2Samiɛl 19:8 - BII BILA

⁸ Lelan sisa, cɔn mà fula, mà kɔ soo o vanaa nɔmaa baalaa lo. Kani le Mɛlɛka co hoo yoomu-o, taa fula le, vana-vana lonin nɔm kɔɔli cɔɛllɛn te. Kon tosan yɛ pɛ, dɛnɛ palaa toalnin nɔm coo-o hiawnin kalei a dɛnnda palaala kei nɔm coo kabi kandɔɔ o felengiyɛi nɔmnde nin-ndan.»

2Samiɛl 19:8 Iomraidhean Croise

2Samiɛl 15:2

Idii púŋ, ndóò kɔ cal o nɛi dio luɛyaa kobio ikɛi. Telen oo telen ndóò ce pɛ vana sɛɛngian nda vana celen-ndo hiovɔɔ le kɔlan o masaa lo le nda yamɛi kiolɔɔ tɛɛn, Absalɔm ndóò veelu vana kon, ndóò ɲuna ndu aa: «O kobi kuɛɛ nin n fula yɛ?» Te vana kon ndóò mulul ndu pɛ aa: «O polale vaa nuaa nin ya fula o Israɛl tɛɛn ni»,

2Samiɛl 18:17

Má cua Absalɔm o vílɛ́iyo, má viaw ndu o soon yingilaa bɛndoo pum nin o bundɔɔ tɛɛn. Má dii powtan kunda bɛndoo ndu coo. Tuma kon Israɛlla kpow a va ɲaanɔnndo, vana-vana va muungoo o ndu lo.

2Samiɛl 18:24

David va icali o diola tiɔnnda vana kei le luɛyɔɔ o kobio nin-ndan tɛɛn, dioo lekɔɔli a hoo lenin. Mí kpalilnɔɔ pum ndu hel o kpakio coo. O lo mɛɛdianndo, mó ca vanndo hunɔɔ a kiltan ndu pilɛ kpé.

2Samiɛl 18:4

Mí masaa mulul nda aa: «O kɛ́-kɛ̀ niaa dimi pɛ i co niaa kɔɔli.» O kon, mí masaa David sim o dio kobio sondoo vanaa cɔwva tofaa o fulaa, a va sɛ́lɛ́ taw, kundaa pum n'van kɛmɛ, o pum n'van vàá pilɛ.

2Samiɛl 19:3

Paale len, mí kponyo nda nɔla yaamɔɔa o cɔwvo-o siŋnun biisio le vanaa cɔwva kpow. Kani a va tueyɔɔ maa masaa va a mɔnɛi taw le piɔ́m po ndɔɔ.

1Masaa 22:36

Paalen delɔɔ, má yonda aa: «Vana-vana muungu o kobi ndɔ nin, o lɛŋnde ndɔlen nin!»

2Masaa 14:12

Mí Israɛlla nɔla Yudaa, mí vana-vana ɲaanun o ndu lo.

2Masaa 8:21

Mí Yoram kɔa Sair a ɲɛla ɲaanannda ndɔla soa nan-ndan kpow. Icɔllo, mí masaa can nda vanaa ndɔa ɲaanun ɲɛla ɲaanannda ndɔla soa nan-ndan-nda, má kɔ diw Edɔmaa áà balu nda-a. Kɛ mí vanaa cɔwva Yuda ɲaanun o cɛila-kolala-toandaala ndalan nin.

1Samiɛl 4:10

Mí Filistia tiŋ Israɛlla a cɔwvo, má nɔla nda, mí vana-vana ɲaanun o cɛi-kola-toandaa ndɔɔ nin, mí ɲɔɔ yɔŋnun dɛnɛ palaa bɛndoo pila le nda. Vanaa cɔwva vaalan beleyaa a sɔla piɔ́mndo Israɛlla tɛɛn ni.