2Samiɛl 18:9 - BII BILA

⁹ Absalɔm va o milɛɔ coo, mó kɔ voolu a vanaa cɔvaa David-a o fondaa pum. Mí milɛɛ ndɔɔ kɔ sɔɔŋa a ndu o bɔɔ lɛvun yɔm terebɛnte bɛndoo pum bɛngu. Mí bolle Absalɔm-nden le haw o lɛwvon tɛɛn, mí milɛɔ hiawnun laci, mí Absalɔm koma lo o landanndo lon.

2Samiɛl 18:9 Iomraidhean Croise

2Samiɛl 13:29

Mí buɛyaa Absalɔm-nda tosa mɛɛ o dimul nda yɛ, má dii Amnɔn. Fɔ́ɔ́fɔ̀, mí poaa tɔ̀a masaa can, mí vana-vana hel o milɛɛ ndɔɔ coo, má sɔɔndian.

2Samiɛl 14:26

Vɔsi oo vɔsi ndóò cuu pɛ, mɛɛ mì ndóò kili yiinde, kani lusullo taw yiinde ndíì lusul ndu o lebol ni. Ndáà cii pɛ ndu yiinde kili, mì ndáà tuu ndi o kilo masaa coo, ndíì hiaw le kilola tiɔn.

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

2Samiɛl 18:10

Langbanɔɔ pum cɔu ndu, mó kɔ dimul Yoab aa: «I ce Absalɔm o landanndo o bɔɔ lɛvun yɔm terebɛnteo nin.»

2Samiɛl 18:14

Mí Yoab yonda aa: «I co bɛɛ telen nuu tɛɛmbuu a nɔm te!» O kon, mó cua yɔmii siɛɛmbiɛi ndii yáá, mó kɔ baŋ ndi Absalɔm o kɔllo nɛɛ o va o landanndo-a, o va vɔ yoomu.

2Samiɛl 18:8

Mí cɔwvo tiw o tàndà kon nin kpow, mí vanaa vi o bundɔɔ nin-nda hiaw vanaa vi o mɔɛi cɔwve bɛngu-a.

SƐBƐ YƆB-O 31:3

Dɛnɛ palaa co le vanaa sendu le-a, sangaa co le vanaa tosaa dɛnnda vɔɔnda.

Talelan 20:20

Te vanndo mɛna pɛ fuɲa ndɔ, te kon te a kala ndɔ, yoomu vana kon ɲumnin mɛɛ tɛ̀ngɔ́ɔ́ ɲum o ɲumndan nin nuaa yɛ.

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

Yeremi 48:44

«Vana ɲaanunnin a siòònde-o, ndu kɔ delnin o soondo nin. Te o kindin pɛ mò fula, o kɔ hawnin o yaŋɔɔlen. Lende ya tosanin a Moabua o vɔsi ya ɲunanin nda konaa-o ni.» Sɔɛi fula ya Mɛlɛka o sondo-e co ken ni.

Matie 27:5

O kon, mí Yuda kɔ vuu volin latámán mun o Cɛi-Hala-o nin. Mó muungu, mó kɔ baanun yoolen o labolo, mó landun.

Marke 7:10

Kani mí Moise dimi aa: ‹Biilu fuɲa nɔm a kala nɔm›, mó dimi vɛlɛ aa ‹Vana yei pɛ fuɲa ndɔ te kon te kala ndɔ, ndu bɛnda mò sɔla piɔ́mndo.›

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

Tɔŋ miingua 21:23

vana vílɛ́i kon bɛnda mò lɔl o landaa o yɔmndo coo le. La bɛnda mì la kumbu ndu paale niaa landu ndu len. Kani vana nda landu o yɔmndo coo-o, danga fula Hala o ba-o o co ni. Nduyɛ, la bɛnda mì la nɔɔliaa lɛŋnde Mɛlɛka Hala niaa ke niaa kɛ́ɔ len te.»

Tɔŋ miingua 27:16

Màá dangaa va vana tɛɛndan fuɲa ndɔ a kala ndɔ-o coo! Vannda kpow a cɛlnin aa: ‹Amiina!›

Tɔŋ miingua 27:20

Màá dangaa va vana suunda a laandaa fuɲa ndɔ-a o pilɛ-o coo! Kani ɲɛ o tosa kon-ndo, fuɲa ndɔ o tɛɛmbuu labɛɛ lende ni. Vannda kpow a cɛlnin aa: ‹Amiina!›