2Samiɛl 18:3 - BII BILA

³ Kɛ mí vanaa cɔwva dimul ndu aa: «O bɛnda mì n kɔɛ naa niaa le cɔwvo tosaa le. Kani te yaamɔɔa kɔ tow naa pɛ, o co naa le nda canin ɲɛ le. Hali a diw bɛɛ vannda baa pilɔɔ naa tɛɛn kpow, kon venin vɛlɛ nda o hɔl ɲɛ-ɲɛ le. Kɛ nɔm pilɛ kpé, a co le vanaa cɔwva vaalan tɔ́. Lelan o co fisa ma lo ciee, nɛɛ dɛnɛ kendu pɛ, a lo ciee a mala naa.»

2Samiɛl 18:3 Iomraidhean Croise

2Samiɛl 10:11

Mó dimul pɔmbɔ ndɔ aa: «Te Aramiia va pɛ le ya nɔlaa, a sɔɔnguu le ya malaa. Kɛ te o va pɛ maa nɔm Amɔnnda co le nɔlaa ni, mɛɛ ya kɔanin le nɔm malaa ni.

2Samiɛl 17:2

Mɛɛ o niinu sangaa nuaa kpɛŋ yɛ, o nɔ lɛhau mayoomu le. I kɔ fula pɛ nda coo fɛlɛmɛndɛn, vanaa co ndu ikɛi-ya co piɔl a kiltan, o kon i koma tisa dɔ́ɔ́ ndu masaa coo, i dii ndu.

2Samiɛl 21:17

Kɛ mí Abisai, po Seruya-o mala David, mó dii Filistinɔ kon. O kon, mí vanaa cɔwva mɛnalan David aa: «A kue lɛ naa kɔɔli o cɔwvo le, yɔŋii n ɲumi ɲɛ-tengaa Israɛl.»

1Masaa 22:31

Kɛ nduyɛ, masaa Aram ndóò cii nin simlacia vanaa ɲaanun ɲɛla ɲaanannda ndɔla soa nan-ndan-nda n'van beleyaa a vanaa ŋiɔn dimul aa: «Niaa niaa cɔlɔba vanaa cɔvaa Israɛlla le, la cɔlɔba vɛlɛ simlacinɔ vanaa ndaa cɔwva le, kɛ la cɔlɔba masa Israɛlla kínɛí.»

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

1Samiɛl 18:7

Má va condon cuaa a cɛlɔɔ vellaa-velle aa: «Saul dii yaamɔɔa vaalan, Kɛ David ndu dii yaamɔɔa vaalan tɔ́-tɔ́ o vaalan tɔ́-tɔ́ nin.»