2Samiɛl 2:7 - BII BILA

⁷ Lelan sisa la sim yili, la luei yoomuan, kani Saul vana niaa bɛndoo vinnun. Kɛ ya yungu Yuda-o pɔla ni mì va masaa nda coo.»

2Samiɛl 2:7 Iomraidhean Croise

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

2Samiɛl 10:12

Lelan, tosa vanapɔnɔyɛi, mì n tosa cɔwvo a yoomuan le lɛŋnde naalen a le kobila Hala naa. Màá Mɛlɛka tosa ɲɛ hɛnan ndu-o!»

2Samiɛl 2:6

Niaa bɛɛ, màá Mɛlɛka lo o lediom coo a niaa, mò cɔm niaa sakpoyɛi ndɔɛi! Ya bɛɛ, i tosalnin niaa dɛnɛ kɛndɔɔ lende, le dɛnɛ niaa tosa kon-ndo.

2Samiɛl 2:8

Mí Abnɛr, po Nɛr-o, ó va vanaa cɔvaa Saul-la bollen-ndo cua Is-Bosɛt po Saul-lo, mó kɔa a ndu Mahanaim,

2Samiɛl 5:3

O kon mí kaasoŋaa kɔlkalua Israɛl kpow a kɔa Hebrɔn nɛɛ masaa David va-a, mí David yii kpemaa a nda Mɛlɛka o hɔl Hebrɔn ndon. O kon kɔɔli, má pɔla David, mó siŋnun masa Israɛlla.

2Masaa 11:12

O kon mí Yehoyada vana-solia-lasálàá veelu Yoas po masaa, mó vow ndu tɔɔmasele lemasaa, mó yɔngu ndu sɛbɛ kpemaa. Má pɔla ndu, má siinguu ndu masaa, má tiam balan, má va dimio aa: «Màá masaa viow yoomu!»

Nehemi 2:18

Mí downun nda niko kona mɛɛ Hala nuu kanda ya yɛ, mí dimul nda vɛlɛ sɔɔn masaa dimul-la-on. Má muli o lepilɔɔ aa: ‹N cɔ̀nnun mì n tangulun.› O kon má lueinan yoomuan o diom nda yii-o coo.

1Korɛntea 16:13

La pɔɛɛnun te, la sim yili o laalanndo nin, la luei yoomuan a kpaayaa.

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

1Samiɛl 31:12

mí vanpiaandua vesa hɔltan-nda bii nɛiyo, má lɔl kɔlan pii, háá má tiiya Bɛt-Sean. Má kɔ tiimbuu Saul a poaa ndɔa a vílɛ́iya o kpaki kobio, má muungu a nda Yabɛs, má kɔ loam nda.

1Samiɛl 31:7

Israɛlaa va o bóllo leeloo-a a á va Yurdɛn leeloo-a cɔu maa vanaa cɔvaa Israɛlla ɲaanun, maa Saul nda poaa ndɔa sɔla piɔ́mndo, má mal kobila ndalan, má ɲaanun, mí Filistia kɔ cal lon.

1Samiɛl 4:9

Lelan naa Filistia, fɔ mì n sim yili, mì n tosa vanapɔnɔyɛi. N kɔ cɔlɔban Hebreea a yoomuan. Yɔŋii naa n siŋnun cɛa ndaa mɛɛ nda va paandu cɛa naa yɛ.»