2Samiɛl 19:9 - BII BILA

⁹ O kon mí masaa can, mó kɔ cal o dio luɛyaa kobio. Má dimul vannda kpow aa: «La tofa vɔ masaa icali o dio kobio se!» Mí vannda kpow hun o ndu lo. Israɛlla ndáà sɔɔndian nin, mí vana-vana kɔannun o ndu lo.

2Samiɛl 19:9 Iomraidhean Croise

2Samiɛl 15:14

Fɔ́ɔ́fɔ̀, mí David dimul vanaa ndɔa baalaa va Yerusalɛm-nda kpow aa: «N ɲaanun, yɔŋii Absalɔm diw naa. N keleŋan, yɔŋii o hun del naa coo a cɔwvo, mò diw vannda o kobio ho nin kpow, mò tuisi kpundɛ bɛndoo naa coo.»

2Samiɛl 18:17

Má cua Absalɔm o vílɛ́iyo, má viaw ndu o soon yingilaa bɛndoo pum nin o bundɔɔ tɛɛn. Má dii powtan kunda bɛndoo ndu coo. Tuma kon Israɛlla kpow a va ɲaanɔnndo, vana-vana va muungoo o ndu lo.

2Samiɛl 19:10

O polama Israɛlla nin kpow, mí vannda va sɔɛi lecoo. Má va dimio aa: «Masaa ho baŋa naa yaamɔaa naa o ba ni, ndu soli naa Filistia o ba bɛngu ni. Kɛ ndu le ɲaanun nuaa, mó faŋan o lɛŋnde ndɔlen nin le Absalɔm te?

2Samiɛl 19:40

Mɛɛ masaa taŋ peo Yurdɛn, mí vannda cuu taŋɔɔ kpow, mí masaa David kɔman Barsilai, mó dɔaw ndu duaa, mó congun ndu. O kon kɔɔli, mí Barsilai muungun o ndu lo.

2Samiɛl 22:44

Nɔm Mɛlɛka, a co ya baŋaa o sɔngɔla vanaa nia bɛngu, a co ya mandaa vanaa-mangalaa-isɔɔa laci. Vanaa ya sina le-a co o ba nuu bɛngu.

2Samiɛl 5:20

Mí David kɔa Baal-Perasim, lon o kɔ nɔla Filistia ni. Mó dimi aa: «Mɛlɛka buli tɛɛngei ya laci o polama yaamɔaa nia tɛɛn maa mɛɛ kandaa piɔl mì mɛnndan ma tol a yoomuan yɛ.» Lelan nda ke fonda kon diolan ni aa: Baal-Perasim (kon co dimi ni aa «Vana bɛndu n'tɛɛngoo»)

Condii lisai 18:43

I co nda ciimiaa mɛɛ cundu hoeiye kɔandu-o co nuaa yɛ, i co nda nɛwvo mɛɛ vana nɛw loolio o nɛi nuaa yɛ.

Fulaa 32:24

Ya bɛɛ mí mulul nda aa vanaa nɔ kelan n'sianion o lani-a sooluu mun mà cuu ya. Mɛɛ nda sooluu mun má cuu ya, mí teengiaa mun o yin, mí hoo fula.»

1Samiɛl 17:50

Nuaa David dii Koliat a pow fáàndaa ni, mɔɛi cɔvii ve ndu o ba le.

1Samiɛl 18:25

Mí Saul dimi aa: «La kɔ dimul ndu aa: ‹Masaa yeema ma dɔw fulu le. Ɲɛ o yeema daama-o co súúndùla Filistia kɛmɛ, le màá ndɔɔ mingio yaamɔaa ndɔa kan coo ni.›» Saul ndóò nɔ o kɔl lekɛ́ndɛi maa David va delɔɔ Filistia o ba.

1Samiɛl 19:5

O vɔngul yoomu ndɔɔ le Koliat Filistinɔɔ diyɔɔ. Ɲinkon, mí Mɛlɛka mala Israɛlla kpow má nɔla yaamɔaa ndaa. Mí nɔm pila ca dɛnɛ kon, nduyɛ ma dɔawnun ɲaale a ndu. Le yɛɛ nɛ n co yɛ niko hakio cuaa ma cii yoomu vana tɛɛmbuu isɔɔ loo? Le yɛɛ nɛ n yeema yɛ le David diyɔɔ o fondo fúúo coo?»