2Samiɛl 16:11 - BII BILA

¹¹ Mí David dimul Abisai a vanaa ndɔa baalaa kpow aa: «Po ni ya pila solin o ipulu-o yeema vɔ le ya diyɔɔ, ko caan fulan hoo pɔɔli o polale Bɛnyamɛn-nden nin-ndo. Lelan, la mal ndu lon, o yeow ya, te lende Mɛlɛka dimi ni.

2Samiɛl 16:11 Iomraidhean Croise

O Kandɔɔ 15:4

Mí Mɛlɛka dimul ndu aa: «Ɛ-ɛ, langbanɔ kon cuenin kɛ́ nɔmndo le. Hɔ́ɔ́ nɔm pila solinnin o ipulu-o cuanin kɛ́ nɔmndo ni.»

O Kandɔɔ 45:5

Kɛ nduyɛ sisa, mɔnɛi bii niaa le, kɔlta hiilun niaa nin le pisi niaa pisi ya má hun a ya o cɛlen nin nanu-o le. Kani le yoomu niaa baŋaa Hala hivi ya niaa laci nanu ni.

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

2Samiɛl 7:2

Paale pilɛ, mí masa kon dimul Natan vana-tɛɛngaa-diom Hala-o aa: «Tofa vɔ, ya i co icali o cɛi tangulun a yɔmii sɛɛdrei-yo nin, mì kesu kpema Mɛlɛka-o ndu va o cɛi-kola-toandaa nin.»

2Masaa 19:37

Paale pilɛ niko, o va o máán ndɔɔ nin, o va Nisrɔk hala ndɔɔ sooloo, mí poaa ndɔa ŋiɔnda, Adramelɛk nda Sarɛsɛr a kɔ dii ndu a mɔɛi cɔwve, má sɔndan, má kɔannun o lɛŋnde Ararat len nin. Mí Esar-Hadɔn po ndɔ koma sul masaa o fonda ndɔɔ.

2Dɛnnda lemasalan 32:21

Mí Mɛlɛka viam mɛlɛkanɔɔ o dɔ́ɔ́ngɔ́ masaa Asiri nin, mó diw kuubaa cɔwva, simlacia vanaa cɔwva a vanaa a vanaa kùndàá kpow. Mí siɛmbulan la bii masaa Asiri, mó muungu o lɛŋnde ndɔlen nin. Ndóò luɛyɔɔ o cɛi hala ndɔɔ nin, mí poaa ndɔa dii ndu lon a mɔɛi cɔwve.

Condii lisai 109:28

Nda tiw ba mà dɔw dangalan, kɛ nɔm a dɔawnin duaa. Taa cɛn pɛ le cɔwvo, siɛmbulan la biinin nda. Kɛ ya vana baala nɔmndo yɛ, i dɔawnunnin ɲaale.

Esekiɛl 14:9

Te vana-tɛɛngaa-diom Hala-o malnun pɛ ndu o ba, mò dimul vana kon lediom, mɛɛ ya Mɛlɛka hiŋnin vana kon hɔlla ni. I soaŋnin ndu, mì ɲumi ndu vanaa nia Israɛlla tɛɛn.

Esekiɛl 20:25

Mí hendu nda tɔŋnda niŋ te lan, mí ɲindu nda o la ke vana yoomu le lan nin.

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.

1Samiɛl 26:19

Masaa, vana ni bɛndoo, yaŋ-ndɔ nilan, ma tuei ɲɛ ya vana nɔm baalaa co dimi-o. Te Mɛlɛka vem nɔm hee ya tosallo ni, màá sálà ya co ndu solul-lo ɲulul ndu kɔllo! Kɛ te vanndacieea vem nɔm hee tosaa ni, màá Mɛlɛka dɔw nda danga! Kani vannda co ya hau tovɔɔ mà va ya kuunaa calle o lɛŋnde Mɛlɛka ke vanaa ndɔa kɛ́ɔ len nin, kon co dimio ni maa ya kɔ sooluu halaa celennda.