2Samiɛl 20:1 - BII BILA

¹ Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

2Samiɛl 20:1 Iomraidhean Croise

O Kandɔɔ 46:21

Poaa Bɛnyamɛn velu-a yɔŋnun haa ni: Bela, Bekɛr, Asbɛl, Kera, Naaman, Ehi, Rɔs, Mupim, Hupim a Ard.

2Samiɛl 15:10

Absalɔm tiiyaa lon, mó kɔ viam suansuaanda o kobila yɛ́-yɛ́la Israɛlla nin kpow le vannda dimullo aa: «La tuei dɔ́ɔ́ pɛ buloo diom, la dimi aa: ‹Absalɔm siŋnun masaa Hebrɔn!›»

2Samiɛl 16:11

Mí David dimul Abisai a vanaa ndɔa baalaa kpow aa: «Po ni ya pila solin o ipulu-o yeema vɔ le ya diyɔɔ, ko caan fulan hoo pɔɔli o polale Bɛnyamɛn-nden nin-ndo. Lelan, la mal ndu lon, o yeow ya, te lende Mɛlɛka dimi ni.

2Samiɛl 16:7

Mó va David yeowlan aa: «Faŋan nanu! Kɔ! Nɔm vana diyaa n'vanndo ho, nɔm diɔmndo ho!

2Samiɛl 18:17

Má cua Absalɔm o vílɛ́iyo, má viaw ndu o soon yingilaa bɛndoo pum nin o bundɔɔ tɛɛn. Má dii powtan kunda bɛndoo ndu coo. Tuma kon Israɛlla kpow a va ɲaanɔnndo, vana-vana va muungoo o ndu lo.

2Samiɛl 20:2

O kon mí Israɛlla kpow faŋan David kɔɔli, má mulin o Seba lo, fɔ vanaa ndáà fula o polale Yuda len nin-nda daama lo masa ndaa ikɛi ni. Má cua ndu liilaa Yurdɛn háá ma kɔ tiiya ndu Yerusalɛm.

2Samiɛl 20:22

Mí cuaa muungu o vanaa tɔ̀a lo, mó kɔ yɔngu nda sila kɔlkalu kon. O kon, má kɔ kialu Seba, po Bikri-o bollen kpali, má vuulu Yoab len o kpakio kɔɔli. O kon kɔɔli, mí Yoab hɔŋ buloo, fɔ́ɔ́fɔ̀, mí vanaa ndɔa cɔwva mal kobio, má muungu o la nda lo. Mí Yoab pila muungu Yerusalɛm masaa David o ibuŋ.

2Samiɛl 23:6

Kɛ vanaa vo Hala le-a nda, maa yɔm n'yɔɔ vana viaw-vo nda kpow co ni, ò vana cue a ba loo pɛɛn.

1Masaa 12:16

Mɛɛ Israɛlla kpow a ce maa masaa ve nda lani yaŋɔɔ le, má mulul ndu aa: «Yɛɛ co yɛ naa tɛɛn naa David-aa? N nɔ kɛ́ latulu naa po Yisai-yo-aa le! Sei! Naa Israɛlla, n muungun o la naa lo cɛinin. Nɔm po David-o ho, a ce cɛi nɔmndo, koma tosa mɛɛ n yeema yɛ.» O kon, mí Israɛlla muungun o la nda lo.

1Masaa 21:10

O kon mì la kɛsi ndu vanaa fondoa nda ŋiɔn laci, mì vanaa kan ɲiinduu ndu còòlan coo aa o dimi sɔɔn tanan a Hala a á masaa. O kon kɔɔli, la soli ndu o cieo kɔɔli, la kɔ vii ndu a powtan háá mo vi.»

2Dɛnnda lemasalan 10:16

Mɛɛ Israɛlla kpow a ce maa masaa ve nda lani yaŋɔɔ le, má mulul ndu aa: «Yɛɛ co yɛ naa tɛɛn naa David-aa? N nɔ kɛ́ latulu naa po Yisai-yo-aa le! Sei! Naa Israɛlla, n muungun o la naa lo cɛinin. Nɔm po David-o ho, a ce cɛi nɔmndo, koma tosa mɛɛ n yeema yɛ.» O kon mí Israɛlla kpow a muungun o la nda lo.

2Dɛnnda lemasalan 10:6

Mí masaa Roboam koma ɲuna kaasoŋaa kɔlkalua va Salomɔn fuɲa ndɔ ikɛi telen o va yoomu-o-a aa: «Sila yɛɛ niaa nɔ yɛ le ya le vannda ha mulullo?»

Condii lisai 17:13

Mɛlɛka, cɔn ma ciŋilan yaamɔaa nia, ma yɔl nda lɛŋ. Baŋa ya vanaa kɔlvesɛiya ha o ba a mɔɛi nɔmii cɔwve.

Condii lisai 34:19

Mɛlɛka co vanaa co o sanga kɔllo nin-nda ikɛi, o co vanaa co a kɔlta tambɛilan-nda ciindiaa.

Talelan 25:8

Keleŋa sɔɛi n ce-e dimi o cɛi kialaa n'yamaa nin te, kani te yaamɔɔ nɔmndo hun sɔla nɔm pɛ di, vɛ̀ɛ́ n tosa yɛnin o kon kɔɔli?

Talelan 26:21

Suɛɛnde yɔngu dɛngultan ni, mì yɔmnde tosa mì yinnden le bii. Lende koni vana kpɛlɛkpɛlɔɔ hun a sɛɛngianndan ni.

Marke 3:24

Te masalen pila le simulun pɛ, masale len le nɔla kpaayaa sɔlaa le.

Luke 19:14

Kɛ vanaa va o lɛŋnde ndɔlen nin-nda ndáà yeema ndu le. Má soli vannda, má kɔa ndu kɔɔli, má kɔ dimi aa: ‹N yeema mì langbanɔɔ ho tosa masalen naa coo le.›

Luke 19:27

Le yaamɔaa nia yɛ, áà yeema mì yáà sul masa nda coo le-a, la hun a nda nanu, mì la diw nda ya o hɔl.›»

Nsaŋ 13:8

Mí Piɛr dimul ndu aa: «Kɛì-kɛì bɛɛ, a bɛnda ma pulu ya pelon lɔ́ɔ́-lɔ́ɔ̀ le!» Mí Yeesu mulul ndu aa: «Te i pulu nɔm pelon te, mɛɛ a co o ni le.»

Tɔŋ miingua 13:13

Te la tuei pɛ maa o kobila Mɛlɛka Hala niaa ke niaa le calle lan o pilɛ nin,

Masaa kialaa n'yamaa 19:22

A lo ɲɛdiaa dioo, mí vanaa fondoa pum o kobi kon nin a hun sɛ́lɔ́ɔ́ fili-fili, má balu cɛiyo sɔ́, má va dioo lɔɔ. Má dimul vana cɛiyo aa: «Solul naa langbanɔ n yiya o nɔm ndo-o. N yeema mì n va a ndu.»

Masaa kialaa n'yamaa 3:27

Ndóò tiiyaa dɔ́ɔ́, mó kɔ hɔŋ buloo o pembun co o tàndá Efraim-ndo nin-ndon coo, mí Israɛlla kpow a toal o pembei coo, mó sim nda laci.

Ruti 2:3

Mí Ruti can dɔ́ɔ́, mó kɔa yasalan nuwviaa vanaa koavaa kɔɔli o ciɛi pum nin, mí ɲɔɔ bendalan, mó kɔa o ciɛi Boas-e nin. Nduyɛ vanayɛi fɔ̀nɔ̀ Elimelɛk-e Boas kon va ni.

1Samiɛl 13:2

Mó hɛli vanaa cɔwva vàálan tan yáá nda tɛɛn, mí vannda vàála tiɔn a lo ndu ikɛi Mikmas a o tàndá n'pemboo Betɛl nin, mí n'van vaa pilɛa tɔ̀a kɔ cal nda Yonatan po ndɔ-aa Kibea, o tàndá Bɛnyamɛn-ndo nin. Mí Saul mingi Israɛlaa tɔ̀a o la nda lo.

1Samiɛl 2:12

Vanaa fondoa poaa Helii-a va ni, ndáà nɔ siòòŋii Mɛlɛka le.

1Samiɛl 30:22

Kɛ mí vanaa vɔɔnda a vanaa poopoaa va o kunda vanaa cɔvaa va David kɔɔli o cɔwvo-a tɛɛn-nda dimi aa: «N kenin haa ɲɛ-ɲɛ o bolofaa cɔw naa n sɔla-o nin te, laandaa ndaa a cuavaa ndaa kínɛí nda co sɔla ni mà kɔɛ a nda, kani a kue naa ndaa o cɔwvo le.»