2Samiɛl 2:23 - BII BILA

²³ Kɛ Asaɛl cɛl le ndu faŋanndo kɔɔli le. O kon, mí Abnɛr mingi baa a makɔɔ, mó cuku ndu demboo a bál tumndo, mí bállo kɔ fula ndu o kɔɔ, mó del o foofo kon, mó vu. Mí vanaa va keiyo o fonda Asaɛl vi kon-ndo-a kpow a va simndan.

2Samiɛl 2:23 Iomraidhean Croise

2Samiɛl 2:24

Kɛ mí Yoab nda Abisai toal Abnɛr kiltan kɔɔli. Mɛɛ nda tiiya o pembei Amma, Kiya ikɛi o nɛi kɔɛ o lɛŋnde veselɛilen Kabaɔn-ndo, mí paalen le del.

2Samiɛl 20:10

Amasa ve sina maa Yoab ndóò nɔ mɔɛi cɔwve o baa pilɔɔ le. Mí Yoab cɔaŋ mɔɛi cɔvii ken Amasa o dembe lepilɛ kpé, mí pulun ndɔn hulun lɛŋ. O pei ndu cukɔɔ lediin te, mí Amasa vu. O kon kɔɔli, mí Yoab nda Abisai pɔmbɔ ndɔ a mɛi ndu lon, má hiawnun Seba, po Bikri-o nuwviaa.

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

2Samiɛl 3:30

Nuaa Yoab nda Abisai pɔmbɔ ndɔ a dii Abnɛr ni, le diyɔɔ Abnɛr dii Asaɛl pɔmbɔ nda o cɔwvo Kabaɔn-ndo.

2Samiɛl 4:6

Má luɛi cɛinin di maa a n'malu o lebol. Má komal Is-Bosɛt o sandaa sakpo o kpele ndɔɔ coo o ndu lo cɛinin, má buli ndu demboo. Ndáà ciiyo ndu diyɔɔ, má kialu ndu bollen. O kon kɔɔli, mí Rekab nda Baana puapilɛ ndɔ a cua bolle len, má ɲaanun. Má lɔl kɔlan pii o nɛi kɔɛ a kpengii Araba-e-o coo.

2Samiɛl 5:6

Mí masaa David nda langbaa ndɔa kuel kobio Yerusalɛm le Yebusiia va o lɛŋnde len nin-nda, mí Yebusiia kan a dimul David aa: «La nɔlanin luɛyɔɔ nanu le, kani vanaa sumɛiya a namtaa a tiwba ma tow niaa!» Kon va dimio ni maa David ndóò nɔlanin kobi kon biyɔɔ le.