2Samiɛl 16:8 - BII BILA

⁸ Màá Mɛlɛka tuisi nɔm sangaa coo le vanaa n diw o yungu Saul-lo nin-nda! Kani nɔm poonda Saul masalen o ba ni. Lelan Mɛlɛka siinguu Absalɔm po nɔm masa nuaa ni. A ce nihau mɛɛ dɛnɛ palaa tol nɔm coo yɛ? Nɔm, vana diyaa n'vanndo n co ni.»

2Samiɛl 16:8 Iomraidhean Croise

2Samiɛl 1:16

Mí David dimi aa: «Nɔm pila cii yaalan, kani a dimi maa nɔm dii masa Mɛlɛka pɔla-o ni. Lelan nɔm pila nuwviaa piɔ́m nɔmndo ni.»

2Samiɛl 19:19

Tuma dɛ̀ndɔ̀ɔ́ va yungu masaa peo tɛɛnguuo le kɔlan ɲɛ ndáà bɛnda le tosaa-o dimio-o, mí Simei, po Kera-o del masaa o labɛngunin,

2Samiɛl 19:21

Kani i sina lekɛ́ndɛi maa i cua hakio a nɔm. Lelan ya yɔŋnun hau vana tasoo fulaa o polale Yosɛf len nin ni, le hunɔɔ nɔm masa nuu bɔŋaa.»

2Samiɛl 21:1

O masale David len bɛngu, mí yiaan ma luɛi o lɛŋnden nin le vɔsilan tan yáá. Mí David ɲuna Mɛlɛka le sinaa a sɔɛi ken o kɔɔ, mí Mɛlɛka mulul ndu aa: «Le tùú Saul nda yungu ndɔɔ a diw Kabaɔnnda-o yiaan man ma tol niaa coo ni.»

2Samiɛl 21:9

Mó mal nda Kabaɔnnda o ba, má landu nda Mɛlɛka o hɔl o pembei pum coo. Mí poaa ŋɔmmɛvaa kan kpow a vu o lepilɔɔ. O telen vannda kandu ɔrse kovɔɔ-o kpafii nda dii nda ni.

1Masaa 2:8

A ce Simei po Kera fula Bahurim o polale Bɛnyamɛn-nden nin-ndo, pɔɛɛn a ndu le, kani ndu dimul-la diomnda vɔɔnndan, mó mɛɛniaa ya paale ya va ɲaanɔnndo le kɔlan Mahanaim-nden ni. Kɛ lɔ́ɔ́ ya bii nɛiyo le muungoo-o, mó toal Yurdɛn le ya bɔŋaa. Mí yiilu ndu kpemaa o diola Mɛlɛka lan, mí dimul ndu aa: ‹I diinin nɔm a mɔɛi cɔw le.›

Condii lisai 3:2

Kpòkóó Mɛlɛka! Yaamɔaa nia kui bɔɔ! Sɛ́lɛ́ bɛndoo co cɔnɔnndo le ya cɔlɔbaa.

Condii lisai 4:2

Te i veelu nɔm pɛ, mulul-la, Nɔm Hala cɔm sandii nii-yo. Yiyan ya coo tuma ya co hoo o mɔnɛi nin-ndo. Tuinun ya iɲíí yandi, mà yaŋnun piɛile nilen.

Condii lisai 55:3

Tuei ya diom, ma mulul-la. I co laasianndo a yoomoo fúù-fùù, i muungu yoloma-yoloma,

Condii lisai 7:4

Mɛlɛka Hala nuu, te i tosa pɛ dɛnɛ pum, te i luei pɛ balan o dɛnɛ vɔɔndo nin,

Talelan 26:2

Mɛɛ nɛ́ɛ̀nɛ́ɛ̀a, te kon te lɛɛfɛnnda balu coocoo nuaa a cel te yɛ, lende danga dɔwnun o fondo fúúo coo-o co ni, o bii vana-vana le.

Dɛnnda cɔɔmuanndan 16:6

Kani vannda cuiŋi kooma vanaa diandaa a kooma vanaa-tɛɛngaa-diom Hala-a, mí nɔm ke nda koovan le kolɔɔ, ken bɛnda a nda ni.»

Masaa kialaa n'yamaa 9:24

Mí vana-vana o nda tɛɛn o sɔla sala dɛnɛ vɔɔn o tosa-o: Abimelɛk ndu, le diyɔɔ o dii puapilɛa ndɔa-o, poaa belaŋɔmmɛvaa Yerubaal-la pɛɛn. Sikɛmnda nda nda, le tùú nda sim Abimelɛk kɔɔli le puapilɛa ndɔa diwvo-o.