2Samiɛl 2:18 - BII BILA

¹⁸ Poaa yáá-aa Seruya-a va lon: Yoab, Abisai a Asaɛl. Asaɛl ve vana lusulan te, keleŋaa pila ndóò keleŋa ni maa púvɛ.

2Samiɛl 2:18 Iomraidhean Croise

2Samiɛl 1:23

O ceen ndaa kpow nin, kaolianndo pila Saul nda Yonatan ndáà kaolian ni. Hali o piɔ́m ndaa nin, a cɛl le sɛyanndo le. Ndáà hiow kovɛa keleŋaa, ndáà hiow yàlàá yoomuan.

2Samiɛl 14:1

Mí Yoab po Seruya-o ca maa masaa David ɲulul kɔllo a Absalɔm.

2Samiɛl 2:19

Mó bii Abnɛr kiltan kɔɔli, o sei o ba kɛndɛ coo le, o sei o ba mɛl coo le.

2Samiɛl 22:34

Ndu siinguu pelun nun ni maa pelun puvɛ, ndu simì ya o pembon coo ni.

2Samiɛl 23:24

Asaɛl pɔmbɔɔ Yoab va o kunda n'van beleyaa-o nin. Vanaa va vɛlɛ o kunda kon nin-nda yɔŋnun haa ni: Ɛlhanan po Dodo fula Bɛtlɛhɛm-ndo,

1Masaa 2:5

Handɔɔ o kon coo, nɔm Salomɔn, a sina ɲɛ Yoab, po Seruya-o tosal-la-o, ndu dii simlacia ŋiɔŋaa vanaa cɔvaa Israɛlla ni, Abnɛr po Nɛr-o nda Amasa po Yetɛr-o pɛɛn. Telen kɔlɲuloo va-o ndu kɔ mal kpundɛ cɔw kon ni, mó suinun kooma man o yáwle va ndu o caŋ-nden a o samtala va ndu o n'pelu lan.

1Dɛnnda lemasalan 11:26

Kuubaa cɔvaa celen va vɛlɛ o kan kɔɔli: Asaɛl, puapilɛ Yoab-o, Ɛlhanan po Dodo fula Bɛtlɛhɛm-ndo,

1Dɛnnda lemasalan 12:8

Yoela nda Sebadia, poaa Yeroham fula Kedɔr-o-a.

1Dɛnnda lemasalan 12:9

Mí kunda celen can vɛlɛ o polale Kad len nin, má kɔ komal David nɛɛ o va o vionnɔnndo nin o lɛŋnde veselɛilen nin-nda. Kuubaa caa cɔwvo taw-taw-va nda va ni, kɔ̀ɔ̀la cɔwlan a báltan la va nda o laba. Vanáà ce nda pɛ vueinɔnndo aa yàlàá ni, ndáà keleŋa vɛlɛ vanáà ca ko aa puwvɛa o pembon coo ni.

1Dɛnnda lemasalan 27:7

Asaɛl, puapilɛ Yoab-o va simlacinɔ hiɔɔlundɔɔ o paangii hiɔɔlundɔɛi nin ni. Ndu faŋanndo, mí Sebadia po ndɔ muungu o fonda ndɔɔ. Vanaa cɔwva vaalan bidiin a lahiɔɔlu a va o kunda ndɔɔ nin ni.

Condii lisai 18:33

Hala co ya kpaaya yɔngoo, o co nɛila nilan sɛndio ya laci.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Condii kɛndɛ-kɛndɛi 2:17

Tuma pá hoeyii paale delɛi hɔŋ, mì vunduan ma lo, a bɛnda ma muungu nanu. Nɔm vanapɔnɔ ya kaola-o, tosa maa púvɛ, te kon te maa kial cua o pembun co naa tɛɛn-ndon coo.»

Condii kɛndɛ-kɛndɛi 8:14

‹Vanapɔnɔ ya kaola hoo-o sei, ɲaanun, va maa púvɛ, te kon te maa kial cua o pembun ɲɛm cun kɛndɔn coo.›»

Amɔs 2:14

Hali vana nɔla kiltan taw-vo bɛɛ sɔlanin nɛɛ viannannda le. Hali vana nɔ yoomuan-ndo tiwnin ba le ɲɛ-ɲɛ tosaa a yoomuma ndɔan te. Hali kuubanɔ cɔwvo nɔlanin yoomu ndɔɔ baŋaa le.

Habakuk 3:19

Mɛlɛka, o co Maalii nuu-o co yoomuma nian ni. O siinguu pelun maa pelun kial, mò tosa mí va kelaa o pembon coo. Condei he fula o sɛbɛ simlacinɔ vanaa n'condua nin. A ɲɛ-caa iyoo nda soli ndi ni.

1Samiɛl 26:6

Mí David veelu Ahimelɛk Hitiinɔ nda Abisai po Seruya-o, pɔmbɔɔ Yoab pɛɛn, mó ɲuna nda aa: «O niaa tɛɛn, ɔ́ɔ̀ vana cɛlnin mì n kɔɛ naa ndu háá o dɔ́ɔ́ngɔ́ Saul-lo nin-ndo?» Mí Abisai muli aa: «Ya i co lakɔ nɔm kɔɔli.»