2Samiɛl 2:5 - BII BILA

⁵ Mí David yoo nda kiilaa, mó dimul nda aa: «Màá Mɛlɛka dɔw nia duaa! Kani la yiyan Saul vana niaa bɛndoo coo, mí la kumbu ndu.

2Samiɛl 2:5 Iomraidhean Croise

O Kandɔɔ 14:19

Mó dɔaw Abram duaa, mó dimi aa: «Màá Hala-Hiow-Ɲɔɔn-Kpow-vo, o cɔw halataala a lɛŋnden-ndo dɔw nɔm Abram duaa!

O Kandɔɔ 14:22

Mí Abram mulul ndu aa: «I heelu baa mí mɛnan o Mɛlɛka lo, Hala-Hiow-Ɲɔɔn-Kpow-vo, o cɔw halataalaa a lɛŋnden-ndo,

2Samiɛl 15:20

Cɛi koni n tiiyaa nanu ni. Vɛ̀ɛ̀ mì kɔɛ vɛlɛ hau seemiaa a nɔm? Ya pila sina vɔ bɛɛ nɛɛ ya sɔndan te. La muungu ciee nia vanaa co nɔm kɔɔli-a. Màá Mɛlɛka tuinun niaa iɲíí, mò tosal niaa dɛnɛ kɛndɔɔ!»

2Samiɛl 21:12

O kon mí David kɔa Yabɛs o tàndá Kalaad-o nin, mó kɔ bii paala Saul nda Yonatan po ndɔ lan pilacieea lon o ba. Kani paale Filistia dii Saul Kilboa, má kɔ landu nda Bɛt-Sean o luŋ-nden, vannda Yabɛs a kɔ ciimbuu paala kalalan ni, má kɔannun a lan.

Condii lisai 115:15

Màá la sɔla duaa fulaa Mɛlɛka o ba, Mɛlɛka cɔw halataalaa a lɛŋnden-ndo pɛɛn!

Yosue 2:14

Mí vanpiaandua kan mulul Rahab aa: «N co a bɛɛndiannda le vuo le niaa, te la cɔɔmuu tuu naa le. Lɔ́ɔ́ Mɛlɛka malnin lɛŋnden nden naa o ba-o, n lonin o lediom coo mì n tosal nɔm dɛnɛ kɛndɔɔ.»

Masaa kialaa n'yamaa 21:8

O kon, má ɲuunian te vanaa pum ndáà va pɛ o polama Israɛlla tɛɛn, a ve paale len Mɛlɛka o hɔl Mispa le-a. Má sina maa vana-vana cen ɲinkon Yabɛs o tàndá Kalaad-o nin mó hun o dɔ́ɔ́ngɔ́ kon nin le cuungian kon te.

Ruti 1:8

Kɛ ndáà tiiyaa nɛi-tɛɛn, mí Noemi dimul laandaa poaa ndɔa kan aa: «La kɔnnun. Vana-vana muungun o yungu kala ndɔ-o nin. Màá Mɛlɛka tosal niaa dɛnɛ kɛndɔɔ mɛɛ niaa bɛɛ tosal poaa nia vi-a a ya pila dɛnɛ kɛndɔɔ yɛ!

Ruti 2:20

Mí Noemi dimul Ruti aa: «Màá Mɛlɛka dɔw ndu duaa! Mɛlɛka co naa vanaa lo yoomu-a ɲííye tuinɔnndo mɛɛ o tuinun vanaa vi-a iɲíí yɛ.» Mó dimi vɛlɛ aa: «Kɛ se langbanɔ kon vanayɛi kpeekpei naa n co naa ndaa ni. O co vana pilɛ o vanaa bɛnda le naa baŋaa-a tɛɛn.»

Ruti 3:10

Mí Boas dimi aa: «Màá Mɛlɛka dɔw nɔm duaa, cuanndo! Ɲɛ n tosa vɛlɛ hoo handɔɔ o ɲɛ tase n tosa-o coo-o cɔm yungu kala-lɛɛ nɔm-ndo maa vanaciee sɔvɛɔ n co ni. Kani a del langbaa felengia nɔ bolofaa-a, te kon te a co a bala fondoa-a kɔɔli le.

1Samiɛl 11:1

Mí Nahas masa Amɔnnda hun tiila kobio Yabɛs co o tàndá Kalaad-o nin-ndo a cɔwvo. Mí vannda Yabɛs dimul Nahas aa: «N yiinun kpemaa naa niaa haliko mi n va nɔm o ba bɛngu.»

1Samiɛl 11:9

Má dimul kiilaa fula Yabɛs o tàndá Kalaad-o nin-nda aa: «La kɔ dimul puapilɛa niaa aa: ‹Siɔdii, lɔ́ɔ́ pá mì paalen le tiiyaa o pol, la sɔlanin baŋaa.›» O kon, mí kiilaa kan kɔ dimul vannda Yabɛs diom kɛndɛ kon, má dɔawnun ɲaale taw.

1Samiɛl 15:13

Mɛɛ Samiɛl tiiya Saul ikɛi, mí Saul dimul ndu aa: «Màá Mɛlɛka dɔw nɔm duaa! I cii sɔɛi Mɛlɛka dimi-e tosa.»

1Samiɛl 23:21

Mí Saul dimi aa: «Màá Mɛlɛka dɔw niaa duaa le ɲíí bii niaa a ya-e!

1Samiɛl 24:19

A soli hau vanakɛndɛyɛi n co ya tosallo-e ceen vakpa, kani Mɛlɛka ndóò cii nin ya malɔɔ nɔm o ba, kɛ a dii ya le.