2Samiɛl 16:10 - BII BILA

¹⁰ Kɛ mí masaa mulul ndu aa: «Niaa poaa Seruya-a, le yɛɛ nɛ niaa co yɛ sondoo vowvo o sɔɛi he nin? Te o yeow ya pɛ, mɛɛ Mɛlɛka vem ndu ni aa o yeow ya David. Te lende yɛ ni, nɛ̀ɛ́ nɔla yɛnin mò ɲuna ndu aa ‹Le yɛɛ n co hee tosaa?›»

2Samiɛl 16:10 Iomraidhean Croise

O Kandɔɔ 50:20

Niaa, niáà tuu le ya dɛnɛ vɔɔndo tosallo. Kɛ o dɛnɛ niaa tosa-o nin, mí Hala ndu tuu le ya dɛnɛ kɛndɔɔ mingullo le ɲɛ co hoo hau tosanndo-o peeloo, haliko mi yoomu vanaa bɔɔ-bɔɔ sɔla baŋaa.

2Samiɛl 19:22

O kon mí Abisai, po Seruya-o soaa, mó ɲuna masaa aa: «Vɛ̀ɛ̀ le hee Simei yeow hoo masa Mɛlɛka pɔla-o-o kɛɛnin piɔ́mndo sɔla ni?»

2Samiɛl 19:23

Kɛ mí David mulul ndu aa: «Yɛɛ nɛ co yɛ naa tɛɛn naa niaa, niaa poaa Seruya-a ha? Le yɛɛ niaa co yɛ ya simullo? Vɛ̀ɛ̀ mì vana dii vɛlɛ hau vanacieo o lɛŋnde Israɛl-ten nin? Vɛ̀ɛ̀ o co tiindanndo le ya sɔla nuaa maa ya le co hau masa Israɛlla kpow le?»

2Samiɛl 3:39

Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

1Masaa 2:5

Handɔɔ o kon coo, nɔm Salomɔn, a sina ɲɛ Yoab, po Seruya-o tosal-la-o, ndu dii simlacia ŋiɔŋaa vanaa cɔvaa Israɛlla ni, Abnɛr po Nɛr-o nda Amasa po Yetɛr-o pɛɛn. Telen kɔlɲuloo va-o ndu kɔ mal kpundɛ cɔw kon ni, mó suinun kooma man o yáwle va ndu o caŋ-nden a o samtala va ndu o n'pelu lan.

2Masaa 18:25

Vɛ̀ɛ̀ o co hɛnan Mɛlɛka-o le vem vana ni bɛndoo fondaa ho hinullo le ndu tɛɛmbuuo le? Mɛlɛka pila dimul ndu ni aa o hinul lɛŋnden nden a cɔwvo, mò tɛɛmbuu len.»

SƐBƐ YƆB-O 9:12

Te o bii pɛ ɲɛ, nɛ̀ɛ́-nɛ̀ nɔla yɛ ndu hiɔlɔɔ ndu o ba? Nɛ̀ɛ́-nɛ̀ tɔɔndan yɛ mò ɲuna ndu aa: ‹Yɛɛ n co yɛ kon tosaa?›

Condii lisai 39:9

Baŋa ya a dɛnnda nila vɔɔnnda kpow. Cɛl mì diɔmnda mam ya le.

Vana Kɔlkaloo 8:4

Sɔɛi masaa co sɔɛi vana sɛ́ɛ́ngiàà le, vana-vana tiwba mò ɲuna ndu le aa: ‹Yɛɛ n co yɛ tosaa ho?›

Cɛɛŋɔnnda Yeremi lan 3:37

Nɛ̀ɛ́-nɛ̀ dimi yɛ isɔɔ mì i tosan? O co Mɛlɛka le kialu sɔɔn kpow le?

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

Matie 8:29

Má can yoondiaa aa: «Yɛɛ n yeema yɛ le naa yɔŋndo, nɔm po Hala-o? Vɛ̀ɛ̀ le naa saangiaa n hin ni lɔ́ɔ́ pá mì telenndo tiiya?»

Nsaŋ 18:11

Mí Yeesu dimul Piɛr aa: «Mingi mɔɛi nɔmii cɔwve o boo ndɔɔ nin. Vɛ̀ɛ̀ ya kɛɛ yɛnin kolɔɔ o taala kólaa imɔnɔ Fuɲa nuu ke ya le kolɔɔ lenin-ndo nin?»

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»

1Piɛr 2:23

ndu nda yei o mingi loo, ndu nda saangiaa, o pasa loo, kɛ mó mɛi Hala Vana kialaa iyama sandaa sɔɛi ndɔɛi o ba.

1Samiɛl 26:19

Masaa, vana ni bɛndoo, yaŋ-ndɔ nilan, ma tuei ɲɛ ya vana nɔm baalaa co dimi-o. Te Mɛlɛka vem nɔm hee ya tosallo ni, màá sálà ya co ndu solul-lo ɲulul ndu kɔllo! Kɛ te vanndacieea vem nɔm hee tosaa ni, màá Mɛlɛka dɔw nda danga! Kani vannda co ya hau tovɔɔ mà va ya kuunaa calle o lɛŋnde Mɛlɛka ke vanaa ndɔa kɛ́ɔ len nin, kon co dimio ni maa ya kɔ sooluu halaa celennda.