Israɛlla.

Yosue 9:20

N mɛinin nda yoomu, yɔŋii kɔltuw Mɛlɛka-o tol naa coo le mɛnalan naa n mɛnalan nda-o. Kɛ ɲɛ naa n tosalnin nda-o co hoo ni:

Ruti 1:1

Tuma Masaa kialaa n'yamaa va masalen tosaa o lɛŋnde Israɛl-ten coo-o, mí yima fofolan ma luɛi o lɛŋnden nin. Mí langbanɔ pilɛ can Bɛtlɛhɛm o tàndá Yuda-o nin nda laa ndɔ a poaa ndɔa ŋiɔnda, le kɔlan calle le telen pum o lɛŋnde Moab len nin.

1Samiɛl 10:22

Má ɲuna vɛlɛ Mɛlɛka aa: «Vɛ̀ɛ̀ vana kon co pá nanu?» Mí Mɛlɛka muli aa: «O co o viannan o volɔɔlan ikɛi.»

1Samiɛl 23:11

Vɛ̀ɛ̀ te o hin pɛ, vannda Keila cɔɔmuunin ya, mà mal-la ndu o ba le? Vɛ̀ɛ̀ Saul kalaa hunnin pá lekɛ́ndɛi mɛɛ ya tuei yɛ? Mɛlɛka Hala Israɛlla, a yandi mulul-la.» Mí Mɛlɛka mulul ndu aa: «O co hunɔɔ.»

1Samiɛl 23:2

Mí David ɲuna Mɛlɛka aa: «Vɛ̀ɛ̀ o bɛnda pá mì kɔ del Filistia ha coo a cɔwvo mì nɔla nda?» Mí Mɛlɛka mulul ndu aa: «Kɔ del nda coo, ma baŋa kobio Keila.»

1Samiɛl 23:4

Mí David ɲuna vɛlɛ Mɛlɛka, mí Mɛlɛka mulul ndu aa: «Cɔn ma kɔɛ Keila. I cii Filistia malɔɔ nɔm o ba.»