2Samiɛl 16:1 - BII BILA

¹ Tuma David hiow pembei bollen ɲɛ-pɔmbɔ-o, mó ca Siba, buɛi Is-Bosɛt-o hunɔɔ ndu laci a sofɛlɛa nda ŋiɔn a ɲɛla calaalan nda o lakɔɔ, bululan kɛmɛ lediin, dɛɛla n'rɛsɛnnda toaŋaalan kɛmɛ, voosun vesɛiyon kɛmɛ a mɔiyan hemndo pilɛ va nda o kɔɔ.

2Samiɛl 16:1 Iomraidhean Croise

2Samiɛl 15:30

David va Pembii oliviei helɔɔ pelun fondo a caŋndo, kolaa va o kumbuaa ndu o lebol. Vanaa va kɔlan ndu kɔɔli-a bɛɛ a va kɔlan a kolalan lakumbuan o lebol, a va kɔlan a caŋndo.

2Samiɛl 15:32

Tuma David va tiiyaa o pembei tullo nɛɛ vannda ndáà dema paandu Hala piɛiyo-a-o, mó ca Husai Arkiinɔ hunɔɔ ndu laci. Domaa va ndu o sɛɛsiɛiyo lekɔɔ a loolio o suinanndo o lebol.

2Samiɛl 19:17

Mi Simei, po Kera fula Bahurim o tàndá Bɛnyamɛn-ndo nin-ndo toal a kiltan nda Yudaa le taŋɔɔ le masaa David bɔŋaa.

2Samiɛl 19:32

Mí Barsilai fula o tàndá Kalaad nin-ndo can Rokelim, mó tuusu, mó taŋ peo Yurdɛn nda masaa. O kon kɔɔli, má sɛyan Yurdɛn ndon.

1Dɛnnda lemasalan 12:40

Má tosa palɛi ndii yáá lon o David lo, a va dioo a kolɔɔ, kani mí vanaa nda komal lon-nda toosiaa ɲɛ-ɲɛ fee le nda.

Talelan 18:16

Ɲɛ-kea kumbi diola bɔɔ-bɔɔ, ndu yaa vana o vanaa kùndàá lo ni.

Yeremi 40:10

Ya i co lo Mispa nanu mì va hɔlte niaa Babilɔŋaa vanin hunɔɔ-a tɛɛn. Kɛ niaa la kɔ va mɔiyan a cuɛiyan toosiaa, mì la va kulun koaman kiɔndɔɔ, mì la manda, mì la lo o kobila niaa biinin-ndan nin.»

Yeremi 40:12

O kon mí Yuifia kpow a fula o fondala nda va a sɛŋian-nda, má kɔa Mispa o Kedalia lo o tàndá Yuda-o nin. Má kɔ soli cuɛiyan a mɔiyan taw, má kiandu vɛlɛ tɔlɔɔlan taw.

Amɔs 8:1

Mí Maalii, o co Mɛlɛka-o cɔm ya vɛlɛ vundulen nden: Mí ca kambɛiyo o piaa cá a yɔmii koamɛi diuvɛi.

Misee 7:1

«Kpòkóó, má cè dɛnɛ palaa le ya sii! I siŋnun maa vana fula a tuma kiandaa kɔmnde levɔɔ, maa vana kɔɛ rɛsɛnndon nuwviaa tuma caanda cìì nin mun kiɔndɔɔ-o. Hali kpɔ̀nyɔ̀ɔ́ pilɛ ve lɛ le dioo le, hali voosun sɛnɛin ya yeema taw-von i pilɛ bɛɛ ve lɛ le.

1Samiɛl 10:3

Te la hiow pɛ lon, mì la tiiya o yáláŋii co Tabɔr ikɛi-ye, la co bɔŋan niaa vanpiaandua nda yáá, a co va kɔlan o Cɛi-Diandaa Betɛl. O tasoo nɔnin cuinaa téndéa nda yáá o ba, o diinndɔɔ nɔnin bululan tan yáá o ba, o yàándɔɔ ndu vanin a hem mamɔiyo o ba.

1Samiɛl 16:20

Mí Yisai soli sofɛlɔɔ, mó dovi ɲɛdiaa, mɔiyan hemndo o pilɛ a cuin téndóó o pilɛ ndu o kɔɔ. Mó yɔngu David po ndɔ volɔɔla lan kpow le Saul yòó.

1Samiɛl 25:18

Fɔ́ɔ́fɔ̀, mí Abikail cua bululan kɛmɛ lediin, mɔiyan hemndan tan tiɔn, saa nda bɛɛndiaa-a nda ŋuɛɛnu, kulun toaŋan panio leŋuɛɛnu, rɛsɛŋun vesɛiyon yasalan kɛmɛ a fùlúfúlùla nda bɛɛndiaa a vooson-ndan kɛmɛ lediin. Mó handu ɲɛm mun kpow sofɛlɛa o lakɔɔ.