2Samiɛl 2:8 - BII BILA

⁸ Mí Abnɛr, po Nɛr-o, ó va vanaa cɔvaa Saul-la bollen-ndo cua Is-Bosɛt po Saul-lo, mó kɔa a ndu Mahanaim,

2Samiɛl 2:8 Iomraidhean Croise

O Kandɔɔ 32:2

Mí Yakɔb ndu bii nɛiyo le kɔlan o ndu lo. Mí mɛlɛkaa Hala-a hun ndu bɔŋaa.

O Kandɔɔ 32:3

Mɛɛ o ce nda, mó yonda aa: «Nanu dɔ́ɔ́ngɔ́ Hala-o co ni.» Mó ke fonda kon diolan aa: Mahanaim (kon co dimio ni aa «Dɔ́ɔ́ngɔ́la tiɔnndan»).

2Samiɛl 17:24

Tuma Absalɔm va peo Yurdɛn taŋɔɔ nda vanaa ndɔa cɔwva Israɛl kpow-vo, mí David ndu tiiya Mahanaim.

2Samiɛl 2:29

Mí Abnɛr nda vanaa ndɔa cɔwva lɔl kɔlan pii o dɛɛlalan Yurdɛn nin, má kɔ taŋ peo, má taŋ Bitrɔn, má kɔ tiiya Mahanaim.

2Samiɛl 2:7

Lelan sisa la sim yili, la luei yoomuan, kani Saul vana niaa bɛndoo vinnun. Kɛ ya yungu Yuda-o pɔla ni mì va masaa nda coo.»

2Samiɛl 3:38

Mí David dimul vanaa ndɔa baalaa aa: «La co pá sina maa simlacinɔ bɛndoo sɔla hau piɔ́mndo Israɛlla tɛɛn?

2Samiɛl 3:6

Tuma cɔwvo va yungu Saul-lo nda yungu David-o tɛɛn-ndo, mí Abnɛr sim le yungu Saul-lo malaa.

1Dɛnnda lemasalan 12:29

Mí Sadɔk bɛɛ kɔa a simlacia bidiin a ŋiɔn fulaa o yungu fuɲa ndɔ-o nin. Kuubanɔ felengoo Sadɔk kon va ni.

1Dɛnnda lemasalan 12:30

O vanaa fula o polale Bɛnyamɛn-nden nin-nda tɛɛn, puapilɛa Saul-la pɛɛn, vannda vàálan tan yáá (3 000) a kɔɛ ni. Kani háá o telen kon, vanaa bɔɔ-bɔɔ o nda tɛɛn vannun-ndɔ baalaa o yungu Saul-lo lo.

1Dɛnnda lemasalan 8:33

Nɛr velu Kis ni, mí Kis vialu Saul, mí Saul vialu Yonatan, Malki-Sua, Abinadab a Ɛsbaal.

1Dɛnnda lemasalan 9:39

Nɛr velu Kis ni, mí Kis vialu Saul, mí Saul vialu Yonatan, Malki-Sua, Abinadab a Ɛsbaal.

Yosue 21:38

O tàndá Kad-o nin, má sɔla kobilan tan hiɔɔlu a yondola balu kobila lan-ndan kpow: Ramɔt va o tàndá Kalaad-o nin-ndo va kobi pilɛ o kobila vanaa sulalle ndíì fula o ba mì ndáà hun vionnɔnndo lennin-ndan tɛɛn. Má sɔla vɛlɛ Mahanaim,

1Samiɛl 14:50

Diola lanɔɔ Saul-tan la va ni aa Ahinoam, Ahimaas ndóò velu ndu ni. Kuubanɔ va vanaa ndɔa cɔwva kpede bollen-ndo va Abnɛr ni, po Nɛr-o pɛɛn. Nɛr kon yɛ puapilɛ fuɲaa Saul-lo o va ni.

1Samiɛl 17:55

Tuma Saul ndóò ce David Koliat kuello-o, mó ɲuna Abnɛr va simlacinɔ vanaa cɔwva-o aa: «Abnɛr sei! Nɛ̀ɛ́-nɛ̀ kpeekpei velu yɛ poombɔ felengoo ho?» Mí Abnɛr mulul ndu aa: «Masaa a toɲa, i sínà le.»

1Samiɛl 26:14

Mó veelu vanaa cɔwva a Abnɛr po Nɛr-o coocoo kpélén, mó dimi aa: «Abnɛr sei! Abnɛr, vɛ a cɛl veeloo le?» Mí Abnɛr muli, mó dimi aa: «Nɔm nɛ̀ɛ́-nɛ̀ co yɛ hoo yondaa masaa o lani?»