2Samiɛl 19:1 - BII BILA

¹ O kon mí misimisio bii masaa David. Mó va helɔɔ a caŋndo o cɛi coocoo va o dio luɛyaa kobio nin-ndo coo a dimio aa: «Éé po nuu Absalɔm! Éé ponndo! Éé po nuu Absalɔm! Te ya pila kóò vi o fonda nɔmndo nuaa ni! Éé Absalɔm! Kpòkóó Absalɔm!»

2Samiɛl 19:1 Iomraidhean Croise

O Kandɔɔ 37:35

Mí poaa ndɔa kpow hun ndu ɲɔɔloo, kɛ mó kɛɛ. Mó dimi aa: «I mei le, mɔnɛi co ya lo biyɔɔ háá mì komal po nuu ciee-piɔ́m.» Mó hiaw laci a Yosɛf caŋndo tuŋ-tuŋ.

2Samiɛl 18:12

Kɛ mí langbanɔɔ mulul Yoab aa: «Kɛ hali nɔm óò ke ya bɛɛ volin latámán vàá pilɛ, i ve cɛlɔɔ le po masaa dɛnɛ vɔɔndo tosallo le. Kani mí naa kpow n tuɛi masaa niaa tɛɛlɔnndo, nɔm, Abisai a Itai aa: ‹La caa taw, yɔŋii vana pilan Absalɔm po ni!›

2Samiɛl 18:14

Mí Yoab yonda aa: «I co bɛɛ telen nuu tɛɛmbuu a nɔm te!» O kon, mó cua yɔmii siɛɛmbiɛi ndii yáá, mó kɔ baŋ ndi Absalɔm o kɔllo nɛɛ o va o landanndo-a, o va vɔ yoomu.

2Samiɛl 18:20

Kɛ mí Yoab mulul ndu aa: «Ɛ-ɛ, a venin hau vana kɔɛ a Yoongu kɛndɛ le. A vanin vana kɔanin a yoongu kɛndɔɔ-o paalen celen, kɛ o venin a Yoongu kɛndɛ le n kɔanin hau le. Kani po masaa vi nuaa ni.»

2Samiɛl 18:5

Mí masaa congun Yoab, Abisai a Itai aa: «I co niaa tɛɛlɔn, a yandi la kɔ tosal Absalɔm po ni dɛnɛ vɔɔn te.» Mí vanaa cɔwva kpow a tuɛi ndu simlacia sila kon yɔngoo.

2Samiɛl 19:2

Má kɔ dimul Yoab aa: «Masaa co caŋndo a somisominndo taw le Absalɔm po ndɔ.»

Talelan 17:25

Kɔl tambɛiyo hɔ́ɔ́ diɔmndo ke fuɲa ndɔ ni, mɔnɛi o luei kala velu ndu-o ni.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.