2Samiɛl 17:8 - BII BILA

⁸ O kon kɔɔli, mó dimul Absalɔm aa: «Nɔm pila sina fuɲa nɔm nda langbaa ndɔa. A sina maa vanaa cɔwva lekɛ́ndɛi nda co ni. A fula pɛ kɔl, a siŋnun maa kɔ́lɔ́vúlu nda cuel cuavaa ndɔa yondoo nin-ndo. Handɔɔ o kon coo, vana cɔwvo fuɲa nɔm co ni, o lɔlnin nɛɛ pilɛ nda caanda le.

2Samiɛl 17:8 Iomraidhean Croise

2Samiɛl 15:18

Mí vanaa baalaa ndɔa kpow a kei ndu o hɔl: Keretiia kpow, Peletiia, a n'van kɛmɛ leŋɔmpumaa fula Kat má hun ndu kɔɔli-a kpow hiaw, má va kɔlan ndu masaa laci.

2Samiɛl 17:9

I ce maa o co nihau o viannanndo o buululan nin, te kon te nɛɛ celen. Te n kandu dɔ́ɔ́ pɛ cɔwvo ma diw vanaa naa, vannda kpow co sɔɛi ken tueyɔɔ, mà dimi aa a nɔla vanaa sim Absalɔm kɔɔli-a.

2Samiɛl 23:16

Mí kuubaa cɔvaa yáá-aa kan kɔ fula fɛlɛmɛndɛn o dɔ́ɔ́ngɔ́ Filistia nin, má kɔ kɔandu mɛnndan o soon mandaa mamɛn va kon Bɛtlɛhɛm ciee-lekɔɔ-o nin, má kɔa a man, má yɔngu David. Kɛ David kol man te, mó solul Mɛlɛka man sálàá, mó cuuŋuu man lɛŋ.

2Samiɛl 23:18

Abisai pɔmbɔɔ Yoab, po Seruya-o, o kunda vanaa mandaa masaa nin o va ni. Ndu hiŋ bállo ni, mó diw vannda kɛmɛ leyáá. Mó pialnun diolan taw o kunda vanaa yaa kon coo.

2Masaa 2:24

Mó mulin, mó tofa nda, mó dɔaw nda danga o diola Mɛlɛka lan. O kon, mí kɔ́lɔ́vúlua fula o bundɔɔ nin nda ŋiɔn, má sɛɛsiaa n'van belehiɔɔlu a vanaa ŋiɔn o poambɔa kan tɛɛn.

Talelan 17:12

O co fisa mì vana bɔŋan a kɔ́lɔ́vúlu nda cuel cuavaa ndɔa-o, a bɔŋanndo a diɔm seemaa pɛ o kɔl-lo.

Talelan 28:15

Simlacinɔ kɔlvesɛi co masalen tosaa vanaa bala fondoa coo-o co ko maa yàlá co kuuliaa-o, maa kɔ́lɔ́vúlu co nin le ɲɛ kpuva-o.

Esekiɛl 19:2

mà dimi aa: «Yɛɛ nɛ kala niaa va yɛ? Yàlà laandoo o va ni. O yàlàá tɛɛn o va ihini ni, o yàlàà téndéa tɛɛn o manda cuavaa ndɔa ni.

Daniɛl 7:5

Visi diinndɔ ya ce-o, ndóò velan a kɔ́lɔ́vúloo. O va maa ɲɛ kandu le cɔnɔn isisi. Kpɛndɔn va ndu o sondo mún yáá, n va o ciŋun ndɔn tɛɛn. Má dimul ndu aa: ‹Cɔn ma de vision taw!›

Osee 13:8

I kpuvanin niaa maa kɔ́lɔ́vúlu nda cuel cuavaa ndɔa-o, mì sɛɛsiaa yala kɔlta niaalan la co nin-ndo. I sɔamnin niaa maa yàlà laandu, mì visia yondoa siow niaa sɛɛsiaa.

Masaa kialaa n'yamaa 18:25

Mí vanaa fula kan o polale Dan-nden nin-nda mulul ndu aa: «Bɔ́ɔ́lùù naa nilan te dɛ! A bɔɔluu pɛ naa nilan, vannda pum o naa tɛɛn a co kɔltan tuulu, má del niaa coo. O kon, nɔm pila kondulun dɛnɛ, a kondul vɛlɛ cɛi nɔmndo dɛnɛ.»

1Samiɛl 16:18

Mí buɛiyo pilɛ cua sɔɛi, mó dimi aa: «I sina langbanɔɔ pum, po Yisai Bɛtlɛhɛmnɔ-o, vana ɲɛ-caa kɛndɛ-kɛndɛ o co ni, vana dialun kalaa a kuubanɔ cɔwvo o co vɛlɛ ni. O caa sɔɛi, o naŋ hɔlla, hiovɔɔ o kon coo, Mɛlɛka co ndu ikɛi.»

1Samiɛl 17:50

Nuaa David dii Koliat a pow fáàndaa ni, mɔɛi cɔvii ve ndu o ba le.

1Samiɛl 23:23

La kɔ mɛɛndian mì la sina bɛ̀mɛ́lta o viannun-ndan, mì la muungu ya o ibuŋ, mì la downun ya kona ɲɛkɛndɛi malan ya can mì n kɔɛ naa niaa. Te o tàndá Yuda-o nin o co lekɛ́ndɛi ni, mɛ̀ɛ́-mɛ̀ɛ́ vannda va bɛɛ sɛ́lɛ́, i co ndu lo nuwviaa o yungula yɛ́-yɛ́la fula o polale Yuda len nin-ndan nin háá mi saalun ndu.»