2Samiɛl 2:9 - BII BILA

⁹ mó kɔ suili ndu masaa o tàndá Kalaad-o coo, o tàndá Asur-o coo, o tàndá Yisreɛl-lo coo, o tàndá Efraim-ndo coo a o tàndá Bɛnyamɛn-ndo coo. Mbɔ̀ vana dimi tuŋ maa Israɛlla kpow coo.

2Samiɛl 2:9 Iomraidhean Croise

O Kandɔɔ 30:13

Mí Lea dimi aa: «I pɛl bɔɔ tɔnɔ! Kani vanlaandua co nin va ya veeloo aa vanalanɔ pɛl tɔnɔ-o.» Mó ke ndu diolan aa Asɛr (kon co dimio ni aa «Vana pɛl tɔnɔ-o»).

2Samiɛl 2:10

Is-Bosɛt, po Saul-lo ndóò nɔ vɔsilan belehiɔɔlu lɔ́ɔ́ o siŋnun masaa Israɛlla coo-o. Mó tosa masalen vɔsilan tan tiɔn. Polale Yuda len daama léè cɛl masale David len ni.

2Samiɛl 3:6

Tuma cɔwvo va yungu Saul-lo nda yungu David-o tɛɛn-ndo, mí Abnɛr sim le yungu Saul-lo malaa.

1Dɛnnda lemasalan 12:29

Mí Sadɔk bɛɛ kɔa a simlacia bidiin a ŋiɔn fulaa o yungu fuɲa ndɔ-o nin. Kuubanɔ felengoo Sadɔk kon va ni.

1Dɛnnda lemasalan 12:30

O vanaa fula o polale Bɛnyamɛn-nden nin-nda tɛɛn, puapilɛa Saul-la pɛɛn, vannda vàálan tan yáá (3 000) a kɔɛ ni. Kani háá o telen kon, vanaa bɔɔ-bɔɔ o nda tɛɛn vannun-ndɔ baalaa o yungu Saul-lo lo.

Condii lisai 108:8

Hala co sɔɛi o Fonda Diandaa-Diandaa ndɔɔ aa: «I tiwnin ba, i co hunɔɔ Sikɛm piɔw, mì tuu bóllo Sukɔt a pɛltan.

Kundalan 1:40

Má sɛva polale Asɛr len a kundala ndala n'vanayalan a yungula ndalan a pilɛn-pilɛnnda, kandɔɔ vanpiaandua nɔ vɔsilan bidiin-nda a vanaa nɔ hiovɔɔ bidiin-nda, a tiwba le vali cɔwvo tosaa-a.

Yosue 16:5

Mí yungula fula o polale Efraim-nden nin-ndan la sɔla lɛŋnden cɔnɔnndo Atrɔt-Adar a ba too a ba paalen le can-ndo, kɔlan háá Bɛt-Hɔrɔn a maluaŋ,

Yosue 16:8

Cɔnɔnndo Tapua, mí pɛɛngulan la pilapilan pee pɔmbɔɔ Kana a ba paalen le del-lo, mí la kɔ del o mɛmma ihɛllan coo. Lɛŋnde len le yɔŋnun le polale Efraim-nden kɛ́ɔ ni mɛɛ yungula ndalan la co yɛ,

Yosue 16:9

handɔɔ niko kobila va le poaa Efraim-nda lan a cieon pɔmbɔn balu lan mí n va o tàndá Manase-o coo-on.

Yosue 17:1

Mí poaa imama Manase, po tase Yosɛf-o-a sɔla lɛŋnden. Poaa imama Makir po tase Manase-o-a ndáà cii nin lɛŋnden Kalaad a lɛŋnden Basan sɔla Yurdɛn a ba paalen le can-ndo, kani kuubanɔ cɔwvo Makir va ni.

Yosue 18:11

Ndáà malɔɔ siondei, mí polale Bɛnyamɛn-nden le sɔla bungɛi tasei mɛɛ yungula ndalan la va yɛ. Lɛŋnde nda sɔla o siondei malɔɔ len le va o lɛŋii polale Yuda len a polale Yosɛf len le sɔla-e tɛɛn.

Yosue 18:20

Yurdɛn va pɛɛngulan a ba paalen le can-ndo ni. Lɛŋnde poaa Bɛnyamɛn-nda sɔla kɛ́ɔ len le yɔŋnun nden ni, mɛɛ yungula ndalan la va yɛ a mɛɛ pɛɛngula ndalan la va yɛ.

Yosue 19:18

Pɛɛngula lɛŋnde ndalen la va keiyo Yisreɛl, Kesullɔt, Sunɛm,

Yosue 22:9

Mí vanaa fula o polale Rubɛn-nden nin-nda, vanaa fula o polale Kad len nin-nda vanaa a fula o polale tálále Manase len nin-nda sɛyan nda Israɛlaa tɔ̀a nɛɛ nda va Silo o lɛŋnde Kanaan-nden nin-nda, má muungu o tàndá Kalaad-o nin, lɛŋnde Mɛlɛka ndóò dimul Moise le nda keo len.

Masaa kialaa n'yamaa 1:32

Calle vanaa fula o polale Asɛr len nin-nda cal Kanaŋaa va icali o lɛŋnde len nin-nda tɛɛn ni, kani a tuw nda le.

1Samiɛl 29:1

Mí Filistia bɔɔŋiaa vanaa ndaa cɔwva kpow Afɛk, mí Israɛlla nda kɔ kila dɔ́ɔ́ngɔ́ɔ̀ o soon mamɛnndo Yisreɛl kɔngɔ.