2Samiɛl 20:6 - BII BILA

⁶ O kon mí David dimul Abisai aa: «Dɛnɛ Seba, po Bikri-o hiawnin naa kindila a dɛnɛ Absalɔm tosa-o. Lelan sim vanaa cɔvaa co ya kandaa-a laci, mì la kɔɛ ndu kɔɔli, yɔŋii o kɔ luɛinun o kobila mayoomulan lapum nin, mò hɛlun naa.»

2Samiɛl 20:6 Iomraidhean Croise

1Masaa 1:33

Mó dimul nda aa: «La mɔɔsiaa vanaa nia baalaa nɛɛ pilɛ, mì la heelu Salomɔn po ni o sofɛlɛ lemasa nuu coo, mì la tol a ndu Kihon.

2Samiɛl 21:17

Kɛ mí Abisai, po Seruya-o mala David, mó dii Filistinɔ kon. O kon, mí vanaa cɔwva mɛnalan David aa: «A kue lɛ naa kɔɔli o cɔwvo le, yɔŋii n ɲumi ɲɛ-tengaa Israɛl.»

2Samiɛl 11:11

Mí Uri mulul David aa: «Masaa, kesu kpema Mɛlɛka-o, vanaa cɔvaa Israɛlla a haa Yuda a co o cɛila-kolala-toandaalan bɛngu, handɔɔ o kon coo, Yoab simlacinɔ vanaa cɔwva a vanaa nɔmaa baalaa kpow a co lɔan yondoo nin, vɛɛ nɛ ya-ya tiw yɛnin ba, mì kɔɛ o ya lo cɛinin le dioo, le kolɔɔ a le lɔan naa laa nuu? Kɛì-kɛì bɛɛ! Te nɔm masaa co yoomu, màá i tosa sɔɛi vaa lende le!»

1Dɛnnda lemasalan 18:12

Mí Abisai, po Seruya-o diw Edɔmnda vaalan tɔ́ a laŋɔmaa o Ból Ihɛllo nin.

1Dɛnnda lemasalan 11:20

Abisai, puapilɛ Yoab-o va simlacinɔ kunda vanaa yaa-o ni. Paale pilɛ, mó kɔ tisa yaamɔɔa coo a bál ndɔɔ, mó dii n'van kɛmɛ leyáá. O kon o sɔla tɔ́ɔ́ bɛndoo vanaa yáá-aa kan tɛɛn ni.

2Samiɛl 23:18

Abisai pɔmbɔɔ Yoab, po Seruya-o, o kunda vanaa mandaa masaa nin o va ni. Ndu hiŋ bállo ni, mó diw vannda kɛmɛ leyáá. Mó pialnun diolan taw o kunda vanaa yaa kon coo.

2Samiɛl 19:7

Kani vanaa nɔ nɛyɔn nɔmndo-a, nda n kaola ni, mí vanaa kaola nɔm-nda nɛinun nɔm. A cɔm hau kpendekele maa simlacia a buɛyaa nɔmnda kpede a co ɲɛ-ɲɛ nɔm o hɔl te. I sina maa naa kpow náà n vi pɛ hau, mì Absalɔm ndóò lo yoomu ndu pilɛ kpé, kon ndóò hiaw nɔm hɛnan.

2Samiɛl 18:12

Kɛ mí langbanɔɔ mulul Yoab aa: «Kɛ hali nɔm óò ke ya bɛɛ volin latámán vàá pilɛ, i ve cɛlɔɔ le po masaa dɛnɛ vɔɔndo tosallo le. Kani mí naa kpow n tuɛi masaa niaa tɛɛlɔnndo, nɔm, Abisai a Itai aa: ‹La caa taw, yɔŋii vana pilan Absalɔm po ni!›

2Samiɛl 18:2

mó piɔw nda kundulan tan yáá, mó handu Yoab, po Seruya-o kundaa pilɛ bollen, mó handu Abisai, pɔmbɔɔ Yoab kundaa pilɛ bollen, mó handu Itai fula Kat-o kunda yàándɔɔ bollen. O kon kɔɔli, mó dimul vanaa ndɔa cɔwva maa ndu bɛɛ yeema mà kɔɛ latulu nda ndaa o cɔwvo.

2Samiɛl 10:14

Mɛɛ Amɔnnda ce Aramiia ɲaanɔnndo, mí nda bɛɛ ɲaanun Abisai, má muungun o kobi ndaa nin. O kon, Yoab cɔlɔba lɛ Amɔnnda le, mó muungu Yerusalɛm.

2Samiɛl 3:39

Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

2Samiɛl 3:30

Nuaa Yoab nda Abisai pɔmbɔ ndɔ a dii Abnɛr ni, le diyɔɔ Abnɛr dii Asaɛl pɔmbɔ nda o cɔwvo Kabaɔn-ndo.

2Samiɛl 2:18

Poaa yáá-aa Seruya-a va lon: Yoab, Abisai a Asaɛl. Asaɛl ve vana lusulan te, keleŋaa pila ndóò keleŋa ni maa púvɛ.

1Samiɛl 26:6

Mí David veelu Ahimelɛk Hitiinɔ nda Abisai po Seruya-o, pɔmbɔɔ Yoab pɛɛn, mó ɲuna nda aa: «O niaa tɛɛn, ɔ́ɔ̀ vana cɛlnin mì n kɔɛ naa ndu háá o dɔ́ɔ́ngɔ́ Saul-lo nin-ndo?» Mí Abisai muli aa: «Ya i co lakɔ nɔm kɔɔli.»

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

Marke 3:24

Te masalen pila le simulun pɛ, masale len le nɔla kpaayaa sɔlaa le.